سلطان الحاره وأميرتها

الفصل التاسع

بعد مرور يومين
كانت سميه تردد بي صراخ شديد وغضب وهي تكسر ماتراه امامها. طيب وبعدين حانعمل ايه دلوقتي الغبي ده بوظلنا الدنيا كلها انا قولت لما حايشوفها في الوضع ده حايقتلها حايطردها حايخرجها بره حياته لكن ده راح اتجوزها وبقت عقبه ومصيبه في طريقنا

معتز ببرود. والله انا شايف انك تاعبه نفسك علي الفاضي وجود دهب من عدمه مش مشكل عندنا أي فرق بي وجودها او من غيره المهمه حاتكمل

سميه بي نفي. لا البت دي خطر علينا انا حاسه انها حاتكون خطر كبير علينا لتكمل بي اعين متسعه مذعوره. يلهوي لو قرر يطلقني دي تبقي مصيبه سوده كده يبقا احنا فقدنا فرصتنا الوحيده اننا ندخل لي مخازنه ومحلاته ومش حايكون لينا اي تعامل معاه بعد انهارده

ضحكت شوشو بي قوه ورددت وهي تشرب سيجار. هههه ده انتي غبيه اوي ياسميه حايطلق اللي شايفها شريفه وبنت حسب ونسب وكل ده عشان خاطر واحده شافها في حضن واحد وجايبها من بيت مشبوه لتنهض وتردد. الامور ماشيه ذي ماهي زي مامعتز قال وجود دهب من عدمه مش مشكل عندنا اي فرق انتي بس اللي بتفكري كتير لتكمل بتساول وهي تنظر الي سميه التي هدات قليلا ولكن مازال التوتر واضح علي وجهها . هو حايجي امتي عشان يتكلم معانا

جلست سميه ورددت بي لامبالاه. بقاله يومين قافل موبايله ومش بيخرج من البيت بس معتز كلم حسنيه وهي قالتله انه حايجي انهارده بي الليل

معتز. تمام اوي كده طبعا هو حايجي يعتذر ومش عارفه ايه دورنا ايه بقا بس من غير شوشو ماتكون موجوده عشان يثق فينا اكتر حانحاول نشعلله اكتر من نحيه دهب ونحاول نسحب ثقته اللي كانت فيها نخليها فينا احنا

شوشو. تمام كده اوي وطبعا من غير ماقول لازم نظهر اننا زعلانين اوي عشان اللي عمله وسميه من اول مايوصل ودموعك دي مش عايزاها تتقطع فاهمه

اومات اليها سميه واخذو يكملو باقي الخطه سويا

داخل منزل سلطان
جلس الجميع علي الطاوله وهم مازالو مصدومين

رددت حسنيه بي عدم استيعاب الي الان. هو اللي حصل ده حقيقي ولا مش حقيقي سلطان فعلا اتجوز دهب ولا انا حصلي حاجه في نفوخي

سامي بي سعاده شديده وهو ياكل بي نهم. لا يمه صدقي ابيه فعلا اتجوز دهب وبقاله يومين غرقان معاها في العسل فوق ومش راضي ينزل

نظرت اليه حسنيه بي حرج وقرف ورددت بي صياح. حاقول ايه مانت ناقص وقليل الحيا زي ابوك قوم ياواد من هنا قووووم مافيش طفح

يوووه بقا قالها سامي وقام بي حمل ساندوتش وتوجه به الي الخارج وهو يحمل حقيبه المدرسه علي كتفيه ليردد شاكر بي ضيق. هو كل حاجه لازم تدخلي ابوه فيها وانا مالي ياختي هو انا اللي اتجوزت ولا ابنك اللي مكملش يومين جواز وراح اتجوز التانيه