ولي في حُبها حياه

"البارت الرابع" ..✨

" البارت الرابع " ..✨

.
.

في بيت ابو صالح قبل ينامون عياله جمعهم في الصاله مع ام صالح
ابو صالح : ترى بنرجع مدينتنا اشتقت لـ اخوياي الاولين و بنرجع الحاره القديمه
انصدمت العنود و في نفس الوقت فرحت قالت بحماس : اي تكفى يبه
شهد : وناسه اشتقت ل جيراننا
العنود في نفسها : واخيرا. ( بشوفك لا طالما طال الغياب ولكن ما زال حُبك في قلب من تُحب )
صالح : ما اتذكر بس كم بنقعد ؟
ابو صالح : يومين نقضي الاجازه و بعدها و نروح اي مدينه تبون

وكل واحد راح يجهز اغراضه و العنود كان حماسها مو بعادي
شهد استغربت من حماسها و سألتها : نودي تذكرين عائله ابو عبدالله و ابو مشعل !؟
العنود : اي اذكرهم
شهد : امممممممم ايهه
العنود : علامتس ؟
شهد : ولا شيء بروح انام
العنود : الله معتس

و في بيت ابو عبدالله في الصباح قام وما لقى احد صاحي من تعب امس دخل غرفه العيال وهو يدق الباب بقوه و يقول : قوموا يا جعل الوجع في ظهوركم قوموا صلوا ! و انزلوا تحت لا ارجع و احصل واحد نايم ياويله

سعود : يالله صباح خير وش ذا ؟
عمر : مدري لا تسألني
سالم : قوموا قوموا قبل يجي و يجلدنا
قاموا كلهم الا وليد نايم نومه ثقيل راحوا يصلون في المسجد و نسوا عن وليد
قابلهم ابو عبدالله بالمسجد : وين وليد؟
سعود : هاه !
عمر : مدري
سالم : عاده نايم
ابو عبدالله : وشو و الله يا العصايه ان تلعب بظهره !
سعود : لا يبه انا اخر واحد طلع من البيت وهو يلبس نعاله و بيجي
سالم : لا انا الي طلعت اخر واحد
سعود يناظره يعني اسكت
عمر : لا لا سعود وعض على شفايفه
و قطع حديثهم صوت المؤذن وهو يقيم الصلاه ، سعود درى ان وليد نايم طلع وهو يركض و نسى نعاله بالمسجد من كثر الرعب يركض و رجلينه تشققت وهو في الطريق بس ما همه اهم شيء يقوم وليد فتح الباب بقوه و هو يقول وليددددددد وليدددددد و يركض و يطلع فوق غيم و ام عبدالله و ريما لحقوه
غيم : استهدي بالله وش صاير !؟
ريما : اصبر اصبر وش فيه
ام عبدالله : علاااااامككككك
ساره كنت تحت و شافت سعود و استوعبت بعدين ركضت : علامكم وش صاير
ام عبدالله : صل على نبي وش فيك
فتح سعود باب الغرفه ،، سعود بصوت مقطوع و يلقط انفاسه : وليد ابوي ابوي
ام عبدالله : وش فيه ابوووككك ؟
سعود : قم قم ابوي بيجي
فاجأهم صوت ابو عبدالله : وليد وليددد
سعود : هج للحمام بسرعه قم
قام وليد برعب من تقويم سعود له و من الاصوات و صوت ابوه المعصب
عبدالله و سميره نزلوا على صوت ابو عبدالله عبدالله فهم السالفه : صل على النبي هد يبه
ابو عبدالله : الف صلاه عليه اخوك الي ما يستحي ما صلى ولا سمع كلمتي !! و بعدين انت ليه ما لحقتنا ؟
عبدالله : هذاني جاي بس كنت البس و قدني جاي
نزل وليد وهو لابس ثوب و متعطر بعد ما تساعدوا في كل شيء عشان ابو عبدالله ما يشك انه توه صاحي
عبدالله : شفه ذا جاهز
ابو عبدالله : استغرب و قال زين ولا والله ما يحصل خير يلا على المسجد
غيم : هوه كان اليوم وليد ذبيحه
ريما : والله انتس صادقه
جاء سعود ام عبدالله : بسم الله عليك وش ذا الي في رجلك ؟
سعود ما كان حاس بالالم من الرعب
غيم : بسم الله عليك بروح اجيب لك مسحه و انظف الجرح
سعود : يمه بسيطه