طلعت نهاد من المطبخ و جنى ع طول صارت تدور فونها حتى تكلم باد
جنى : بدبدد لحقي علي
انتضرت رد من باد وهي حاطه يدها على قلبها و كلها ثواني وجاتها الرساله
باد : عيوني وش فيك صاير شي
جنى : قولي وش الي ما صار
باد : باد وش فيك يا بنت احد سوا لك شي
جنى : اي صار و صار احلى شي
باد : قولي وش فيك
جنى : تخيلي اول شي جو كلهم و صارو يشكروني و كذا ع طبخي
باد : مصدقه نفسك انه طبخك
جنى : اص اصص المهم تخيلي قبل شوي كنت بالمطبخ و جات من وراي و حضنتني من ورا جسمها لصق بجسمي و يدينها حاوطتني البنت دافيههه احس اخخ بموت
باد : لحضه لحضه وضحي كل شي ما افهم انا
جنى : تذكري البنت الي قلت لك باستني قبل تروح
نهاد : اي
جنى : جاتني قبل شوي و حضنتني من ورا هي مجرد قربت حسيت قلبي طاح حرفيا حسيت بقشعريره بدبد وش ذا الشعور
باد : اي عادي ترا بس لان قربت لك
جنى : يمه قلبي كان بيوقف ولا حركة يدها ع بطني يمه يمه خفت و باقي بنام معها يمه الله يستر تخيلي بس جات صارت تقول انو شكرا و من ذا الكلام بعدين قبل تروح قربت لي حسيت انفاسي انقطعت مدري كيف شعور غريب وربي المهم باست خدي و صارت تقول انو بتنام وهي مرتاحه من بعد ما باستني و احس بموتت بدبد الحقي علي
باد : هي اركدي شوي وش فيك بسم لله خفيفه انتي من بوسه و حضن خقيتي ع البنت
جنى : وشو الي خقيت لا اكيد ما خقيت
باد : يا حبيبي و ذا كله وش تسمينه
جنى : مدري بس حبيت صراحه الوضع حلو و يوتر
باد : اقول انتبهي لك باقي اسبوع و اصير عندك
جنى : اموتتتت مرا متحمسه
باد : اسمعي قلبي بروح الحين مشغوله
جنى : تمام انتبهي لك
باد : و خلي مسافه بينك و بين ذيك
جنى : ابشري
سكرت من باد و ارسلت لامها : ماما كيفك
عواطف : بخير يا عيون ماما انتي كيفك
جنى : بخير
عواطف : في خاطرك شي يا روحي
جنى: اشتقت لك ابي اشوفك
عواطف : يا روحي انا خلاص اخلص شغلي و بجي اخذك
جنى : تمام وقت تخلصي قولي لي ارسل لك اللوكيشن
عواطف : تمام قلبي
سكرت فونها و ما عرفت وش تسوي من الملل
عند سجى
كانت راكبه سيارتها و متجهه للمطار
خلود : وينك تاخرتي
سجى : لحضه في الطريق انا
خلود : انتضرك
سكرت منها و صارت تسرع حتى توصل لها و بعد دقايق دخلت المطار و صارت تدورها تبي تشوفها و كلها ثواني و حصلت الي ناط فوقها
سجى : خلود يا عيوني انا
صارو يحضنون بعض و مبسوطين انهم شافو بعض بعد وقت طويل
خلود : اشتقت لك
سجى : و انا اكثر خير وينك عني
خلود : انشغلت ياخي و بعدين ترا اكلمك يوميا
سجى : كلها ثواني و تسكرين
خلود : خلاص ولا تزعلين من اليوم و رايح رح ضل معك و قبال وجهك
سجى : امشي خل نروح البيت
وصلو للفله و كانت خلود منبهره من البيت و فخامته : الله الله يا سجى و صرتي تعيشي في فله و خدم و حشم و حركات
سجى : تشوفي كيف ربي يغير حال الواحد
خلود : اي والله اشوف
بالله امس منلعن خيرك عند زوجة ابوك و الحين عايشه كانك اميره
سجى : ذا كله رزق من ربي علشان صفا نيتي و طيبة قلبي
من خلصت جملتها و خوله تضحك عليها : بالله اذا صفاء النيه و طيبت القلب كذا ف الله يحرمنا منهم
سجى : خير وش تبين مو عاجبك يعني
خوله : لا استغفر الله من قال
سجى : اي خليك كذا ساكته
خوله : تم سكتنا
سجى : تعالي خل اوريك بيتي
خوله : تقصدين القصر ذا
سجى : فله يا وجه الفقر
خوله : يا حبيبي ترا تو امس ربي افرجها عليك ولا انتي حالتك اخس من حالتي
سجى : شفتي ان ربي يحبني
خوله : اقول امشي وريني جناحي
سجى : خير مصدقه نفسك بتنامي معي انتي غرفتك مع الخدم يا روحي
خوله : تخسين بنام معك و بسريرك حتى
سجى : امشي امشي خل اوريك البيت
