سدن : شهد
شهد : هلا
سدن : وش فيك
شهد : ما فيني شي ليش
سدن : ترا ملاحضه حركاتك من امس قولي وش فيك
شهد : صدقيني ما في شي
سدن : باقي تحبين نهاد
شهد : اي اكيد احبها و احبكم
سدن : شهد فاهمه قصدي
شهد بتنهيده : اي احبها
سدن : الين متى طيب
شهد : الين اموت
سدن : بس ما يصلح شوفيها بكرا بترتبط في جنى و انتي بتضلي كذا متضايقه و مقهوره انسيها او حاولي ترتبطي في احد يمكن ينسيك
شهد : سدن انتي تعرفيني و تعرفين كم مرا ارتبطت صح
سدن : اي بس انتي ماخذتهم لعب مو حتى ترتبطي بجد
شهد : المهم اني حاولت و كل محاولاتي فشلو انا باقي احبها و كل مرا اناظرها او احس بقربها اموت من الفرحه و يجيني مليون شعور و شعور بس اكون قريبه منها او احصلها تكلمني او شي سدن افهمي الله يخليك فكرت اني انساها صعبه كثير علي
سدن : لا مو صعبه انتي الي مصعبتها
شهد : سدن انا احبها من المتوسط و الحين شوفي وين احنا بالجامعه الحين و بكرا بنتخرج و نتوضف و كل شي في حياتنا بيتغير الا مشاعري لها و بعدين كيف تبين انساها و انسى مشاعري اتجاها وهي طول الوقت معي و تحبني
سدن : بس حبها لك مو زي حبك لها
انتي تحبيها ك حبيبه و هي تحبك ك صحبه و اخت
شهد : يكفي اني احبها
سدن : رح تاذين نفسك كذا هي الحين تحب جنى و رح يسون اشياء كثير قدامك وش بتسوين هو طول حياتك بتضلي تصدي عنهم زي ما سويتي امس على الفطور
شهد : تدرين وشو
سدن : وشو
شهد : تذكري امس لما صحيتهم و انا اصرخ
سدن : اي
شهد : صرخت لان انجلطت كيف كذا احد ثاني ينام بحضنها و خير تشيل تيشيرتها هي ما تشيله الا و انا معها و ما ينام في حضنها الا انا
سدن : بس هي ارتبطت في مليون وحده غيرك و سوت نفس الشي و اكثر معهم
شهد : اي و لذلك كنت حتى انا ارتبط حتى اشتت افكاري عنهم و حتى ما كنت انام معكم كنت اروح مع الي ارتبط فيها
سدن : شهد حياتي انتي انسيها امانه وربي قلبي يوجعني عليك اعرف شعور الغيره و والله يوجعني انك تحسين فيه و مع شخص ما يحس فيك ولا في شعورك ذا
شهد : بتجاهلهم زي ما تجاهلت طول السنين الي راحو انتي ما عليك
سدن : وش رايك ناخذ لنا شقه و تصيري تسكني فيها معي انا و لين حتى ترتاحي من الي قاعد يصير
شهد : لا لا ما عليك مارح اكلف عليكم ولا ابي احد يتعب نفسه او يشيل هم انا بخير و وضعي تمام
سدن : بنشوف
شهد : يله مشينا
سدن : لحضه خل اخذ اكل
شهد : منجدك.جوعانه
سدن : لا بس بشتري للين
شهد : الله يرزقني باحد يحبني زي حبك للين
سدن : هيي قولي ماشاءالله بعد تحسدينا
شهد : استغفر الله انتي ما تعرفين غير الحسد
سدن : اص اص خل اشتري لحبيبتي يوم ان ما عندك حبيبه تشتري لك
شهد : انتي حبيبتي يا لبى تعالي عند دادي تعالي
صارو يتراكضون وهم يضحكون
عند جنى الي كانت ترسل لباد
جنى : بدو وينك
باد : مرا بدبد و مرا بدو وش ذي الاسماء عندك يا بنت
جنى : ياخي احمدي ربك ادلعك
باد : يا فديت الي تدلعني
جنى : يا روحي
باد : كيف للاوضاع عندك رجعتي لبيتك او باقي
جنى : لا باقي
باد : و قريبتك الي تهاوشتي معها وش صار عليها
جنى : مدري عنها ما شفتها ذي اليومين
باد : اي افضل لك ابعدي عنها
جنى : وش تسوين
باد : ابد في الدوام
جنى : اجل اترك تكملي شغلك و انا بروح لصحباتي
باد : ذيك الشله
جنى : اي
باد : انتبهي منهم
جنى : من عيوني
سكرت فونها و اول ما جا في بالها نهاد
جنى بداخلها : اي والله لازم انتبه منها قبل احبها و اطيح فيها
ابتسمت ابتسامه صغيره و شالت اغراضها و طلعت من الكلاس و اتجهت للمكان المعتاد لشله سلمت و حصلتهم كلهم جالسين وجلست معهم
صارو يسولفون كثير الين خلص دوامهم و طلعو
كانت جنى متجهه لسيارة نهاد مع باقي الشله بس استوقفها صوت شخص من وراها
: مدام جنى
لفت جنى و شافت سواق عائلتها
جنى : هلا سلطان ليش جاي
سلطان : مدام عواطف قالت اجيبك للبيت و تقول عمي خالد مسافر
جنى : بجد
سلطان : اي طال عمرك
جنى : تمام لحضه
رجعت جنى لشله وهي مبتسمه
جنى : قايز
شهد : هلا
جنى : ابوي مسافر بقدر ارجع بيتي
نهاد : نعم بجد
حاولت سديم تمسك ضحكتها على شكل نهاد و ردة فعلها : يرجع بالسلامه قلبي
جنى : الله يسلمك
نهاد : طيب هو بيرجع بيته خليك عندنا
جنى : لا ما عليك برجع بما انه مو موجود و يمكن تتعدل علاقتنا بس يرجع
نهاد : اي ان شاءالله تتعدل
حضنتهم جنى ع السريع و ودعتهم و اتجهت لسياره و مجرد ركبت صارت تضحك على ردت فعل نهاد لان حتى هي لاحضتها بس حاولت ما تبين
دخلت البيت وهي تحس بفرحه لان من زمان ما دخلته راحت لغرفتها ع طول و رمت نفسها على السرير وهي طايره فرح
و من فرحتها كانت بتروح للخدم و تسلم عليهم بعد
جنى : افف اخيرا رجعت
قامت و تروشت و بدلت و كلها دقايق و جاتها وحده من الخدم تبلغها ان عواطف تبيها
نزلت بسرعه و حضنت امها وهي فرحانه و قاطع فرحتها صوت خالد من وراها : ما بتسلمين علي يا بنتي
لفت وجها و حصلته جالس و ماهي الا ثواني و تغير مودها و عصبت و رجعت لغرفتها بدون ما ترد
عواطف : هي باقي زعلانه منك و اكيد بتزعل مني انا بعد على الي سويته بس ما عليها بعد شوي بنكلمها و رح تراضيها وسو اي شي تبيه اهم شي تراضيها مفهوم خالد
خالد : تامرين امر ابشري
جلست عواطف مع خالد يسولفون بينما جنى رمت نفسها على سريرها بس ذي المرا وهي معصبه و كلها كم دقيقه و نامت
