Pinagmamasdan ko si lola nagtatanim ng bagong bigay na halaman ng kanyang kaibigan. Nakaupo ako sa upuan isang umaga ng Linggo. Nakatulala lang ako at hindi ko maipaliwanag ang nararamdaman kong' inis, kaba at pagtatampo kahapon.
Kung iisipin ay wala namang' kasalanan si Kael e. Ako lang itong may problema.
Binilhan kaya siyang laptop ni Charmaine? Dapat ba maging masaya ako dahil doon? Dapag hindi. Kasi may gusto siya kay Kael.
Dahil sa nalaman ko kahapon ay isang reply lang ang naireply ko kagabi kay Kael. Naiimagine ko pa lang na pumunta doon si Charmaine ay naiinis na ako.
Mabuti nalang at matured mag isip si Kael kaya ng sinabi ko na masakit ang ulo ko at gusto kong' magpahinga ay hindi na niya ako kinulit pa.
Pero iba iba ang aking naiisip kagabi dahil hindi na siya nagreply!
"Kathlyn! Huy!" winagayway ni Lara ang kamay sa aking harapan kaya inirapan ko siya.
"Isampay mo raw ang mga labahin ni lola! Hindi pa iyon nasampay! Aba, naghugas na akong pinggan at lahat na ikaw paupo upo lang diyan!"
"Aba naman Lara sino ba ate sa atin?" pagsisinuplada ko lalo.
"Ate nga kita pero mas maganda ako!" Tumakbo siya agad papasok ng bahay kaya napangiwi ako.
Sa pagtatapos ng aking pag irap ay nakita ko si Sky na kakapasok lang sa malaking gate ng bahay. Naninigarilyo ito at pawisan. Alam ko na agad na mula siya sa pag babasketball dahil iyon lang naman ang libangan niya dito.
Padarag akong tumayo para pumunta sa likod ng bahay at ayusin na ang isasampay ko.
Kinuha ko ang tatlong lagayan ng mga damit at nilingon ang sampayan.
"Huh? Ba't ang taas na ngayon?" nagtataka ako dahil ang taas na ng sinasampayan namin. Hindi naman ito ganito noon e.
Luminga linga ako at tumalon para maabot ang lubid na sampayan pero nakapa ko lang at hindi naabot.
"Tsk! Paano ba to?!" umirap ako at nakitang dumaan sa gilid ko si Sky.
Maaraw na at mabuti nalang mahangin kaya hindi ganoong masakit ang init ng araw.
Ngumiwi ako ng nakitang kinuha ni Sky ang gulok malapit sa puno at babalik na sa loob ng bahay.
Suma-total, kasing tangkad sila ni kuya Santi at mas abot nila itong sampayan na hindi ko alam kung sino gumawa nito.
Ewan ko kung bakit parang ayaw ko, at nahihiya akong tawagin siya pero bahala na ito.
"S-Sky.."
Tumaas ang dalawa niyang kilay at umiwas ako.
"Hindi ko kasi maabot e." pagsisinuplada ko.
"Hm, akala ko kakain mo na naman iyang pride mo." malamig niyang sinabi kaya kung hindi ko lang kailangan ang tulong niya ay makikipagtalo ako ngayon!
Inirapan ko nalang siya!
"Akin na ang iba. Ako na magsasampay." aniya. Ngumisi ako at kinuha ang ibang damit at pinagmasdan siyang sinasampay ang mga damit.
Ngunit...
"Saan na ang iba?" nilingon niya ako. Unti unti kong kinuha ang anumang laman ng basket.
Nakakahiya naman ito.
"Kath..." he called me again. Napapikit na ako at walang tingin sa kanya na inabot ang limang panty ko.
"Y-Yan!" hindi na ako tumingin pa sa kanya lalo na at aking naamoy ang kanyang natural na bango.
Dahil sa suot niya ngayon na sleeveless shirt ay nakita ko na may arabic tattoo siya sa dibdib. Kumpara kay Kael ay medyo maputi ng konti si Sky. Matipuno rin si Sky at matangkad. Kung mukha ang basehan ay aakalain mo na hindi siya palakaibigan at iyon ang totoo.
