ရူးနေကြပြီ..
တစ်ကယ်ကိုရူးနေကြပြီ..အဓိပ္ပာယ်မရှိလိုက်တာ..
အဖေတို့ဘာတွေပြောနေကြတာလဲ..ဘာလို့..ဘာလို့သမီးက..
"မိန်းကလေးတစ်ယောက်ကိုလက်ထပ်ရမှာလဲ!!"
အတွေးများကို အော်ထုတ်ကာ ပြောမိတော့ မျက်စိရှေ့က အဖေနဲ့အမေက ထိတ်သွားတဲ့အကြည့်တွေနဲ့။
မျက်နှာထက်က ဝမ်းနည်းရိပ်ကိုဖမ်းမိတဲ့အခါ သူမပိုပြီး နားမလည်နိုင်ဖြစ်ရတယ်။
"ဟမ်..ပြောပါအုံး..ဘာလို့သမီးကိုအဲ့လိုလုပ်ရက်ကြတာလဲ..ပြောပါအုံး"
သူမနှင့် မျက်လုံးချင်းဆုံပြီးတောင် မကြည့်နိုင်ရှာတဲ့ မိဘနှစ်ပါးကို ကြည့်ရင်း ရင်ထဲမွန်းကြပ်လာရသည်။
"အမေတို့လည်း မတတ်သာလို့ပါသမီးရယ်"
"နားလည်ပေးပါ"ထိုသို့ပြောတဲ့ အမေကခေါင်းကိုမော့မလာ။
အဖေကတော့ ခေါင်းညိတ်လျက်သာ အမေ့စကားကိုထောက်ခံသည်။သူမ ခြောက်ကပ်ကပ်လေသံဖြင့် ရယ်ချလိုက်ပြီး ကျလုဆဲဆဲမျက်ရည်တွေကို လက်ခုံနဲ့ အကြမ်းပတမ်း သုတ်ပစ်လိုက်တယ်။
"မတတ်သာတာကိုနားလည်ပါတယ်"
"သမီးနားမလည်တာက ဘာလို့ မိန်းကလေးဖြစ်နေတာလဲဆိုတာပဲ"တိတ်နေကြပြန်ပြီ..
မဖြေနိုင်ဘူးဖြစ်နေပြီမလား..လုပ်ရက်လိုက်တာအမေတို့ရယ်..
လုပ်ရက်လိုက်တာ..အတွေးထဲစကားပြောနေမိတုန်း..
ရုတ်တရက် အဖေထပြောတဲ့စကားက
သူမကိုပါးရိုက်လိုက်သလိုပင်။"ရတီခ"
"သမီးမနက်ဖြန်ကစပြီး သူ့အိမ်မှာသွားနေရမယ်"မျက်ရည်တွေကို ချုပ်တည်းထားရတာ
သိပ်တော့အဆင်မပြေလှပါဘူး။ဒီလိုမှမလုပ်ရင် အခြားနည်းလမ်းမရှိတာကိုလည်းနားလည်ပါတယ်။
နားလည်လို့လည်း မငြင်းနိုင်ခဲ့ဘူး။
မကျေနပ်ချက်ကိုတော့ အော်ပြောပြီး ပေါက်ကွဲလိုက်မိတယ်။
မကျေနပ်လို့လည်း ဘာမှထူးခြားမသွားပါဘူး။
မိဘတွေကျေးဇူးနဲ့ သူမဘဝ အရမ်းပျော်ဖို့ကောင်းတော့မှာကိုတွေးပြီး ပျော်တော့ပျော်မိသား။(ရွဲ့တာ)