حق المظلوم⅓

57

اللهم صل وسلم وبارك على سيدنا محمد💗.

.

صفوان حط طاسة قهوته جنبه .. هو حس بيها حاصله في رقبته من النظرات اللي يتعرضلهم ..

رياض خش: السلام عليكم ..

صفوان شافله: باهي اللي شرفت..

رياض: الحمدلله عندي شرف اقل شيء ..

صفوان ابتسم لخاله .. ورياض انقهر قبل يبيه يتعفلق..

صفوان: انت ناديتني باش نتكلم معاك .. مش مع المدلعين متعكم ..

هو قال كلامه وهو مبتسم ع الجنب

رياض فنص فيه وقعمز..

ايهم: تقصدنا احني انت؟

هو صفوان كان بيتكلم بس رياض قطع عليه..

رياض: تعرف على ولاد خوالك .. هاده هو السبب..

سفيان ضحك: اهلا انا صفوان.. عمري 27 سنه .. نحب الرشاش .. نحسه يخليك تستمتع بالقتل والدم يتنطر عليك ..

رياض خبط جبهته ب أسى

صفوان: مش مفكرين توسعوا نطاق مهاراتكم؟؟ .. عندي صفقة تهريب بنزينه مع فرج فاضل ..تبوا تخشوا فيها؟؟ .. وبالك يخش فيها فارس..

هو صفوان سكت لما جاته مخده من صالون رياض..

رياض: انت في الحوش هاده صفوان حفيد جمعه .. مش صفوان ولد خليفه ..

صفوان تأفف: مفيكمش جو كلا انتم..

ايهم: كم قتلت واحد؟

صفوان: منحسبش..

حسن: كيف عايش حياتك .. ضميرك ميأنبش..

صفوان شاف ل حسن: قتلته حتى هو..

هما سكتوا ومعش تكلموا معاه بعد الجمله هادي..

امجد: جمال امتى بيطلع يا رياض.. طلع جمال .. نرضوا بهاده في عيلتنا!

رياض شافله: قريب ..

امجد: كويس.. الوضع مش حايمشي معاي الا لما يطلع جمال..

رياض وجها انقلب وقعد يشوف جيهة امجد..

صفوان شاف ل رياض... هو كان عارف انهم حايجيبوا سيرة جمال!

وامجد كان يشوف ل عمه بكل برود..

صفوان: وشن بتقول ل صاحبك يا رياض..

رياض: صاحبي مدخلاش..

حسين: نتفق معاه في هادي يا رياض .. كلنا نبوا جمال يطلع ..

ايهم قطع عليه: انا منبيش..