ولي في حُبها حياه

" بارت الثاني عشر " ..✨

" بارت الثاني عشر " ..✨
.
.

و في اليوم الثاني
ابو عبدالله : سعود ترى لقيت لك بنت الحلال
سعود : هاه لا يبه تكفى قول شيء ثاني الا زواج خلك بزواج عمر بعدين زواجي انفدا خشمك
ابو عبدالله : اقول اسمع
سعود كان منزل راسه و كله يأس
ابو عبدالله كمل كلامه : اقول بتخطب بنت ابو صابر خلود
سعود قام بغضب : يبه انا ما ابيها ا تظلم بنت الناس و تظلمني معها بعدين ما عندي وظيفه ولا سكن ولا شيء كيف اعيشها ؟؟؟؟
ابو عبدالله بحده : انت تسمع الكلام ولا اسمعك مره ثانيه كلامي ما ينعاد و بتتزوجها غصب عليك رضيت ولا ما رضيت كلمتي هي الي بتمشي
سعود : يبه تكفى سو فيني اي شيء الا زواج تكفى يا يبه انا والله ما اقدر اخذها ولا لي القدره
ابو عبدالله كان بيزوج سعود بعد ما سمع كلامه امس في الليل مع عمر .....
ابو عبدالله : انا ما بعيد كلامي و ان راددتني زياده والله لاخطبها الحين الحين انت سامع بتخطب بنت ابو صابر يعني بتخطبها !!! 
سعود : يبه ما يصلح تغصبني على الزواج
ابو عبدالله : جعل راسك يتصلح رضيت ولا ما رضيت
سعود : بس يبه شيء مو انا راضي فيه المفروض ما تسويه
ابو عبدالله : و من طلب رضاك ؟ انا قلت وانت نفذ
وليد : يبه سعود مو آله و ...
ابو عبدالله بمقاطعه : ان ما سكت الحين والله لـ اخلي العصايه تلعب على ظهرك .
سعود : يبه انت خذيت راي سوير طيب خذ رايي ؟
ابو عبدالله : ورايك عندي
سعود مسك شفته بغضب و يحاول يتمالك نفسه
قام ابو عبدالله يغسل يده بعد الفطور ..
سالم : ليش مكبرها ؟؟ اقصاه زواج وانتوا لا تقوون شوكته على ابوي ابوي الامر الناهي
سعود بصراخ و بآهات بكى : ان ما ذلفت عن وجهي يا سالم والله العظيم ما تسلم اليوم
عمر : اكرمنا بسكوتك عندك كلمه زينه قلها ما عندك فكنا من شرك
وليد : جاك الثاني
عبدالله : مو كل شيء يجي بالغصب و اذا جاء بالغصب نهايه الزواج هذا طلاق !
سالم : اذا يبغى رضا ابوه ياخذها عشان خاطره
عبدالله : و من قال لك ان الزواج على الخاطر هذي مسؤولية يبي لك بيت و سياره و مصاريف و وظيفه و سعود ولا شيء عنده !
عمر : دامه عشان خاطر ابوي انت اخطبها
سالم : لا تقلب علي الموضوع !!
عمر : عشان خاطر ابوي ولا ؟؟؟ اشوفك غيرت كلامك يوم جت عليك ؟؟
سعود الي عيونه امتلت دموع : اووفففف محد حااااس محدددد حااااس اخذ روحه الي مو معه وراح غرفته .. قام وهو يحس الدنيا مو شايلته ابد وكل خطوه من من الخطى يحسها ثقيله

جاء ابو عبدالله بعد ما غسل يده ..
عبدالله : يبه لا تزوجه دامه مو برضاه و بعدين ......
رفع يده ابو عبدالله على وجه عبدالله : انا اقول ما فيه نقاش انا حددت وهو يستعد
عمر : بس يبه لازم ............
ابو عبدالله بمقاطعه : لا تزيد كلام ولا شيء قوموا الحقوني الحلال
وليد : و سعود ؟؟؟
ابو عبدالله : لا اشوف وجهه وان شفته يروح الحين يخطب معي
وليد : يبه ليش امورك بستعجال دايم ؟؟
ابو عبدالله ضرب وليد بالعصا على ظهره : اسمع الكلام ولا اخطب لك انت بعد ؟؟
عمر يأشر لوليد يعني اسكت
عبدالله الي يحاول في ابوه : الزواج يا يبه مسؤليه
ابو عبدالله : قسم بالله لو ما تقفلون الموضوع اني لـ اكفر فيكم وهذا اخر كلام عندي ان زدتوا والله لاخطبها له اليوم و بياخذها يعني بياخذها ،، و يلا تاخرنا على الحلال فيه واحد شراي لها .. وانت يا عمر روح جب كل الاغراض الي اخواتك و امك جهزوها و الحقنا بالسياره الثانيه و ياويلك تبطي