ولي في حُبها حياه

"البارت العشرون " ..✨

"البارت العشرون " ..✨
.
.

و في الصباح قامت ساره الي كانت في غرفتها يوم كامل من التعب ليلى شافتها وهي نازله من الدرج و تحس شوي و تطيح و مو مركزه
ليلى : يمه بسم الله عليتس تعالي اساندتس
ساره : تعب تعب مو طبيعي ظهري هذا وانا بدخل الشهر الخامس
ليلى : بسم الله عليتس تعالي تعالي انزلي بشويش وتعالي على الكنب
ساره : لا لا بروح اسوي فطور
ليلى : صاحيه انتي ؟ لا ما تسوين وانتي بذي الحاله اقعدي انا اسوي
نزلت سميره : وش فيها ؟
ليلى : تعبانه من الحمل و تبي تسوي فطور
سميره : اقعدي اقعدي انا وليلى نسويه
نزل ابو عبدالله : سميره قومي البنات نسيت اقومهم للصلاه وانا تاخرت
سميره : ابشر يا عم
نزلوا العيال وهم في طريق للمسجد
سالم : يبه ما ودك نخطب لوليد ؟
وليد : انا اقول اصبح اليوم و رح صل و خل الشيطان الي في داخلك يقعد انشغل بحالك
سعود : وليللللل خل كل واحد بحاله ليش تحشر نفسك ؟
عبدالله : وليد صغير على الزواج انت تبي تتزوج تزوج
وليد : بعدين لا تصير لي خطابه هنا !
سالم : هيييهه عيب تقول لي خطابه
سعود : والي تسويه هذا وش ؟؟
ابو عبدالله : قص الله لسانكم انا قدامكم ولا تحترموني و بعدين انا كبر وليد كان عندي حصه و عبدالله و ماهو بصغير
وليد : يبه زمنا غير عن زمنكم
ابو عبدالله : اقول تحرك و الزمن واحد ، و تاخرنا على الصلاه

وفي الضحى جهز الفطور و جلسوا يفطرون كانت سميره تطل من الطاقه وهي مفتوحه لكنها كانت تسمع من ورى
ابو عبدالله : القرص من مسويه !!
ابتسم عبدالله : هذا شغل سميره
ابو عبدالله : تسلم يدها
انحرجت سميره : اوف يميز اكلي !! من بينهم
دخلت تمارا وهي تبكي
تمارا : ماما عزيز ضربني
سميره : الله يصلحك يا عزوز ليه ليه ؟؟هذي اختك حرام
عزيز : ماما دعست العابي و نصهن تكسرن
سميره : ليه يا توته
تمارا : غيم كانت تلحقني و ما شفته
سميره : عزوز ما تقصد و اعتذر منها لانك ضربتها
عزيز : خلاص اسف

عند الرجال دخل ابو صابر
ابو صابر : السلام عليكم
الكل : وعليكم السلام
سعود اول مره يحب جيّت ابو صابر
سعود فز يرحب : ارحب ارحب تو ما نور المكان
عمر رفع حواجبه من تصرف سعود : يا مرحبى
ابو صابر : البقى يا مرحبين
سلموا على بعض و شربوا القهوه و الشاهي و من بين السوالف
ابو عبدالله : الا ما تقول لي يا معيض متى الخطبه
ابو صابر ارتبك : قريب ان شاء الله اي انا جاي عشان ابلغكم ان عندي عزيمه بعد يومين نجمع الي في الديره و من زمان عنهم و ابيك تحظر انت و الاشبال الي عندك
عبدالله : والله يا عم كان ودي بس اني ماشي الظهر تعرف عندي دوام و خلصت اجازتي
ابو صابر : والله يا وليدي كان لي خاطر انك تحظر بس الجايات ان شاء الله
عبدالله : ان شاء الله
ابو عبدالله : تممم
ابو صابر : و ترى ابو مشاري بيمرك اليوم على الساعه ٩ الحلال
ابو عبدالله : الله يحييه
ابو صابر : و هذا فنجالكم و شربناه استودعتكم الله
ابو عبدالله : وين يا رجال ما جلست
ابو صابر : مستعجل عشان خطوبه بنتي  ( و غمز لسعود )
سعود ضحك بخوف و انها تنكشف خطتهم : هههههههههههههههههه
ابو صابر : لا تنسون وعدنا بعد بكره
ابو عبدالله : على خير