نقلت نسخه من الملف على فونها و رجعت كل شي مكانه و طلعت وهي نازله شافت جنى قدامها
جنى : وش تسوين فوق
سديم : رحت للحمام
جنى : فيه حمام تحت
سديم : راح عن بالي صراحه
جنى : تمام مو مشكله
اتجهت جنى للمطبخ و سديم اتجهت لنهاد
سديم وهي تبوس خد نهاد : كنت بطيح لي في ورطه زين ارسلتي لي انها جايه
نهاد : حاولت اشتتها قد ما اقدر و ما اخلي احد يلاحظ اختفائك ،، الا وش صار قولي وش حصلتي
سديم : شي بينهي مسيرتها في الحياه لو انكشفت بس مع ذلك مدري خل نرجع للبيت و نتكلم و نشوف وش نسوي فيها
نهاد : الله يستر تمام بس نرجع نتكلم
سكتو و كملو يومهم طبيعي
رجعو للبيت و حصلو سما نايمه عند غرفة عبير و كتبها مبعثره في كل مكان
استغربو من شكلها
دخلت لين غرفة سجى و حصلتها نايمه
شهد : شكله صاير شي
نهاد : بشوف نوره يمكن تعرف شي
دخلت غرفتها و حصلت نوره تذاكر
نهاد : كيفك يا روحي تعشيتي انتي بخير كيف المذاكره
نوره : رجعتو يا روحي اي تعشيت و المذاكره كويسه
نهاد : نوري قلبي صاير شي في غيابنا
نوره : لا ابد
نهاد : تمام
نوره : اي تذكرت
نهاد : وشو
نوره : سجى كانت تعبانه و هاوشتني لان خوفتها لما حطيت عليها الكماده و بعدين سما ضلت عندها و انا طلعت
نهاد : اها تمام قلبي نامي تاخر الوقت
نوره : تمام
راحت نهاد لصحباتها و ما حصلت احد فيهم ولا حتى سما
استغربت و لما دخلت غرفة عبير حتى تشوفها حصلت سما نايمه جنبها
عرفت ان فيه احد من البنات سوا كذا
اتجهت لغرفة سدن بعد ما نادت شهد
اجتمعو اربعتهم و حكت لهم نهاد الي قالته لها نوره
شهد : يارب يرجعون لبعض والله كاسرين خاطري
لين : بجد و كل وحده فيهم تكابر
سدن : يمكن سما تكابر بس عبير لا بالعكس كل يوم تحاول في سما بس كل مرا تحصل الرفض ف احس يعني يمكن قل الشغف عندها
نهاد : لولا كلام عبير و انها بتقطعها مع الي يكلم سما مرا ثانيه ولا كان ضليت لذي اللحضه اكلمها و احاول فيها يرجعون
شهد : شلت سما و حطيتها مع عبير بالسرير على امل يصحون و يرضون او حتى نساعدهم في انه تتحرك مشاعرهم او يشتاقون لبعض
نهاد : و انا اقول سما ما تروح لعبير بنفسها بس يا خوفي ان يصير عكس كلامك و يتهاوشون
شهد : هنا بصفقهم انا
ضلو يسولفون عن عبير و سما و ايامهم من قبل كيف كانت
و بعدها الكل نام بغرفته
صحت عبير و حست فيه احد جنبها
ناظرت و شافت سما
ابتسمت بس كلها ثواني و عصبت
عبير وهي تدق سما: هي اصحي قومي غرفتك وش جابك هنا
سما : هممم بس شوي
عبير : وشو الي شوي قومي خلصيني
صحت سما وهي منزعجه و متفاجئة لما شافت نفسها مع عبير
سما : وش فيه
عبير : وشو الي وش فيه وش جابك هنا
سما : مدري
عبير : قومي اطلعي برا
سما : تمام بس باقي تعبانه ؟ اذا تعبانه لا تداومين
