اللهم صل وسلم وبارك على نبينا محمد
اللهم انك عفو كريم تحب العفو فاعف عنا واغفر لنا
.
اسعد: محتواي روح .. من بنصور توا؟
ايهم: كثرناها عليه احني يا ولاد المفروض باركناله وخلينا روحنا عاديين .. مش هكي طول كشخنا.
امجد: حتى هو غالط .. احني كل شيء نقولوله فيه وهو شيء ع الصامت الأخ ..
زيد نفخ الدخان وقام طاسة القهوه اللي قدامه شرب منها..
ولاد عمه من امبكري ينقوا.. وهو ساكت ..
اسعد حط على ايميل خليل واتصل بيه ..
خليل: ايواه؟ .. رضيت عليا ..
اسعد: ميهمنيش وضعك انا .. اي قولي شن حالك نسيبك مات ولالا؟
خليل: لا قاعد عايش ..
اسعد: خيرك مضايق انت .. تبيه يموت؟؟
خليل: لا .. من قال مضايق..
اسعد: صوتك واضح ها حتى الولاد بحداي هزوا روسهم افتح الكاميرا ..
خليل تأفف بخفه وفتح الكاميرا..
اسعد: معجبتهاش الدبله؟؟
خليل ضحك: اما انت..
ايهم: خيرك ما خديتلها من اهني بفلوس خوك؟
خليل: تحب الذهب متحبش الألماس..
زيد: لوح عليك هادي ماديه..
حسن: يا حمار كانهي تحب الذهب اكثر معناها مش همها الفلوس لأن الألماس أغلى.
زيد دف كرسيه برجله: صكر فمك توا خدمت عقلك.
خليل: وين انتم؟
اسعد: شن دخلك سألناك انت وين؟ .. ومن وين واخد؟؟
امجد خبط راسه بقلة حيله على غباء ولاد عمه ..
هو خليل قرن حواجبه لما سمع حركه قدام باب داره .. بس شوي وفتح الباب .. واللي خشوا هجموا عليه حتى نقاله طار بعيد..
اسعد: الولد يتعرض ل اغتيال.. اها ضحك صغار شكله صغار محمد..
هما قعدوا يسمعوا في صوت ضحك خليل وضحك ابرار .. وضحك عبدالرحمن وضحك الاء..
خليل معاهم شخصيه ومع صغار خوته شخصيه آخرى.
هو قعد لاهي مع الاء اللي تعلقت في رقبته .. وفات نقاله اللي ابرار شداته..
