نزلت من السياره و وقفت قدام البيت
كان بيت عادي مو كبير مرا يبين ان اصحابه اغنياء ولا صغير مرا و يبين اصحابه فقرا كان وسط زي اي بيت من حوله
ناظرت وراها و شافت السياره الي نزلت منها مبعده و كثير
اخذت نفس وهي تحس بضيق بتنفسها و توتر ما تعرف وش ممكن يقابلها من تدق باب ذا البيت
و بعد تردد كبير و تفكير طويل قررت تدق الباب و تواجه اي شي ممكن يقابلها في وجها و فعلا دقت الباب مرا و مرتين و بالمرا الرابعه انفتح الباب فتحه ولد كبير شوي بالمتوسط او الثانوي و مجرد شاف البنت الي واقفه عند الباب ارتمى في حظنها
نهاد : عمر يا روح اختك
عمر : نهاد ! وينك عنا كيف تتركينا هنا و تروحين
نهاد وهي تبادله : اسفه يا بعد روحي
بعد عنها عمر شوي وهو يتامل نهاد و يحاول يستوعب انها بجد عنده
نهاد : وش فيك يا روحي
عمر : انتي بجد هنا
نهاد : اشتقت لكم كثير و ما تحملت ابعد اكثر و جيتكم
ابتسم عمر و حظنها مرا ثانيه
نهاد : اشوفك كبرت يا ولد صرت اطول مني خير
عمر : كل مافي الموضوع انك صرتي اقصر عن قبل
نهاد : خير ما عليه بحاسبك بس مو الحين عمر : حياك ادخلي
نهاد : وينها
عمر : مو بالبيت
نهاد : تمام
عمر : لحضه بجمعهم في الصاله و بعدها بدخلك ابي اسوي لهم سبرايز
ابتسمت نهاد على لطافته : تم انتضرك
دخل عمر داخل الببت و هو يركض تارك نهاد بالحوش تنتضره
و كلها دقيقه و رجع لها و دخلها
عمر : افتحو عيونكم
مجرد فتحوها بدو يصرخون و يحضنون نهاد
انبسطت بشوفتهم و حست بشوي راحه
نوره : وينك عنا ليش رحتي
عمر : نوره قلبي مو الحين نحقق معها هي جات مشتاقه لنا
فهد : مو عدل كذا ليش جيتي بعد كل ذا الوقت و قطعتي علاقتك فينا و حتى تواصل ما تتواصلين معنا وش جابك بعد ذي السنين
عمر : فهد وش ذا الكلام
فهد : لا ذا الصدق ذا الكلام الي فقلوبنا كلنا ليش رحتي ولو كان عذرك كبير ليش ما تتواصلين معنا مو اخوانك ،،، احنا ما نبيك بينا انقلعي مكان جيتينا منه
قرب عمر منه و صفقه كف : بتسكت ولا كيف
فهد : ذي الي صفقتني علشانها بكرا بتروح و تسحب علينا زي ما سوت قبل
و انتي نوره رح ترجعين تبكين عليها كل يوم زي قبل مو توك تخطيتيها و ارتحتي من نسيتيها مو قلتي ما عاد تبين تشوفينها
نوره : فهد خلاص اسكت
نهاد : خلوه يقول الي في قلبه عادي ما بيضايقني كلامه
فهد : مسويه فيها الاخت الكبيره يعني
قام من عندهم و طلع لغرفته و لحقته نوره
عمر : سامحيه يا بعد روح اخوك انتي لا تاخذين بكلامه هو بس زعلان شوي
نهاد وهي تتنهد : ما كان المفروض مني اني اتركم ذي غلطتي و اعترف فيها
عمر : مو مهم المهم رجعتي لنا
نهاد : ما توقعت اني بغيب كل ذا الوقت بس موضوع رجعتي كان اصعب شي ممكن تتخيله
عمر : حكيني وش صار معك وش صادفك في حياتك من طلعتي من عندنا
نهاد : اشياء كثير بينتهي عمري و انا باقي ما خلصت كل المواقف الي صارت معي
عمر : روحي ارتاحي بجهز العشاء و لما يجهز بصحيك
نهاد : وينها
عمر : مسافره بس اعتقد اليوم بترجع او بكرا مدري
نهاد : كيف تعاملكم
عمر : تعاملنا معامله كويسه زي اي ام
نهاد : كويس
عمر : تعالي اوديك غرفة نوره رح تنامين معها تمام
نهاد : تمام يا روحي
طلعت معه لغرفة نوره و شوي و جات نوره
عمر : رح تنام معك
نوره : تمام
نهاد : ما بنام بسريرك بنام على الارض
نوره : لا عادي نامي معي بالسرير
عمر : بجيب فراش في حال ما اعجبكم الوضع
هزو راسهم و عمر طلع و رجع و اعطاهم و نزل للمطبخ يفكر وش المفروض منه انه يجهزه ك عشاء يليق في نهاد
و بعد تفكير طويل استقر على فكرت انه يطبخ مكرونه لانه ماهر فيها
