كانت جالسه بالصاله و تنتظر دخول جنى للبيت بس طال انتظارها و جنى ما جات
عند جنى
كانت نايمه بحظن نهاد الي من صحت وهي تتاملها
سحبت فونها و ارسلت لسدن تطمن على سما و كلها دقايق و جاها رد سدن
سدن : بخير حاليا نايمه
نهاد : ما صحت من بداية اليوم
سدن : الا صحت و قلت لهم يعطوها منوم حالتها تحزن تعبانه كثير
نهاد : وش صار بالضبط
بدت سدن تقول لنهاد الي صار
نهاد : ايش يعني تركو
سدن : والله مدري ما حبيت استفسر منها وهي تعبانه و اساسا رجعت تبكي كانت منهاره ف طلبت ينومونها زي ما قلت لك
نهاد : لا لا هم ما تركو بعض و كيف يتركو اساسا وهم من تهاوشو ما قابلو بعض
سدن : مدري يمكن ارسلت لها
نهاد : ما ضنتي ،، لحظه فونها عندي بفتحه و اشوف
سدن : تمام
و كلها ثواني و رجعت نهاد ترسل لسدن
: ما حصلت شي شكله من كثر زعلها و اختفا عبير فكرت انهم انتهو
سدن : مدري بس تصحى و تكون بخير بكلمها يالموضوع
نهاد : لا اذا تكلمت اوك بس انك انتي الي تفتحي الموضوع لا خليها هي تتكلم بنفسها
سدن : تمام
نهاد : حاليا كلهم نايمين بس يصحون بنجيك
سدن : مو مشكله
نهاد : انتبهي لك و اذا صار اي شي اتصلي علي على طول
سدن :تمام و انتي بعد انتبهي لك و انتبهي لحبيبتي
نهاد : ان شاءالله ولا يهمك
سكرت منها و كملت تتامل جنى الين نامت مرا ثانيه
صباح اليوم الثاني
صحت نهاد قبل الكل و جهزت الفطور و ارسلت لسدن تطمن على سما و بعد ما افطرت بدلت و اتجهت للمستشفى
وصلت و لما دخلت حصلت سدن تسولف مع سما و يضحكون
مجرد دخلت نهاد و شافتها سما لفت وجها عنها و سكتت
نهاد : سلام عليكم
سدن : و عليكم السلام
طنشتها سما و ما ردت
نهاد : كيفها سما دنيتي
سدن : الحمدلله بخير صح سما
ناظرت سما بسدن : اي الحمدلله
نهاد : دوم يا بعد حيي انا
قربت لهم و حطت الورد الي كان معها ع جنب و اتجهت لسما تبي تسلم عليها
سما : لا تقربي
نهاد : لا بقرب
كانت سما بتمنعها بس ما كان فيها حيل
قربت منها نهاد و صارت تبوس راسها و تحضنها
سما : خلاص بعدي عني
نهاد : سمو حياتي لا تزعلي مني اسف يا روحي
طنشتها سما و ما ردت
نهاد : اعذريني والله طلع مني الكلام بالغلط و ما كان قصدي ازعلك كنت خايفه و معصبه من الي قاعد يصير بس ما قصدي الي قلته يا روحي وخالقك امسحيها بوجهي و والله اني اسف
سما : خلاص لا تعتذري
نهاد : مسامحتني
سما : اي بس باقي زعلانه منك ف لا تكلميني
نهاد وهي تضحك : كيف مسامحتني و زعلانه
سدن : مسامحتك بس تبي تتغلا و ما عرفت
بدو يضحكون
نهاد : هاه كلام سدن صح ولا لا يا عيوني
سما : يع منكم
سدن : مالي دخل يع منها لوحدها
نهاد : هاه كيف اراضيك
سما : ما ابي منك شي اعرفك مفلسه
نهاد وهي تضحك : و من قال لك بجيب لك شي بس اقول كذا حتى ترضين ولا كنت مجرد تطلبين بسحب عليك
سما : يا تفاهتك اساسا ما بطلب منك شي
ضلو يسولفون الين جا الضهر و جو باقي الشله
شهد بصوت عالي : هايييي
نهاد : يالليل بدينا بالازعاج
شهد : بعدو بعدو عن حبيبتي
تمشي و تجلس ع السرير جنب سما بعد ما باستها
جنى و سديم و لين : سلام
سلمو كلهم على سما و شهد ضلت جنبها ع السرير
سدن : قومي ضايقتيها وهي تعبانه خليها ترتاح
شهد : لحد يتدخل اتركوني معها ولو انها تقوم يكون افضل مزاحمتني و السرير مرا مريح
سما : يا بجاحتك جايه و تطرديني
شهد : ومن الحب ما طرد
نهاد : يا شينك يا شهد
شهد : ليش يا عيوني غيرانه لاني مع غيرك
ضحكت جنى ف ناظرتها نهاد ف سكتت
شهد : يعععع نكديه خل البنت تضحك
نهاد : ما منعت احد
شهد : اضحكي اضحكي فديت الضحكه يا زوجتي الجديده
جنى : لا شكرا ما ابيك
سدن وهي تضحك : تبي الخوي الي قدامها
شهد و سديم يدو يضحكون
نهاد : و الخوي الي تتكلمين عنه يجنن بسم لله عليها
شهد : يعع الحين بدت النرجسيه عندها
