طلعت جنى لغرفتها و رمت نفسها على السرير سحبت فونها و صارت تشوف مين المرسل و كل الي حصلته رسايل و اتصالت نهاد
زفرت و رمت فونها على جنب و حاولت تنام بس ما قدرت رجعت لفونها و حصلت رساله من شهد
شهد : قلبي صاحيه
كانت متردده اذا ترد او لا لان تعرف وش شهد تبي
جنى : اي هلا
شهد : عادي نتكلم ابي ازعجك كلهم نايمين
جنى : اي عادي بس شهد اذا الموضوع عن نهاد ف ما ابي
شهد : لا لا ما عليك
شهد تكلم نهاد : رفضت نتكلم
نهاد : وش قالت
شهد : قالت اذا الموضوع عنك ف ما تبي تتكلم
نهاد : يالليل مكبره الموضوع بزياده
شهد : محد قال لك اهجمي عليها بذا الشكل و بعدين من حقها تخاف و تزعل فريتي فيها المشفى و خوفتيها و بعدها جايه تبوسينها مو صاحيه انت و بعدين مو انها نامت معك كم مره يعني عادي سوي اي شي معها و بعدين
بتصرفك ذا بتخلين بينكم حواجز كثير يالغبيه وهي كانت ساكته لك من البدايه و مبسطه الامور
الحين بتدقق على كل تصرف منك
نهاد : شهد بالله لا تزيدين الموضوع و بعدين ما قدرت امنع نفسي وش اسوي يعني لو انك بمكاني كان سويتي كذا
شهد : لا ما كان سويت كذا ماني بغبيه زيك و اقدر اتحكم بنفسي
نهاد : خلاص خلاص بروح انام
شهد : تصبحين على خير
نهاد : وش بتسوين حاليا
شهد : بكلم جنى شوي و بنام
نهاد وهي تتجه لغرفتها : المفروض تروحين عند سما و تخلين سدن ترجع للبيت مع حبيبتها
شهد : وش دخلك
نهاد : لا تبكين علينا بس اقول بما ان ما عندك حبيبه
شهد : على اساس انتي الي عندك حبيبه
نهاد : اي عندي جنى براضيها و بخليها حبيبتي
شهد : احلامك كبيره
ضحكت نهاد لما حست نفسها استفزت شهد و راحت لغرفتها
اما شهد طنشتها و كملت حكي مع جنى الين نامت جنى
شهد بداخلها : على الاقل نامت وهي تتكلم معي افضل من انها تنام وهي تفكر بالموضوع
دخلت غرفتها و نامت وهي تنتظر يومها الجديد و الاحداث الي ممكن تصير فيه
ارسلت لعبير قبل تنام : مو ناويه تردين علينا او تطمنينا عنك و ترا سما في المستشفى
سكرت فونها و نامت
سجى : الفيد جاهز بس ناقص يجي بكرا
خلود : خل ننتظر شوي بعدها خل نحطه
سجى : وليش ننتظر
خلود : احس بيكون افضل
سجى : هو الواضح متهاوشين مع جنى او فيه شي صاير لان جنى اكثر الوقت تبكي
خلود : حتى لو خل نتاكد يمكن ما تبكي على كذا يمكن صار معها شي
سجى : تمام نتاكد ما ورانا شي
سكرت سجى فونها و شغلت الفيد و بدت تتفرج وهي تضحك و مبسوطه على انجازها
سكرته و تسطحت حتى تنام
:عاجبك حالتك
عبير : اتركيني بحالي
: الين متى بتضلين كذا قومي غيري جو
عبير : فجر تعبانه خل انام
فجر وهي تحط يدها على خد عبير : وش متعبك قلبي
عبير : مصدعه لعبت معهم الين انهد حيلي
فجر : مبسوطين بجيتك وحشتيهم
عبير : و انتي ما وحشتك
فجر وهي تبتسم : اكيد وحشتيني وكثير
فتحت عبير يدينها لفجر وفجر على طول دخلت بحضنها : اففف زمان عن حضنك اشتقت لك كثير
عبير : حتى انا اشتقت لك
فجر : ما بسمح لك تغيبين عني مرا ثانيه لاي سبب من الاسباب
عبير : بحاول ابقى معك قلبي ما عليك
فجر وهي تشد الحضن : لا تحاولي الموضوع غصب ترا
ابتسمت عبير و باست راس الي بحضنها : يله نامي
فجر : انتي الي نامي و ترا بكرا ممنوع تنشغلين في اي شي ابي بكرا يكون يوم لنا اثنينا لوحدنا
عبير : ابشري ولا يهمك
