وصلت زينب الي منزل سلطان وتوجهت الي الاعلي بي سرعه لتدق علي الشقه بي قوه وغضب شديد ثواني وفتحت دهب ورددت بي قلق وخوف. في ايه يازينب انتي بتخبطي بي الطريقه دي ليه
اوعي قالتها زينب بي صراخ ودموع وهي تبعدها من امامها بي قسوه لتتوجه الي الداخل وتقوم بي حمل طفلتها التي كانت جالسه تتلاعب معا اطفال سلطان لتحاول ان تتوجه بها الي الخارج لتردد دهب بي غضب وصراخ وهي تاخذ الطفله منها بي القوه. انتي واخده البنت ورايحه فين
زينب بي غضب قاسي وصراخ مرتفع. انتي مالك انتي دي بنتي انا مش بنتك انتي
دهب بي حده وبرود. بنتك دي تروحي تاخديها من ابوها مش مني انا
زينب بي دموع وقهر شديد. قصدك ابوها اللي كل يوم يجبهالك عشان مش مامن عليها معا امها ومامنك انتي عليها انتي عاوزه توصلي لي ايه بي الظبط عاوزه تدمريلي حياتي مش كده
دهب بي حزن شديد علي حالتها. والله ربنا يعلم اللي جوايا ليكي وبعدين جوزك مجروح ومش قادر ينسي اللي حصل بدال ماتقربي منه وتحتويه قاعده بتخلقي مشاكل أكتر لتكمل بي لهفه ورجاء. اقولك اقعدي معايا واول مايجي عشان ياخدها انا حاكلمه انا وبابا وحانحاول نصلح بينكو
جن جنون زينب بي الاكثر لتردد بي قسوه وصراخ شديد وهي تاخذ منها الطفله الباكيه وتتوجه بها الي الخارج. ملكيش دعوة متدخليش في اللي ملكيش فيه فاهمه
لحقتها دهب ورددت بي حده وقساوه وهي تاخذ منها الطفله الصغيره وتحاول تهديه بكائها. مدام مدخلش يبقا بينك وبينه بقا بس عشان تكوني عارفه انا مش حاديكي البنت غير في وجود ابوها
اشتبكو الاثنين واصبح صرخاتهم تسمع الحاره التي تجمعت اسفل المنزل حتي يشاهدو ماذا يحدث لتخرج حسنيه من شقتها وتردد بي صياح وقلق. في ايه في ايه يازينب
زينب بي بكاء شديد وصراخ اشد. مش عاوزه تديني بنتي خليها تدهالي هي عايزه تحرمني من بنتي وعاوزه تخرب بيتي مش متحمله أكون مبسوطه في حياتي
دهب. انا عاوزه اخرب بيتك الله يسامحك والبنت مش حاتاخديها قولتلك استني ابوها لما يجي وخديها منه انا مليش علاقه بي مشاكلكو بس دي امانه معايا مقدرش ادهالك
غضبت حسنيه من أجل ابنتها لتردد بي غضب مشتعل وصراخ قوي. وانتي حاتخافي علي البت أكتر من أمها اما صحيح معندكيش أصل ومطمرش فيكي اللي عملناه عشانك طبعا غيرانه منها وعاوزه تخربي بيتها النار قايده في قلبك ومش متحمله الهنا والفرح اللي هي فيه
ابتعلت دهب الاهانه ورددت بي هدوء. الله يسامحك انا مش حارد عليكو قالتها وحاولت التوجه الي شقتها لتقبض حسنيه علي يدها وتردد بي صراخ وغضب وهي تحاول نزع الطفله منها. هاتي البت إن ماخليتك مطلقه انهارده مبقاش انا حسنيه
دهب بي صراخ وغضب وهي تضم الطفله اليها. حتي لو اطلقت برضو مش حاتاخدوها وبدال ماانتي جايه تستقوي عليا وعايزه تطلقيني روحي ربي بنتك اللي بتخرب بيتها وكانت حاتتسبب في موت بنتها
جن جنون زينب وحسنيه وشعرو بي النار تحرق قلبهم المغلول من ناحيه دهب ليشتبكو جميعا بي اليد وقامو الاثنين بي ضرب دهب بي قسوه حتي انهم لم يهتمو بي الفتاه الصغيره التي تحملها لتشدد دهب من احتضان الصغيره المنهاره بي البكاء لتحاول ابعادهم عنها والتوجه الي الاسفل لتغرز زينب اظافرها داخل عنقها لتصرخ دهب صراخ شديد وتفركشت قدميها في الدرج ولم يمر ثواني الا وكانت تسقط من فوق الدرج والطفله الصغيره داخل احضانها
أنت تقرأ
سلطان الحاره وأميرتها
Fiction généraleهي. فتاه صغيره عشقته ببراءتها كبرت وترعرعت داخل مملكته لتصبح متيمه به تراه وكأنها لم تري غيره تنسي العالم بمجرد ان تنظر داخل عينيه العميقه التي تري بهم مالم تراه في العالم باكمله هو شاب مهذب ومحبوب من الجميع لم يناديها غير ابنتي يراها دائما ابنته ا...
