يا جماعه وش فيكم على جنى ترا مسكينه رحمتها من انتقادكم لها اقرو البارت الي راح عدل حتى تعرفو هي ليش سوت اوفر لما باستها نهاد
________
ضلت جنى و شهد يسولفون في اشياء عشوائيه الين قطع سوالفهم اتصال سما
شهد : هلا بعيوني امريني سماي
سما : شهد البنات يسئلون عنك وينك
شهد : انا عندي مشوار اخلصه و بجيكم
سما : استعجلي يبون يطلبون عشاء و كانو يقولون لو ما رجعتي بالوقت الي حاطينه رح يطلبون بدونك
شهد : بلعنكم وحده وحده لو تسونها و بيجي معي ضيفه احسبو حسابها
ناظرت جنى في شهد وهي رافعه حواجبها من قرار شهد بدون ما تسئلها حتى
شهد : وشو شايفه لك جني
جنى : مين ظيفتك ذي ليكون انا
شهد : لا مو انتي و بعدين ليش تسئلين تغارين علي
جنى : انقلعي بس
شهد : يله قومي قبل يطلبون و يسحبون علينا
جنى : مو تقولين مو انا
شهد : امشي و انتي ساكته يله
جنى وهي تضحك : اشوفك واثقه اني بجي معك
شهد : اي واثقه و ليش ما تجين اساسا ما في شي يمنعك
سكتت جنى شوي و بعدها ابتسمت : خليها وقت ثاني شهود ما اقدر ذي المرا تعبانه و ودي اروح اريح و انام
شهد : عيني في عينك
جنى : بجد يا روحي روحي انتي لهم و انا برجع للبيت و انتبهي لك و سلمي لي على البنات
شهد : البنات يعني كلهم ولا المقصود فيهم شخص واحد
جنى : شهد روحي بالله
ضحكت شهد و حضنو بعض و ودعتها و اتجهت لسيارتها و جنى بالمثل
طول الطريق و جنى بس تفكر في كلام شهد و كيف ان اثنينهم عانو بالفتره الي المفروض يكونون فيها بين احضان اهلهم و يكونو مع ناس تراعيهم
و الي جلطها اكثر موضوع حمل نهاد وهي بسن صغير و الاشياء الكثير الي مرت فيهم
و لثواني تذكرت الوشوم الي بجسم نهاد و حست ان وراهم قصه هم بعد
قطع تفكيرها صوت السواق الي يقول لها انهم وصلو للبيت
انصرعت جنى لما عرفت انهم وصلو ما توقعت ان موضوع نهاد بيمحيها عن واقعها بذا الشكل
زفرت بضيق وهي تعرف وش بيستقبلها جوا البيت
نزلت و دخلت البيت ف شافت سجى جالسه في الصاله و بحضنها لابتوبها و واضح عندها شي بس ما تدري وش هو
سلمت و طلعت لغرفتها تحت انظار سجى
حست بنفسها كل مالها تختنق تكره جلستها بالبيت و كانت دايم تخنقها الجلسه بالبيت و تتعب نفسيتها
دخلت الحمام و تروشت و طول الوقت و نهاد و شهد ما راحو عن بالها
رمت نفسها على السرير و نامت على طول
عند شهد
وصلت للبيت وهي مبسوطه من الوقت الي قضته مع جنى و حست ان هم كبير انزاح عنها لما حكت لجنى صدق علاقتها و مشاعرها لنهاد كان عندها يقين ان جنى بتكون لنهاد مهما صار و حست انها لما حكت لجنى عن مشاعرها ان جنى بتفهمها و مارح يعيق علاقتها بنهاد خصوصا ان جنى كاشفه نظرات شهد لنهاد
دخلت البيت و حصلتهم كلهم موجودين
شهد و الابتسامه شاقه وجها : سلام
نهاد : الله يالابتسامه هدي شوي خير مين كنتي معه و ليش كل ذي الفرحه مين المسكينه الي طاحت في يدك
