كانت متسطحه و تتامل جنى الي نايمه جنبها الين قطع تاملها رساله من خلود
: وش تسوين
سجى : ولا شي
خلود : ابي نلتقي
سجى : ماني فاضيه
خلود : توك تقولي ما تسوين شي
سجى : ما كنت اقصدها بالمعنى الحرفي
خلود : تخبين علي ! تكلمي وش تسوين
سجى : انا مع جنى
خلود : يعني سويتي الي في مخك
سجى : ما سويت شي و ما اقدر التقيك اكلمك بعدين
خلود : تمام
سكرت فونها و رجعت تتسطح جنب جنى
سجى وهي تكلم نفسها : اخذت الي ابيه و ما بقي الا الشيء البسيط و بخلصه كله
بدت تبعد الشعر عن وجه جنى و قربت لها و باست خدها وهي تقوم من جنبها
جنى وهي تفتح عيونها بصعوبه : وين رايحه كم الساعه
سجى : بنزل تحت و باقي بدري كملي نوم ما عليك
هزت جنى راسها و رجعت تكمل نوم
نزلت سجى و جلست بالصاله وهي تضحك ع التشتت الي قاعده تعيشه شلة نهاد
قبل ثلاث اسابيع
جاها فضول تعرف عنهم اكثر كيف كذا تجمعو و كيف كذا قلوبهم على بعض حست فيه تفاصيل كثيره هي ما تعرفها عنهم و كانها دخيل بينهم من دخل خرب كل شي بينهم
شتت تفكيرها اليد الي انحطت على كتفها
لفت و شافت نهاد محاوطه كتفها و الابتسامه معتليه وجها : وش الي شاغل بالك
جنى بابتسامه : ولا شي
نهاد : متاكده
جنى : اي
نهاد : تمام
تقدمت و صارت تمشي جنب شهد و سما
شهد : يله سما تعافي بسرعه بسك دلع تعبت و انا ادف فيك
نهاد : وبنها الي قبل شوي متحمسه حتى تدفها
شهد : وهو فيه احد يتحمس معكم كل ما فرحت او خططت اسوي شي منعتوني
سما : لانك بتجيبين فينا العيد
الدكتوره : الحين بتدخلين هنا و ممنوع احد يدخل معك
شهد : دكتوره ممكن شوي
الدكتوره : تفضلي
شهد بعد ما بعدت عنهم شوي : انا بدخل مع المريضه هي عندها فوبيا من المستشفيات و لازم احد معها ف ممكن تسمحين لي اكون معها حتى ما تتعب اكثر
الدكتوره بتردد : تمام
شهد تكلم جنى و نهاد : هي انتو انتضرونا هنا بدخل مع سما لا تسون اي قلة ادب في غيابي انتضرو لما اجيكم و اشاركم
جنى : كلي زق
سما : شهد يا زقه امشي يله
دخلت شهد مع سما
سما : كيف دخلتي بالعاده يرفضون و تدخل عبير غصب بعد هواش و مضارب و احيانا تعطيهم فلوس حتى يسمحون لها
شهد بابتسامه : قلت ان عندك فوبيا من المستشفيات و وافقت
سما : شكرا انك معي
شهد : كلي زق بس قال ايش شكرا انك معي خير ما بينا ذي الخرابيط
سكتت سما و بدت تسوي الاشعه
عند جنى و نهاد
كانت نهاد واقفه و جنبها جنى
جنى : تعبت خل نجلس
نهاد : لحضه ادور كرسي
صارت تناظر حولها و بعدها مشت بعيد عن جنى و رجعت لها و معها كرسي
نهاد : اجلسي
جنى : انجنيتي وش ذا الي جايبته
نهاد : كرسي
جنى : ذا للمريضين و لذوي الاحتياجات الخاصه مو لي رجعيه يله
نهاد : اجلسي خلصيني
جنى : لا ما بجلس انهبلتي
نهاد : بعد لثلاثه ان ما جلستي بجلسك غصب
جنى : مو على كيفك و بعدين رجعيه يله الحين يجي احد من الامن و يطردنا
نهاد : محد بيقول شي
قربت لجنى لما شافتها تتكتف و تسند ظهرها على الجدار
شالتها على كتفها و نزلتها على الكرسي و بدت تدف جنى و تلعب فيها في ممرات المستشفى
كانت جنى مبسوطه و خايفه بنفس الوقت ما تبي الامن يجون و تصير مشاكل و خايفه تطيح او تصقع في احد
