ولي في حُبها حياه

"البارت الخامس و العشرون" ..✨

"البارت الخامس و العشرون" ..✨
.
.

وبعد اسبوعين ..
في بيت ابو صالح ......
ابو صالح : اليوم تجهزي يا العنود بيجي سعود و ابوه و اخوانه
العنود : ابشر ،،، و الحماس مو شايلهاا
راح ابو صالح يجهز للخطوبه
ام صالح : العنود والله لو ما ترفضينه انا مو امتس ولا انتي بنتي سامعه !!
العنود : يمه انتي تمزحين صح ؟ .. مستحيل ارفضه يمه وش فيتس ما تبيني افرح !!!
ام صالح : سمعتي ولا لا !!
العنود : و السبب
ام صالح : ما احب امه
العنود : اي بس انا بتزوج سعود مو امه !!!!!!!!!!!!!!!!
ام صالح : بس بتعيشين معها وانا ما ابي امه هذي اكرهها كره ما ابلعها ولا اطيقها ولو تاخذينه والله لـ اتبرى منتس
العنود : يمه تونا خارجين من المشكله ذي و تدخلينا في مشكله ثانيه حرام عليتس يمه
ام صالح : قلت لتس وانتي بكيفتس على قص رقبتي ما تاخذينه
العنود : يمهههههههههههههههه تكفيييييين ما ابي اخسرتس ولا اخسر سعود انتي شايفه و صار فيه و فيني اخر مره وهي بس خطبه فكيف عاد لو رفضته حرام يمه ترفضين ثنين يبون بعض
ام صالح : حرمت عليتس عيشتتس تبيني ولا تخسريني و قاعده تعاندين !!!!!
العنود : يمه تكفيييين اسمعيني
ام صالح : اخر كلام عندي
راحت العنود و كانت مليانه يأس وقلت حيله

سعود: يبه بخطبها اليوم قد كلمت عمي سعيد
ابو عبدالله : تم
عبدالله : يا الخسيس طلعت تحب ولا تعلمني !!!
عمر : ترى انا ما دريت الا قريب
وليد : انا بالصدفه
سعود : هههههههههههههههههههههههههههه
دخل سعود و انسدح على ركبه امه و قال : بخطبها يمه و الحين
ام عبدالله : الحين وراك ما قلت لي انك تحبها !!!
سعود : والله يمه كانت ظروف
ضربته ام عبدالله على يده خفيف : ظروف هاه !!
سعود : ههههههههههههههههههههه
غيم : انا ادري و من زمان انك تحبها ترى كان كل شيء واضح
سعود : فضولتس ذا بيكشف كل ستار
غيم : 😭😭هههههههه
ساره : اخر واحد توقعت انه يحب انت منت هين !! وبعدين تكتم ذا الحب ١٦ سنه خاف ربككككك !!
غيم : لحظه انتي وش جابتس !!!
ساره : توني جايه ولا وش ما تبيني اجي
غيم : الا بس ما توقعنا بذي السرعه تجين
ريما دخلت : وهذا ثوبك و جهزناه يلا يمه تجهزي عشان تروحون تخطبون له
سعود قام : بروح البس و بعد المغرب نحرك
غيم وهي تغمز : يلا يلا يا عريس
سعود : ما امدا هههههههههههههههههههههههههههه

وفي المغرب راحوا لبيت ابو صالح
ابو صالح : الساعه المباركة
سعود : ساعتك ابرك
مملك : كتبنا بس باقي موافقه البنت
العنود من ورى الباب و امها معها وكانت تضربها على كتفها و تقول : قولي مو موافقه
العنود : لا يمه لا مستحيل انطقهاااا
المملك : هاه يا بنيتي !
العنود بصوت يرجف : اءءءءء
ام صالح : انطقي
العنود ما قدرت تنطق الكلمه من ثقلها على لسانها
المملك : يمكن مستحيه اخوها ولا ابوها قوموا اسألوها
ابو صالح : البنت موافقه
المملك : لازم تروح لها
ابو صالح : قوم يا صالح
صالح : ابشر
راح لها و قعدت تبكي من ورى الباب
صالح : العنود موافقه !
ام صالح : لا
العنود : الا يمه الا مواف.........،
ام صالح : قول انها مو موافقه وان قلت كلام غير ذا والله لا انت ولدي ولا انا امككك تسمع !!!! المره داخل نبي نقعد معاها النشبه ذي
صالح : بس يمه
ام صالح : تسمعععع !!!!!!
صالح وهو ما يدري وش يسوي
ام صالح : والله لـ اتبرى منك الليله ان ما قلت الكلام ذا
صالح : بس الرجال جو واحنا اعطيناهم كلمه ..
ام صالح : اعطوهم ذي المره رفض
صالح كان محتار راح لـ ابوه : يبه روح لها
ابو صالح راح لها وشافها تبكي
ام صالح : اقنعها توافق و عيت
ابو صالح : انتي صادقه يا العنود يعني مو موافقه !!! و الرجال الي جو ؟!؟
العنود تشاهق ولا قدرت ترد
ام صالح : فضحتنا !!
ابو صالح : بروح اتصرف ..
وفي نفس الوقت ام عبدالله كانت سامعه كل شيء من بداية السالفه الى ان راح ابو صالح وقلبها يتقطع على العنود و سعود و السبب هي كانت مقهوره مره و من القهر قالت ( استودعناكم الله ) اخذت شنطتها وركبت السياره الي كان فيها وليد
وليد : هاه كيف
ام عبدالله : استودعت الله على اخوك
وليد : ليه وش صار ؟؟؟
ام عبدالله : رفضته
وليد :كييييفففففف تلعب عليه ذي !!!!!!!!!!!!!!!!!!
ام عبدالله : هذا العلم وانا امك
وعند الرجال ...
ابو عبدالله : كثر خيركم ( و حط الفنجال و قال ) يلا يا سعود
سعود كان في حاله صدمه و ما توقعها بس طلع بكل هدوء ولا تكلم ولا صارخ ولا عاتب ولا قال اي شيء
ركبوا السياره وهو مبلم و متجمد من الصدمه
ام عبدالله : معليه معليه يا ولدي عادي عادي تلقى الازين و الاحسن ان شاء الله
سعود : وش فيكم عادي
ابو عبدالله : من الحين طلعها من راسك سامع
ووصلوا البيت