في مكان ثاني
شهد : فيه شي لازم اقوله لك
: وش يكون
شهد : هو يخص ماضي نهاد و اكيد ذا الشي بيفيد في قضيتها وكثير
سطام (اخو جوري ) : قوليه اختي شهد و ان شاءالله يفيد
بدت شهد تسردله كل ماضي نهاد و الي صار لها مع يوسف بالتفصيل
بدا سطام يدور عن المستشفى الي انتقلت له نهاد وقتها و بدا يدور بخصوص كل شي و فعلا حصل كلام شهد صحيح و موضوع اجهاض نهاد حقيقي و يسمح انهم يقاضون سلطانه لسوء تعاملها مع نهاد و يقاضون يوسف للاعتداء الجنسي على نهاد
و فعلا جا وقت المحاكمه و انسجن يوسف و سلطانه
اما نهاد رجع لها ورثها الي امها كانت ماخذته غصب عن نهاد
احتفلو يومها الشله
كانت حالة نهاد النفسيه سيئه بس مو زي قبل و كانت تتحسن كل يوم بوجود اخوانها و صحباتها حولها
اعتذر فهد لنهاد عن الي كان يسويه و اسلوبه معها
فهمو ثلاثتهم ان اختفاء نهاد عنهم ماهو الا بسبب امهم و يوسف
ما اهتمو لسجن امهم لانها كانت مهملتهم كثير و غايبه عنهم طول الوقت و ما يعتني فيهم الا عمر و فعلتها مع نهاد كانت كلها كفيله في انهم ما يهتمون للي بيصير لها
قضو وقتهم كله في بيت الشله و تعرفو عليهم اكثر
باعت نهاد بيت ابوها بسبب الذكريات الكثيره فيه و الي تتعب نفسيتها
و اختارت بيت جديد لهم
مر شهرين على كل هذا
شهرين كانت سهله على الكل الا نهاد كانت اصعب شي تمر فيه
في مكان ثاني
كانت جالسه مع خالد و عواطف الي رجعو من سفرتهم
كانت مبسوطه فيهم و مبسوطه على كل ثانيه تمر معهم
فكرت ان حبيبتها و امها و ابوها كلهم معها بنفس الوقت و المكان كانت الفرحه وقتها مو واسعتها لان كل الي تحبهم معها
كانت جاهله الي كان يصير مع الشله خصوصا انها ما كانت تتصادف معهم و نادرا تشوفهم و اذا شافتهم يكون عندها كلاس او شي يمنعها تجلس معهم
قاطع افكارها وصول رساله من سديم تطلبها يلتقون
و فعلا لبست و اتجهت لها
ضلو يسولفون لوقت طويل
سديم : جنى
جنى : هلا عيوني
سديم : بقولك شي بس ممكن ما تعصبين و تفهميني
جنى : قولي وش فيك
سديم : ممكن تنتبهين من سجى و لكل خطوه تخطيها خليك منتبهه منها ولو انك اكيد ما بتسمعين لي لانها حبيبتك بس صدقيني لو ما تنتبهين الحين ممكن تتاذين بعدين و مو بس انتي ف انتبهي لك و ابعدي عن طريقها البنت سامه و ماهي تحبك و جايه تضرك اكثر مما انها تنفعك
جنى :نعم وش تقولي انتي بلا هبل ذي حبيبتي و اكيد ما بتسوي شي
كان فيه جزء صغير منها مصدق كلام سديم بس جزء ثاني رافضه و بقوه ما كانت تبي تستفسر من كلام سديم حتى ما تتاكد من مصداقيه كلامها
عصبت جنى من كلام سديم و قامت من عندها راجعه لبيتها
و في الطريق جاها رساله من شهد تعزمها على العشاء
كانت بترفض بس لسبب مو معروف بنسبه لها وافقت
يمكن لان اشتاقت تشوف نهاد و الشله او كانت تبي تطمن عليهم لان ماشافتهم الفتره الي راحت
