ولي في حُبها حياه

" البارت الخامس عشر " ..✨

" البارت الخامس عشر " ..✨
.
.
.

وفي الجهه الثانيه في احدى حواري الديره المتهالكة القديمه في بيت ابو صالح :
العنود الي كانت فوق سريرها وهي فرحانه انها قابلته
تعرف ان سعود كان كاتب و كان يحب الكتابات و كذا و اخذت دفترها و بدت تكتب (( واني احبك حباً انت تجهله ، و تجمعنا الصدف لـنرى بعضنا صدفةً ولكنها لم تكن صدفه فقط انما القلوب تشعر ببعضها ،، اعلم انني عندما احدثك قلبي يبتهج و يرفرف فرحاً ، رباه اني احبه كأنما لم يحبه احداً مثل ما احببتهُ ، اطلبك و اطرق بابك يالله يا رب ان تجمعني في من احب في الدارين دار الدنيا و الاخره ، ولا تختبر صبري فيه يالله البُعد طال و صبُر فاض و الحنين و الشوق كل يومٍ علينا يتجدد فجمعنا يا الله بحلالك عن حرامك ))

العنود : الله الله يا العنود ما عرفتس
دخلت شهد : العنود ابي اقول لتس شيء و اتمنى تصارحيني لاني تعبت من كثر ما افكر
العنود : وشو بسم الله خوفتيني ؟
شهد : انتي تحبين صح !!
توترت العنود : وليه ذا السؤال
شهد : بس سؤال و انا اخيتس و علميني عادي
العنود : لا
شهد : علميني علميني تكفين تكفين واضح انتس تحبييييننن يلا العنود تكفينننن
العنود الي استسلمت لانها تعرف شكثر شهد فضوليه و بتعرف كل شيء غصب عنها : افففف خلاص اي احب
شهد : اييييييي مينننن !!!!
العنود : سعود
شهقت شهد : سعووودددد ما غيره سعوددد بن مقبل
العنود : ايه وش فيه ؟؟
شهد : اصلاً كنت حاسه و شاكه انتس تحبين واحد من عيال ابو عبدالله
العنود : و الحين عرفتي وش تبغين بعد ؟؟؟
شهد : تصدقين لايقين على بعض ( و ضمت العنود ) الله يجمعكم بالحلال
العنود وهي تضمها بحراره : امين
شهد شافت الدفتر : وش ذا
العنود : مالتس خص ويلا اطلعي ابي انام
شهد : اذا ما علمتيني الحين بعرف بعدين يقول لتس خبر اليوم بفلوس بكره ببلاش
العنود : اعرفتس ملقوفه تحبين تنبشين
شهد : ههههههههههه يلا تصبحين على خير
العنود : تلاقين الخير

في بيت ابو عبدالله في غرفه البنات .. :
غيم : ريما احس سعود دفع كثير بروح اعطيه فلوس و تعرفين انه من راتبه الي من ابوي و هو ما يوكل قطو ذا الراتب !
ريما : اي والله روحي عطيه مسكين و ابوي ما يعطيهم واجد ليه يعني وهم يكرفون ليل نهار !!
غيم : بقوم اعطيه و بكتب رساله
سوت ظرف من ورق و كتبت (( الله يخليك لنا يا اطلق اخ وهذي قليله في حقك و سامحني على القصور و اكتشفت اني انا الوحيده الي اطفرك )) و حطت قلب

دخلت غرفه العيال و حطته جمب فراش سعود وراحت تنام ..
و انتهى يومهم الطويل الي مليان احداث ..

و في الصباح و كالعاده يقومون يصلون :
سعود قام وشاف الورقه الي روقته على الصبح قام غسل و جهه و توضى و راح لغيم الي شافها تغسل وجهها
سعود : حلالي حلالتس
غيم : وش تتكلم عنه ؟
سعود : الظرف ما قصرتي وهذا لتس خليه لتس
غيم : تراني حلفت فيه ما يرجع لي و ما تقول حلالي حلالك خلاص خذها
سعود : اسمعي خليها معتس واذا بنروح البقاله باخذها اتفقنا ؟
غيم : يا رجال ترى المبلغ قليل مره خذه و بس
سعود : ماني ماخذه و مستحيل خلينا على اتفاقنا
ريما : وجيهكم مفقعه و تقولون كلام حلو ؟ باقي فيروز،،، الا وين وليد ؟
غيم : مشكلتس ما تشوفين وجهتس تقل ضب ذبحه الحر
وليد جاء : ههههههههههههههههههههههههههههه
ريما : انت هنا وانا ادورك خذ غترتك
سعود : من غير نفس تكويها ههههههههههههههههه
ريما : صح واتمنى مره ثانيه تخدمون انفسكم 🙏🏻
ابو عبدالله : يا ولدددددد وينكممممممم !!
سعود : يلا يلا
نزلوا بسرعه يلحقون على الصلاه
في طريقهم للمسجد :
عمر : يبه بنروح الحلال الحين ؟
ابو عبدالله : ايه وبعد الصلاه نحرك
وليد : يبه يعني ما بنفطر
ابو عبدالله : انت بس تبي تبلع ؟؟؟
وليد : ما عندي شيء و الاكل اساس الحياه
ابو عبدالله : امش امش يا ابو اساس اسس حياتك بالاول
راحوا المسجد و صلوا و حركوا على طول للحلال