سندت نفسها على الكنبه وهي تفكر من وين تبدا و كيف تصرف جنى و كيف تخلص شغلها بدون ما احد يحس عليها
ضلت تفكر و تتخيل و تخطط للي بيصير و بعد ما حست ان ممكن جنى تكون نامت قامت و اتجهت لمكتب خالد حاولت تفتحه بس حصلت الباب مسكر زفرت و صارت تحاول تدور حول الباب اذا ممكن تحصل المفتاح و بعد ما يئست اتجهت لباب البيت و صارت تمشي ببطئ حتى ما ينتبه لها احد او يسمعها احد اخذت فره حول البيت و لما شافت شباك مكتب خالد اتجهت له
جنى : هي وش تسوين باخر الليل هنا
انقبض قلب سجى من الصوت و لفت حولها ما حصلت احد
جنى : هي فوق انا في البلكونه
رفعت راسها و شافت جنى
سجى : بسم لله وش ذا كنك جنيه ليش متعلقه في البلكونه كذا
جنى : ما يخصك و وش تسوين هنا كانك حرامي
سجى : ما يخصك
كملت مشيها للمسبح و جلست على كرسي و طلعت لها سجاره و صارت تدخن
كان المكان هدوء و بس صوت جنى وهي تضحك في البلكونه و الواضح انها تكلم احد
سجى في داخلها : الحمدلله انها ماشافتني
رفعت فونها و ارسلت على خلود بس ما ردت عليها
كملت سيجارتها و ضلت مكانها تنتضر جنى تنام
جنى
جنى : اشتقت لكم ياخي
نهاد : حتى احنا اشتقنا لك
جنى : ودي اجيكم بس الوقت تاخر كثير ما يصلح
نهاد : يصلح يصلح ما عليك تعالي حياك
جنى وهي تضحك : ما تقولي لا
نهاد : اذا الموضوع مرتبط فيك ف ما بقول لا
ضحكت جنى ع الخفيف و سكتت من كلمتها
نهاد : تاخر الوقت ما بتنامي
جنى : الا
نهاد : اجل يله نامي بكرا ورانا دوام لازم تصحي بدري
جنى : اي و انتي بعد نامي
نهاد : من عيوني ولا يهمك
جنى : اشوفك بكرا باي
نهاد : باي
سكرت جنى منها و ضلت تراقب سجى حست انها كانت ناويه ع شي
اما سجى ضلت مكانها شوي و بعدها لفت تناظر جنى وين و لما شافت انها باقي جالسه قررت ترجع داخل البيت
سجى : جلست برا طول الوقت و بالاخير ما نامت مستقعده لي
خلود : ما عليك انتي فيه ايام ثانين
سجى : اي ان شاءالله
طلعت جنى من غرفتها و جلست بالصاله
سجى وهي داخله البيت : بسم لله امدا تنزلين
جنى : انتي بطيئه بالمشي
طنشتها سجى و راحت لغرفتها و رمت نفسها ع السرير و ما يمديه يستقر جسمها ع السرير الا قامت بسرعه و طلعت من غرفتها
ناظرت مع الدرج و شافت جنى باقي بالصاله ف اتجهت لغرفة خالد و عواطف حاولت تفاح الباب بس حصلته مسكر
سجى : يارب صبرك وش ذا كل الابواب مسكره في وجهي
رجعت لغرفتها و ارسلت لخلود : فيه مشكله
خلود : وشو
سجى : مسكرين باب غرفتهم بالمفتاح
خلود : لا يستهبلون
سجى : يقهر
خلود : وين ييكونو حاطين المفتاح
سجى : وش يعرفني
خلود : ذي مهمتك حاولي تعرفي
سجى : اعرف مهمتي يعني جبتي شي جديد غبيه
خلود : ياخي وش ذا اخلاقك بريال
سجى : بسكر
خلود : لحضه
سجى : اخلصي وش فيه
خلود : شسمه بس حبيت اعطيك خبر بخصوص حاجه
سجى : الي هي
خلود : اهدي اول شي و ثاني شي ترا كل شي يتعوض بالحياه
سجى : اخلصي بسرعه وش مسويه
خلود : بس كنت ابي استخدم الغسول حقك ف طاح من يدي و انكب و
سجى : بس كذا ما عليك التفخ خالد بيجيب لي غيره
خلود : و فيه شي ثاني
سجى : الي هو
خلود : الغسول انكب ع تيشيرتك الاحمر
سجى : ما عليه بكرا بشوفك
خلود : اسفه بالغلط وربي
سجى : اي ما قلت شي قلت بكرا بشوفك
خلود : وللله اسفه والله و ابشري بغسله لك على يدي و بنفسي
سجى : اول شي كيف تحطين غسول بالغرفه اساسامين يحط له غسول وجه بغرفة النوم الحمام ما كفاك و ثاني شي لا تفكرين تقربين منه حتى و اطلعي من غرفتي احسن لك و وربي ما اخليك بتشوفين
خلود : اتحدا هذا ان شفتيني بكرا وربي اختفي عنك اسبوع
سكرت منها و هي تزفر من الي سوته تيشيرتها ذا من جدتها ولا كان ودها تخسره او يخرب بكل ذي البساطه حاولت تنسى الموضوع و تنام
