Kinakabahan na ako lalo na at mag iisang oras na ay hindi ko pa rin nirereplyan si Kael. Si Spike naman at Lara ay nakita ko na bumili ng ihaw ihaw. Nasa tabi ko lang si Sky at nakahalukipkip.
"Kakanta kami mamaya. Stay here." halos mapatalon ako sa striktong boses ni Sky. "If you're planning of something else, don't do it."
Umawang ang labi ko. Manghuhula ba siya?!
"Pinagsasabi mo?" inirapan ko siya at kumuha sa piattos para itutok doon ang inis ko. Kinuha ko ang cellphone at nagreply na lang kay Kael.
Kasama ko ang pinsan ko. Hindi pa ako makatiming.
Huminga ako ng malalim at tumitig nalang sa may dance floor. Halos umuusok na ang dance floor dahil sa mga paa ng nagsasayawan. Lupa lang kasi iyon.
Maya maya pa ay nandiyan na sina Spike at Lara.
"Kathlyn oh! Paborito mong isaw!" nilagay ni Lara ang mga ihaw ihaw sa mesa kaya kumuha ako doon ng isa para kainin.
Hindi na ako tumingin pa kay Sky dahil naiirita ako. Sa huli nakikipagtawanan nalang ako kasama ang mga kaibigan at kakilala na umuupo sa tabi namin. Ang iba naman ay tumatayo nalang sa tabi namin.
If I know, nagpapapansin lang mga 'to kay Sky at Spike e. Aaminin ko na sobra iyong sex appeal nilang dalawa at swabe. Ewan pero di ko feel itong si Sky.
"Ang cool pala dito." Si Spike at tinungga ang beer niya. Ngumiti ako sa kanya at tumango.
"Oo maganda dito. May ilog rin dito na napakaganda. Puwede rin tayong gumala doon. Si lola kasi doon naglalaba."
Nangunot ang noo ni Spike. Nakita kong uminom si Sky at nakikinig sa akin. Tinikom ko ang bibig ko at naging uneasy ako sa pagsasalita ko.
Kainis! Bakit naman ganito?
"Really? Sa ilog naglalaba?"
"Oo! Kasi ang linis ng ilog dito. Disiplinado kasi ang mga tao. Hindi nagtatapon ng mga basura sa ilog."
"That's...really cool."
Hindi nagtagal ay narinig ko na ang pagtunog ng cellphone ko sa isang text. Huminga ako ng malalim at binasa ang text ni Kael.
Kasama mo pala kapatid at pinsan mo kaya hindi ka makaalis. I understand.
Kinagat ko ang aking labi at nahabag sa text ni Kael. Kung hindi lang sana bawal para kay lola sana ay pinakilala ko na si Kael. Pero kilala ko si lola, takot iyon mawalay kami sa kanya ni Lara.
Kinalabit ako ni Shella na kanina pang maingay. Halos siya na ang marinig ko kaysa sa sound system.
"Kath, may number ka ni Sky?" tanong niya. Ngumiwi ako ng maamoy ang amoy ng beer sa kanya.
Umiling ako. Nakita kong nakatitig siya sa mukha at buhok ko.
"Nope. Hindi kami close." sabi ko at umiwas.
"Talaga?" mas lalo pa siyang lumapit at bumulong sakin. "Imposible naman. And...anong gamit mo sa face mo? Ang baby face mo talaga. Tsaka sa buhok mo ano? Ang shiny at bagsak ah."
Umiling ako agad. "Sabon lang namin sa bahay. Safe guard at shampoo ko sunsilk."
Umawang ang labi niya at hinaplos ang buhok niya. "Hindi ako naniniwala." aniya sa tonong nagsusuplada.
Nagkibit balikat nalang ako at nagulat sa tilian ng ibang babae. Iyon pala, dumating si kuya Santi.
Naka black T-shirt siya. Ngumisi ako ng makitang ginulo niya ang buhok ni Lara.
