اللهم انك عفو كريم تحب العفو فاعف عنا.
.
محمد: متقدرش ادخل فيها النساوين ..
خليل: فكر كويس يا محمد .. كانك تبي اختك تنظف ميه في الميه .. لازم تنفضح اللي دارت الشيء هاده ..
محمد: انا قلتلك .. اطلع منه الموضوع .. معش تفكر يا خليل تو نحله .. وكلامك هاده حانحطه في الإعتبار متخممش
خليل: قضية الطلاق شن صار فيها؟؟
محمد: جدك رافض .. بس مش حانسمعوله..
خليل: سألت فرح؟؟
محمد بتحذير: خليل..
خليل: عارف يا محمد .. عارف منير المفروض معش يشوف حتى ظفرها.. بس .. لو كنت مكانه .. وعشت اللي عاشه شن كنت بدير؟؟
محمد سكت ..
خليل: متقوليش مرتي .. ومنصدقش عليها اي كلام ..تي راهو الشيء اللي صاير .. مأكد ميه في الميه ..
محمد: مهما يكون .. ميمدش ايده .. كان جابها لحوش بوها وطلقها وتمت ..
خليل: مدت ايده هادي حايدفع ثمنها غالي.. بس الطلاق وخروا فيه شوي .. لين فرح تطلبه..
محمد: مش انت اللي قلت خلوها تتزوج وتطلق؟ .. شن اللي غير رايك؟
خليل: فرح تحب منير .. وهلبا يا محمد .. هي متحشمه منا بس .. صدقني لما يعتذرلها حاتردله..
محمد: اي ويرد يضربها ويقذفها؟.
خليل: انت تو تشوف لما يصحصح شن بيدير .. تو توريك الإيام .. طلب بس يا محمد ..اسمعله وخليه يتجداك.. وبعد يكمل بكاه .. قوله فرح مستحيل تردلك ..
محمد: تي هو يشوف في اختك خاينه!!
خليل: ميقدرش بدونها صدقني .. زي الكلب يموت فيها..
محمد: مبارك عليك القرون ..
خليل ضحك: راجلها يا راجل خيرك؟؟
محمد: طول عمرك غريب اطوار يا خليل .. مفهمتش شن مقصدك..
خليل: منير .. توا تلقاه غارق في ندمه.. كيف مسألش فرح .. ومسمعلهاش .. حايردله عقله .. وحايجي قبل اي تأكيد .. وقبل اي براءه .. انت اسمع كلامه .. وخليه يفضفضلك .. وصكرهله بعدين خليه ينكلب..
