الفرعونه الصغيره

١ _ فرعونه

رواية الفرعونه الصغيره
بقلم إيمي
Emy Boss
الجزء الاول
البنت : ممكن يا حاج انضفلك المحل وتديني عشره جنيه
الرجل : ربنا يسهلك
البنت : والله هنضفهولك واخليهولك جديد
الرجل : قولتلك ربنا يسهلك
البنت : طب خلاص هاخد خمسه بس وهنضفلك بره وجوه المحل
الرجل بصراخ : قولتلك ربنا يسهلك
البنت : خلاص هاخد ٣ جنيه بس
وان مش عاجبك تنضيفي
مش هاخد فلوس
الرجل بزهق : خدي جنيه اهو وامشي من هنا
البنت بضيق : انا مش بشحت
انا بدور على شغل
الرجل باحراج : هتنضفي ايه هنا
ده محل ميكانيكي سيارات
كله مفكات وصواميل وادوات
البنت : هنضفه بردوا حتى لو هاخد الجنيه
الرجل بتردد : خلاص نضفي
وخدي الجنيه
البنت بتردد : ماشي
بس مش هاخد الجنيه الا بعد ما اخلص تنضيف
الراجل بابتسامه : وريني هتعملي ايه
وعلى قد شطارتك هتاخدي فلوس
البنت بحماس : اتفقنا
بدأت البنت فعلا تنظيف المحل
وجمعت كل نوع في علبه أو كرتونه
وكنست ورشت ماء
البنت بابتسامه : خلصت
الرجل : بصراحه تسلم ايدك
خدي يا بنتي عشره جنيه
مبسوطه
أخدت البنت العشره جنيه وهي فرحانه
البنت : شكرا يا عمي الحاج
الرجل : انتي اسمك ايه بقي
البنت : اسمي فرعونه
الرجل بابتسامه : اسمك الحقيقي
البنت : فرعونه
الرجل استغرب
البنت : والله يا عمي الحاج
كل الناس بتناديني فرعونه
الرجل : ههههههههههه
ماشي يا فرعونه
فرعونه : ممكن أسألك سؤال
الرجل : اسألي
فرعونه : محلك ما شاء الله كبير
وفي شغل كتير عندك
وشكلك بيقول كبير في السن
يعني ليه مش بتشغل حد معاك يساعدك
الرجل : كان في واحد شغال معايا
بس الأسبوع اللي فات طردته
كان بيسرقني
ولسه بدور على حد يشتغل معايا
فرعونه بحماس: اشتغل انا معاك
علمني بس
هتلاقيني بتعلم بسرعه وشاطره
الرجل باستغراب : انتي
بس انتي بنت
مش هتقدرى على شغل الرجاله
فرعونه : جربني
الرجل : لا طبعا
احنا شغلنا عاوز قوه وتحمل
وانتي بنت ضعيفه
فرعونه : خلاص شغلني معاك اساعدك
لحد ما تلاقي شاب
وهمشي على طول من غير ما تقولي
لما تلاقي حد
الرجل : يا بنتي مش نافع
فرعونه : هاخد نصف اجر الشاب اللي هتشغله
ولما تلاقي بديل همشي
الرجل باندهاش : مريم
مريم بغضب : مين دي
الرجل : تعالي من غير غضب
ونظر لفرعونه
دي مريم مراتي
ونظر لمريم : ودي بنت اسمها فرعونه
مريم بغضب: قاعده معاك بتحكي في ايه بقى
فرعونه بابتسامه جميله  : اذيك يا امي
انا اسمي فرعونه
وبدور على شغل
وبقول لعمي الحاج يخليني اشتغل معاه وهو رافض
مريم باستغراب : عمي الحاج
الرجل نظر لفرعونه : ناديني عمي عماد
فرعونه : حاضر يا عمي عماد
ولا اقولك يا ابي
مريم وقد بدأت بالدموع : نادي باللي انتي عاوزاه
وطبطبت على فرعونه
بس فين اهلك
عمي عماد : مريم
من غير دموع
مريم مسحت دموعها : خلاص من غير دموع
ونظرت لفرعونه : فين اهلك
فرعونه بتردد : في البيت
مريم : وهيوافقوا انك تشتغلي الشغلانه دي
فرعونه : اي شغل بيوافقوا عليه
مادام حلال ومش عيب
مريم : شغلها معاك يا عماد
عمي عماد : بس...
قاطعته مريم : علشان خاطري
فرعونه : بس اخري في الشغل الساعه ٤ علشان الليل ولازم اروح
عمي عماد بعد تفكير : ماشي
بس زي ما قولتي
فرعونه بضحكه : ماشي
ان لقيت شاب همشي على طول
من بكره هاجي اشتغل
عمي عماد : بفتح الورشه الساعه ١٠
تكوني هنا
وبكره اقولك هتعملي ايه
البنت بفرحه : شكرا يا عمي عماد
بكره قبل ١٠ هكون هنا
مريم : تقعدي تاكلي معانا الاول
وبدأت تفتح علب الاكل
فرعونه : لا علشان تاخدوا راحتكم
مريم : انتي ناديتيني يا امي
والكلمه دي عندي بالدنيا واللي فيها
وعلشان أكون امك
لازم تاكلي معانا
فرعونه باحراج : حاضر يا امي
قعدت فرعونه مع عمي عماد ومريم تاكل
كانت نظرات مريم لفرعونه كلها فرح وحب
ومريم عماله تحط اكل وتضغط عليها تاكل
فرعونه : تسلم ايدك يا أمي
بكره يا عمي عماد الساعه ١٠ هكون عندك
مريم : ناديتني امي
مش هتنادي يا ابي لعمك عماد
فرعونه : عنيا لابويا عماد
نظرت مريم لعمي عماد وابتسموا
فرعونه : تسلم ايدك يا امي على الأكل الجميل ده
همشي انا
وبكره هجيلك على الميعاد
مريم : بالسلامه يا بنتي
عمي عماد ومريم : سلام يا بنتي
عمي عماد لمراته : انا وافقت على شغلها معايا علشان خاطرك بس
لكن هي مش هتمشي معايا
دي بنت
وكل شغلنا مع رجاله
وخايف راجل يقولها كلمه كده ولا كده
يعني كان رافضي لاني خايف عليها
مريم : مش عارفه دخلت قلبي
وحسيت انها محتاجه الشغل ده
اهو شغل حلال
بدل ما تعمل حاجه حرام
وشكلها بنت ناس بس ظروفها وحشه
واحنا الحمد لله عندنا اللي يكفينا وزياده
يعني قرشها مش هينقصنا حاجه
عمي عماد : خلاص ماشي
مريم : فهمها بس وخلي اختلاطك انت مع الرجاله
وهي تتعامل معاك انت بس
عمي عماد : اوامرك يا ست مريم
خلينا نقوم نروح
خلصت شغل النهارده
وتعبت
مريم : يلا بينا
روحت مريم وعمي عماد
لا تنسوا تدعموني بالتصويت