سلطان الحاره وأميرتها

الفصل الاول

داخل احدي الحارات الشعبيه البسيطه المميزه بي طيبه أهلها وسماحه وجوههم في احدي البيوت المكونه من ثلاثه طبقات كان صوت الصراخات تهز المنزل مثل كل يوم

حسنيه بي صراخ شديد وغلظه وهي تتمسك بي عنق شاكر تقوم بي خنقه. فين الفلوس ياراجل ياناقص

شاكر بخنقه وصراخ. اتلمي ياحسنيه احسنلك

اخذت حسنيه تصفع وجنتيها بقوه وقد ازداد صراخها عن الحد الطبيعي فا كلما ادخرت أموال يقوم ذلك الحقير بي سرقتها

ليردد شاكر بي مكر وابتسامه لعوب. ياوليا مش تعرفي الاول انا اخدتهم ليه

نظرت اليه حسنيه بي غضب شديد وحاولت الهجوم عليه مره أخري ليردد شاكر بي سرعه وهو يخرج سلسال ذهبي من جلبابه ومعه ثلاثه خواتم ليردد بي ابتسامه وهو يعرضهم أمامها. ايه رايك

شهقت حسنيه بي قوه وتوسع بؤبؤ عينيها الي مالا نهايه فقد كانت تدخر الاموال حتي تشتري لها تلك المصوغات لتردد بي صدمه وكأنها فقدت النطق ولمعان الذهب داخل عينيها يكاد أن يجعلها تفقد الوعي. ده ده

شاكر بي خبث شديد فتلك الغبيه لم تلاحظ أنه ذهب غير حقيقي يشبه الذهب الاصلي تماما ولكن لم يصنع من الذهب. ايه ياسوسو مش دول اللي كان نفسك تجبيهم

اختطفتهم حسنيه من يده ورددت بي ابتسامه متسعه وهي تقلب فيهم بين يديها. ايوه كنت عاوزه اشتريهم انا كنت بحوش عشان اجيبهم

شاكر وهو ينظر اليها بي محبه كاذبه. هو انا برضو اقدر اشوفك نفسي في حاجه واسكت ليتنصع الحزن ويكمل وتلك الغبيه تنظر اليه بي ابتسامه ولهانه. انا اخدت الفلوس حطيتهم علي اللي معايا وروحت جيبتهم صحيح كتبت وصل أمانه علي نفسي بي باقي الفلوس بس كل ده فداكي ياست الحسن والدلال انتي

ابتسمت حسنيه بشده وردد وهي تضم المصوغات الي حضنها. ربنا يخليك ليا ياشاكر وميحرمنيش من حنيتك عليا لتكمل بي حرج ظاهر علي وجهها. اعذرني ياخويا في اللي عملته انشالله يجيلي شاكه في لساني

انشالله يارب قالها شاكر بينه وبين نفسه ليكمل بي خبث ومرح مصطنع. لا بس ايه رايك فيهم تعرفي صاحب محل الدهب ده بخيل جلده ياعم حاجبلك الفلوس لا اكتبلي وصل أمانه ياعم انت مش مامني لا ده أكل عيش كتبت وصل حاعمل ايه يعني

حسنيه بي لهفه شديده. متقلقش ياخويا انا حاكلم سلطان دلوقتي حاخليه يديك فلوس الوصل

ابتسم شاكر بي طمع بعدما حدث مااراد لتردد حسنيه وهي تضع المصوغات المزيفه داخل صندوق صغير داخل الخزانه وتغلق عليهم الخزانه بي المفتاح. يلا ياخويا عشان نفطر زمان العيال صحيت

اتفضلي ياست الستات قالها شاكر بي ابتسامه وهو يغمز لها بعينه لتضحك حسنيه بي قوه وقامت بي التوجه معه الي الخارج