ولي في حُبها حياه

"البارت الثالث عشر" ..✨

"البارت الثالث عشر" ..✨

في بيت ابو صابر ..

سعود : عمي ابوي يبي يزوجني وانت اكثر واحد تعرف مع مين قلبي ترضى اخذ بنت الناس و في قلبي وحده غيرها ؟ ترضى اني اعيشها عيشه ما تليق فيها وانا ما عندي لا وظيفه ولا سياره ولا حتى سكن ؟
ابو صابر : لا بالله ما يرضيني .. من هي ذي البنت ؟
سعود بتردد : بنتك يا عم والله ما بها قصور و اجوديه ونعم من رباها ونعم فيها و في من يناسبها بس اكيد ما راح ترضى اني اتزوج بنتك مستحيل صح ؟ مستحيل اتزوجها و قلبي مع وحده ثانيه
ابو صابر : اهخخ يا مقبل مستحيل يرتاح الا و يزوجك اجل و انا عمك بندور خطه و ازهلها
سعود بصوت يرجف : تكفى يا عمي لا تزعل مني بس والله لو ما في قلبي احد كان انا الي بخطبها من غير ما يقول لي ابوي اخبر بنتك يا عم سنعه و ترفع الراس بس مستحيل اخذها و اظلمها معي كافي اني ظالم نفسي بذا الحب
ابو صابر : انت جيت عندي وابشر بالسعد مالك الا الي يرضيك و يطيب خاطرك انت اهدا الحين و ابشر بالسعد
سعود قام باس راسه و حضنه و جلس يبكي بحرقه من ابوه : يا عم الله يسعدك و ينور دربك لو انقذتني من الحفره الي انا فيها
ابو صابر : افا يا وليدي افا تبكي وانا موجود بعدين قلت لك مالك الا الي يسرك
قام سعود عشان يطلع سحبه ابو صابر لصدره و قال : لا يا وليدي انت بحسبه ولدي صابر الله يغفر له لا تروح الحين انت الحين عقلك مو معك و  نام عندي ذي الليله عشان ابوك يهدا و تهدا الامور و بكره اروح له انا وانت و بقول لك وش نسوي بس الي عليك تنفذ الي اقول لك بالحرف الواحد
سعود : ابشر بالي تبي
ابو صابر : نبغى نتغدا انا وانت الحين
سعود : كثر خيرك و خيرك سابق والله ما اشتهي
ابو صابر : افا تجي بيتي ولا اكرمك لا والله
سعود : عساك على القوه يا عم
ابو صابر : وياك وياك
سعود : عم وش بتسوي مع ابوي
ابو صابر : من اصبح افلح بكره بتشوف وش اسوي
تغدوا مع بعض و سولفوا .
..........••..............

في بيت ابو عبدالله ..••..
ام عبدالله الي ما تدري يكون قلبها مع سعود ولا مع ريما
ام عبدالله : غيوم قومي دقي على عمر خلينا نتطمن على ريما
غيم : ابشري
دقت غيم المره الاولى ولا رد و دقت المره الثانيه ورد
عمر : سمي ؟
غيم : عمررررررر كيف ر ؟ ............
ام عبدالله سحبت الجوال : الو عمر امي كيف ريما تكفى طمني عنها.
عمر : معليتس يا يمه ما فيه شيء
ام عبدالله : كيف ما فيه شيء وهي تنزف دم تكفى لا تقول لي صار لها شيء
عمر : بسم الله عليها لا لا غرزو لها ٧ غرز و ان شاء الله تطيب
ام عبدالله : وش هي الغرز ؟
سميره : خاله هذي غرز خيوط عشان يخيطون الراس
ام عبدالله : يعني هي بخير ؟
عمر : ايه ايه
ام عبدالله : الله يطمنك الله يحفظكم يا امي
عمر : وياتس وانتي لا عاد تفكرين كلنا بخير اذا انتي بخير والله يحفظتس يا حلوه اللبن
ام عبدالله : استودعتكم الله
عمر : الله يحفظتس

وفي الحوش
سالم : سم وذا احلى شاهي
ابو عبدالله : لا تكلمني واذلف
سالم : افا يبه
ابو عبدالله بستهزاء بكلام سالم : افااا يبه !! يعني مسوي انك مو مسوي شيء ؟ هاه
سالم : يبه نغزت شيطان
ابو عبدالله : والله محد شيطان غيرك
حصه : و ابوي صادق حرام عليك تطقها تدري انها غرزت ٧ غرز بسببك ؟
ابو عبدالله : جعلها بعيونه
سالم : والله اسف يبه واعتذر
ابو عبدالله : اعتذرت مني صح ؟
سالم : ايوه
ابو عبدالله : و اعتذر من ريما رضيت ولا ما رضيت
سالم : ابشر بطيبه الخاطر
عبدالله : هذا العشم
دخل عمر الي كان ماسك ريما و حاط يدها على كتفه
وليد : سلام عليكم
الكل : وعليكم السلام
ابو عبدالله : تعالي تعالي يا بوتس تعالي هنا جنبي
ريما باست راسه : جعلك ذخر
ام عبدالله : ارحبي ارحبي يا عويني انتي الله يحرستس
ريما باست راس امها : جعلس سالمه يا ام عبدالله
سالم : اعتذر منتس يا ريما و حقتس علي
ريما ما ردت عليه من القهر الي فيها ..
سالم : تبين تقبلين الاعتذار ولا اذلفي
غيم : لا والله شين و قوي عين !!!
ابو عبدالله : ابشر بطيبه الخاطر اجل الله يسود وجهك قم انقلع
عمر : لا اصيدهههه ذا
وليد : ذي المره ما بمسكك يحق لك وزود
عمر : والله لو يدري سعود لـ يدفنه
وليد : اي والله .