" البارت الثاني" .. ✨
.
.
.
و في اليوم الثاني رجعت غيم من المدرسه و على طول جهزوا رحالهم و مشوا في ثلاث سيارات سياره ( سعود ، عبدالله ، عمر )
و في الطريق سعود كالعاده يفكر في العنود و يفكر في طريقه يعرف اخبارها ، لكن عنده امل بسيط انها تكون في الديره
قطع تفكيره صوت ساره الي تقول : سعود و تهز كتفه
سعود : سمي وش تبين ؟؟
ساره : شغل لنا اغنيه اي شيء الطريق ملل
سالم : سوير انثبري ورى و منعينا منتس
غيم : و انت وش حارك ؟ خلها
سالم : اذا تكلموا الكبار البزارين نفستس يسكتون
غيم رفعت حواجبها زي الي خير ..
سعود : معليتس منه يا سوير ابشري
ساره : تبشر بالجنه
سالم لف وجهه لطاقه و هو معصب
و كملوا طريقهم ....................................
في سياره عبدالله كان مشغل شيلات الطيبين و قصايد عشان ابوه و اول مره ابو عبدالله يكون مستانس يصفق و يقصد
ريما : اشوفك يبه مبسوط و اخيراً
دقتها سميره : اص اص
ابو عبدالله : و تنكدت ازين لتس يا الملقوفه ؟ محد ينكدني غيرتس
ريما : لايبه بس فرحانه من فرحتك
سميره : اص يا الهبله
و في سياره عمر كانوا يتهاوشون وليد و عمر
عمر : و خر ذي العزبه خلها جنبك
وليد : وليه ان شاء الله خلها عندك ولا ورى
عمر : درج انت ؟ انا اسوق والي ورى ما يكفي اغلب العفش معنا !!
وليد : مالي شغل حطها عندك ..
و كملوا هواشهم ................
و فجأه و في نص الطريق اتصلت حصه على عبدالله
حصه : كيفك يا اخوي ؟
عبدالله : بخير دامتس بخير
حصه : ترى بلحقكم انا و خالد للديره
كان جوال عبدالله سبيكر و سمعتها ام عبدالله
ام عبدالله : لا وش يجيبتس انتي حامل و على وجه ولاده ومو حلو لتس الطريق
حصه : يمه قد ابطيت منكم ابي اشوفكم و استانس معكم
ابو عبدالله : حياتس يا بنتي
ام عبدالله : على خير
انتهى النقاش و وكملوا طريقهم ........
و صلوا الديره
غيم : و اخيراً جيتس يا دهر قلبي و رجعانه
سعود التفت عليها متفاجئ : ما عرفتس يا الصغيره امس انقليزي و اليوم خواطر و حركات !!
غيم : وش عرفك انت يسموني ( غيم لغات )
ساره : ههههههههههههههههه غيم لغات !😭
ابو عبدالله : عمر و وليد وينهم العزبه و الاغراض معهم
سالم : شوفهم ذولا وصلوا يبه
ابو عبدالله يأشر و يقول : نزلوا الاغراض ..
نزلوا اغراضهم و كل واحد راح لغرفته يرتب
غيم اول ما دخلت غرفتها : الله تكفوووووننن وش ذاااا من زمان عنها حتى ريحتها تجنن
ساره : هي هي ترى الاجازه الي راحت كنا فيها !
غيم : وش تبين انتي ؟
ساره : ارجع لتس عقلتس بالله الديره ازين من المدينه ؟
ريما : شوفي الصدق انا ما بغيت اجي الديره عشان الطريق و لا انا احبها
ساره : حبتس قرد وع وش جوكم
غيم : والله انها حلوه حتى هواها غير و كل شيء غير و طقوس حلوه
ساره : هي حلوه ما اختلفنا بس اكره اعيش فيها
غيم : يا حبيبتي يسمونها ام العيشه هي
ساره : ام العيشه يلا يلا يا غيم لغات
ريما : ههههههههههههههههههههه وش غيم لغات ؟
ساره :اسأليها ههههههههههههههههه
غيم : funny
ساره : شفتي ههههههههههههههههههههههههههه
ريما : اهخهخهخهخهخهخهخخهخ بطني بطني هي ما تعرف تفرق بين ٦ و ٢ كيف تكتب الحين تتكلم لغات ؟ 😭😭
غيم : والله انتس صادقه ..
أنت تقرأ
ولي في حُبها حياه
Randomتعريف بسيط لـ الروايه 🫶🏻 الروايه هي : عباره عن حياه بدويه نوعاً ما تدور الاحداث بين حب و معاناه ، و بين حياه قديمه لكنها في عصر حديث ، و مشاكل عائليه ، و العايله متمسكه بعاداتها و تقاليدها و تدور احداث كثيره و مشوقه في الروايه ،، الروايه من وحي ال...