شهد : يا وصخه يا قليلة الادب انا ما العب في احد و بعدين انتي وش عليك من كنت معه
سما من ورا شهد : سلام
البنات : سلام
عبير : ما كنتي بتجين زين تذكرتي ان عندك بيت
كانت عبير منجلطه من تاخر سما و زاد قهرها ان سما كانت مع وهج و انها ما تعرفها ولا تعرف مبتغاها و لوهنه خافت ان وهج تاخذ سما من يدينها
سما : مالك دخل
شهد : خلاص هدو انتي وياها و بعدين سما عبير سئلت لان خايفه عليك و تبي تطمن عليك لا اكثر ليش شادتها كذا
سما : ما طلبتها تخاف ولا ابي احد يخاف او يسوي نفسه مهتم
خلصت جملتها و محد رد عليها لان يعرفون ان كلامها كان موجه لعبير الي كل مالها قهرها يزيد
نهاد تغير الموضوع و تحاول تشتت تفكير عبير الي كان باين عليه العصبيه و الضيق : زين انك تاخرتي تعشينا و خلصنا و مين ضيفتك ذي
شهد وهي تشهق : نعم وش قلتي تعشيتو خير يا ملاعين قلت لكم بجي خير تتعشون بدوني
سدن وهي تضحك : هدي لا تبكين و بعدين كله اكل
شهد ؛ وشو الي كله اكل لو جات ضيفتي و انا حاسبه حسابها على العشاء و بالاخير ما حصلت شي
نهاد : الله واكبر مين ذي الضيفه الي غثيتينا فيها
لين : اي بجد شهود مين هي خل نتعرف عليها
شهد بنرفزه : من بتكون يعني جنى مافي احد غيرها
انقلبت ملامح نهاد و كلهم كانو ملاحظين عليها
نهاد : وش يعني جنى و زين ما جات ولا تجي
شهد : يعنني ثقيله
نهاد بحده : شهد
شهد : وين العشاء
سدن : باقي ما طلبنا ننتظرك
شهد : كويس ريحتيني ،، انا بتروش و اجيكم انتو اطلبو لنا و امانه لحد يتعشاء الا لما اجي
نهاد : صدق انك بزر و مارح تتغيرين
شهد : تمام يالكبيره
راحت لغرفتها و تروشت و رمت نفسها على السرير حتى ترتاح شوي و قبل تغفى انفتح الباب بقوه و دخلت عليها نهاد وهي تضحك لان خوفت شهد : يله العشاء وصل
شهد : الله يلعن بليسك قلبي كان بيوقف
نهاد : حتى تحسين فينا و بعدين ترا ذا ولا شي بنسبه للي تسوينه فينا
شهد : ياربي شوفها تظلمني
نهاد : على زق والله ان ذا الصدق و بعدين يا يالوصخه نايمه بروب الحمام ليش
شهد : وش دخلك جعلني انام عاريه وش عليك
نهاد : ما انتي توك نايمه عاريه
شهد : لا يا بقره على الروب
نهاد وهي تقرب منها : مين البقره
شهد وهي تشد الروب عليها لان عارفه وش نهاد ناويه عليه : انا البقره انا وربي انا خلاص روحي ولا تسوين حركاتك الي مالها داعي
ضحكت نهاد و بدت تحاول تسحب الروب من على شهد الي صراخها ملي البيت كله
كانت نهاد تضحك و شهد تحاول تتمسك في الروب حتى ما يطلع من جسمها شي و سدن واقفه عند الباب تشجع نهاد و ميته ضحك على الي يصير
و بعد محاولات استسلمت نهاد و طلعت من الغرفه بعد ما ماتت ضحك على شهد
و كلها ثواني و طلعت لهم شهد : الله يلعن الي يعيش معكم استغفر الله ما تخلون الواحد ياخذ راحه حتى بالغرفه مناشبيني
