လည်မျိုတက်နင်းခံရသလို မွန်းကြပ်မှုနှင့်အတူ အသက်ရှုကြပ်နေသည့်ခံစားချက်ကြောင့် အိပ်နေရာမှ မျက်လုံးကို ဆတ်ခနဲဖွင့်လိုက်တယ်။
နေထိုးနေတဲ့ မျက်နှာကျက်ကို တန်းမြင်ရပြီး ချက်ချင်းသတိထားမိလိုက်တာက အသက်ရှုကြပ်နေသည်မှာ အိပ်မက်မဟုတ်ပဲ လည်ပင်းကိုညှစ်ထားတဲ့ လက်နှစ်ဖက်ရဲ့အထိအတွေ့ကိုပါ အတိုင်းသားခံစားနေရသည်။
မျက်လုံးကိုဘေးဘီဝဲယာ ကစားကြည့်လိုက်တော့ မိမိကို မျက်လုံးပြူးကာ ကြည့်နေသည့်....
"ခွန်းသူရိယ!!"
သူမကိုလည်ပင်းညှစ်ထားသူမှာ ခွန်းသူရိယပင်။
သူ့လက်ကို ရတီခလှမ်းကိုင်လိုက်ပြီး..။"ဘာလုပ်နေတာလဲ!!ငါ့ကိုလွှတ်!!"
သူမအော်သံကို ဖြုံပုံမရတဲ့ ထိုသကောင့်သမီးက တုပ်တုပ်မလှုပ်သည့်အပြင် လည်ပင်းညှစ်ထားတဲ့လက်တို့မှာ ပို၍ပင်တင်းကြပ်လာခဲ့သည်။
"အဟွတ် အဟွတ်!"
ရုန်းသော်လည်း ခွန်းသူရိယက သန်လွန်းသည်မို့
အရာမထင်ခဲ့။ရတီခ သူ့ကိုမယုံနိုင်သည့်မျက်လုံးများဖြင့်
ကြည့်လိုက်ရင်း...သူ..သူ..ငါ့ကိုအသေသတ်ဖို့ကြံနေတာလား..
ထိုသို့တွေးနေတုန်းမှာပဲ ခွန်းသူရိယက လက်ကိုပြန်ရုတ်သွားတယ်။
ရတီခအခုမှ အသက်ကိုဝဝရှူနိုင်တော့သည်။
"နင်..နင်ငါ့ကိုတစ်ကယ်ပဲသတ်တော့မလို့လား"
"ဟက် နင့်ကိုသတ်ပြီးဘာလုပ်ရမှာလဲ"
"အခုပဲငါ့ကိုလည်ပင်းညှစ်လိုက်တာမလားလို့!?"
"ဟုတ်တယ်လေ"
"အဲ့တာအသေသတ်နေတာမဟုတ်လို့ဘာလဲ!"
"နင်ထပ်ပြီးအော်ပြောလို့ကတော့ ငါတစ်ကယ်သတ်မိမှာ"
သူ့စကားကြောင့် ရတီခတံတွေးမျိုချလိုက်သည်။
"ဘာလို့အဲ့လိုလုပ်ရတာလဲ"
"ငါနင့်ကိုဘာအမှားမှလည်းမလုပ်ထားဘူးလေ""အာ..အမှားလုပ်ထားလို့မဟုတ်ပဲ"
"နင့်လည်ပင်းက ဖြူစွတ်နေတော့ ညှစ်လိုက်ရင် လက်ရာက ထင်းနေမှာပဲဆိုပြီး..."