دخلو البيت و نزلت عبير الاكل من يدها و اتجهت لغرفتها
نهاد : عبعر على وين
عبير : بلعنك ترا و بعدين شسمه شبعانه بالعافيه عليكم
نهاد : اقول تعالي لا اتوطاك قال شبعان فال يله تعالي اخلصي
سما : وش فيك يا روحي صاير شي ليش ما تبين تاكلين
نهاد : سما قلبي ما عليك منها هي بتجي بعد شوي ،، يله عبير تعالي
عبير : تمام لحضه
راحت غرفتها و شهد من شافت الاكل نست نفسها و الي حولها
ناظرت سما بعبير الي تسكر الباب وراها
لفت و شافت شهد مبسوطه ع الاكل و نهاد واقفه عندها و تهاوشها
سما : نهاد
نهاد : عيونها
سما : ياخي وش فيها عبير
شهد : ما عليك تدلع شوي و تجي
سما : اسكتي انتي بالله
نهاد : وش فيها يا روحي صاير شي
سما : خل ناكل
كانت بتتكلم بس غيرت الموضوع لما شافت باب غرفتهم ينفتح
فهمت نهاد و سكت
اما شهد لاهيه عنهم و بس تاكل
سديم و الباقين ما كانو موجودين و بس ذول الاربعه الي بالبيت
نهاد : شهد يا ورعه انتضري نجهز كل شي و بعدين انزلي من الطاوله
شهد : وش تجهزو ترا كلها بيتزا
و بعدين مو لازم سفره و مدري وشو و ترا انا خفيفه يعني ما عليك ما بتنكسر الطاوله
عبير : شهد قومي بالله محد له خلقك
شهد : مريضين
قامت وهي شايله اكلها معها
نهاد : صدق انك ورعه طيب اتركي اكلك محد بياكله و انتي عنده
شهد : مالك دخل
جلست سما و عيونها ما انشالت من على عبير
و عبير عيونها ع نهاد و تاشر لها بمعنى : الهي سما عني
كانت نهاد فاهمه نظرات عبير بس طنشتها تبيهم يتكلمون لو بس لدقايق
و سرعان ما تداركت الوضع بعد ما لاحظت نظرات عبير الي واضح مو مرتاحه و بدت تسولف مع سما و تحاول تشتتها
صارو يسولفون كلهم و بعدها قامت عبير لغرفتها ع اساس تنام
سما : نهاد
نهاد : عيوني
سما : تكلمي بالله وش فيها
نهاد : مدري اسئليها
سما : يعني ع اساس ما تشوفي كيف تتجاهلني
شهد : يمكن باقي متضايقه من هوشتكم الاخيره
سما : لا ما اعتقد
شهد : مدري بس لاحظت انها متغيره من تهاوشتو
سما : بس هي قالت انها مو زعلانه مني
شهد : يضله كلام و يمكن قالته حتى ما تزعلين بالاخير ما نعرف وش بداخل كل واحد فينا اسئليها و شوفي
سما : ما بترد علي اعرفها
نهاد : حاولي فيها
سما : يمكن نايمه الحين بكرا بكلمها و استفسر منها
شهد : الي تشوفينه
سما : بروح اشوف وش تسوي
نهاد : يمكن نايمه
سما : ما اعتقد بذي السرعه
شهد : روحي شوفي
قامت من عندهم و راحت لعبير
نهاد : ثواني و تسمعي صوتهم
شهد : وش فيها عبير ترا متغيره كثير
سكتت نهاد و ما ردت عليها
شهد : الا كيف كلامي بالله حلو صح اعرف انصح
نهاد : يالليل الحين بتتكبر علينا كلي و انتي ساكته بالله
شهد : يا حلوني يا ناس والله انكم ما تعرفون قيمتي الا لما تفقدوني
نهاد : سدي حلقك ما بنفقدك بسم لله علينا
شهد : وشو الي بسم لله عليكم قولي بسم لله علي انا لان انا الي بختفي مو انتو
نهاد : كلي الله يصلحك
