ولي في حُبها حياه

" البارت الحادي عشر " ..✨

" البارت الحادي عشر " ..✨

رجعوا البيت و ام عبدالله استقبلت غيم بالاحضان
ام عبدالله : عيدي اسمعي الكلام !
غيم : توووووبهههههه
ريما : الحمدالله على السلامه غيومي
غيم : الله يسلمتس
حصه شافت الكيس بيد سعود
حصه : سعود هاته هاته
سعود مد لها الكيس و قال : هاتس
ابو عبدالله : اقوووووللللل ارميها العلاجات عندييي انا
حصه بضحك : ابشر (( ناظرت في عمر و كملت )) نفس الي خبري خبرك ؟ ههههه
عمر : نفسها نفسها ههههههههههههههههههههههههه
عبدالله : ما فيه تحديث جديد هههههههههههههههه
ريما : انسى ينزل التحديث
وليد : النت معلق هههههههههههههههههههههههههه
الكل : فطس و يضحكون : هههههههههههههههههههه

دخلوا البنات داخل وجلسوا في الصاله
حصه : عادتس بتعاندين ؟
غيم : لا والله عشان عيون جعفوري بس
حصه : جعل جعفر يتزوجتس
غيم : لا عاد تكفين الا ذي الدعوه
حصه : اجل اعقلي
سميره : هذا درس لتس
غيم : حلق في اذني ما انساه
سميره : اي كفووووو

عند الرجال ... :
ابو عبدالله يصوّت لغيم : غيم تعالي
غيم : لبيههه جايه
جت غيم وهي لابسه شيله امها من البرد
ابو عبدالله : خذي ذي المرقه و قرص و ان شاء الله تتشافين
غيم : طيب شيل الشحم منه
ابو عبدالله : اقول تبين تطيبين ذا العلاج ما تبين خليتس
عبدالله يغمز لها عشان ما يعصب ابو عبدالله ..
غيم : لا والله ابي العافيه
شربته غيم غصب لان لو ما شربته ابوها بياخذها شراع و مجداف و شربته وهي ودها تصيح تكره ريحه اللحم و الشحم .. دخلت غيم وهي تحاول انه ما يجيها غثيان

و في الصاله :
ريما : تعالوا تعالوا سوير تدق
الكل جاء بفرح و يسلمون عليها
ام عبدالله : كيفتس وكيف رجلتس
ساره : بخير دامتس بخير ، يمه مره طيب و حنون و ما يرفض لي طلب و اهم شيء رضاي عنده و حبيته
حصه : خفيفه وانا اختس
ساره : ههههههههههههه جاب راسي وش اسوي بعد
غيم : امحق عصافير حب يع ،، بسببه رحتي مننا
ام عبدالله طقتها : ازين منتس يا ام لسان
ريما : حتى وهي تعبانه لسانها طويل
ساره : هههههههه غيوم وش فيه صوتس متغير ؟
غيم : كنت تعبانها والحين بخير
ساره : استودعتس الله يا عيوني يا غيوم الله يحفظتس
غيم الي ذابت بسرعه من دعوات ساره : وااااهههه يا زين الدعاوي السنعه مو نفس ام جعفوري
حصه : انتي بتتوبين عن اسم جعفوري ولا تبين ارجعتس المستشفى
غيم : لا ترجعيني ولا ارجعتس اتوووببب
سميره : اسكتوا خلونا نسمع سوير
ساره : الا انتوا بشروني عنكم كيفكم و كيف اخواني و ابوي ؟
ام عبدالله : بخير يوم شفت اتصالتس
ساره : يا جعلتس بالجنه يا يمه يا زين كلامتس والله اشتقت لكم
ام عبدالله : احنا اكثر و لتس وحشة والله

دخل عمر
عمر : يمه ابيتس بكلمه راس
غيم : اوف الكلمه صار لها راس ؟ وش هي من راس ؟ وش عندك
ريما بضحك و لقافه : اهخخخخخخخخخخ يا غيم ، الا انت عمر ايش عندك ؟
عمر : وش دخلكم يا ملاقيف ؟
ريما : الله وكلمه الراس عاد مو لازم اعرف
ام عبدالله : انتوا وش فيكم ؟؟ ،، ( التفتت على عمر ) هاه امي سم
عمر : تعالي المقلط
ام عبدالله : ابشر ابشر
راحوا المقلط و ام عبدالله جلسه فوق المركا و عمر جلس عند رجولها و ماسك ركبتها و يطالع في عيونها
عمر : يمه انا اتخذت قرار
ام عبدالله : و وش هو ؟
عمر بتردد : ب ب بتزوج
ام عبدالله بفرحه : يوم السعد و الهناء الي اشوفك معرس (( و بغت تزغرط ))
عمر و هو يضحك : لحظه يمه
ام عبدالله : و من هي الي بتفوز بالشيخ ؟
عمر : ذي المره ما بخلي قلبي يختار اختاري انتي و اعرف انتي بتختارين ازين وحده لي
ام عبدالله : شوف امي بنات الحمايل واجد بس عندي وحده و عيني عليها من زمان
عمر : دندني ؟
ام عبدالله : ليلى بنت ابو سعد
عمر بفرحه : تدرين انها كانت ببالي هي الوحيده بس كنت خايف يكون اختياري زي هيله
ام عبدالله : عمر بقول لك اذا لك خاطر في هيله لا تاخذ ليلى ورجع هيله تاخذ البنت عشان تنسى هيله لا والله هي بحسبة بنتي ولا ارضى ابداً انك تلعب ببنت الناس وانا اعرفك رجال و ما بنخاف عليك و تخاف الله
عمر : معصي مستحيل مستحيل ارجعها بعد ما كسرتني و ما ابي انكسر مرتين وليه ما فيه احد مصدقني والله هيله شلعت قلبي من يوم طلعت من ذا البيت بس قلبي الي شلعته عندها ولا له رجعه عندي
ام عبدالله : مصدقتك والله مصدقتك بس اقول لك
عمر : و الصدق بيني و بينتس شفت ليلى في زواج سوير و ولدتس من وقتها لعله ضيع قلبه للمره الثانيه ..
ام عبدالله : اوففف يعني الشوفه الشرعيه شفتها ؟
عمر يضحك : والله بالغلط ..
ام عبدالله ضحكت : اجل دام لك خاطر فيها نقول مبروك ؟
عمر : مبروك ؟ مبروك مبروك
ام عبدالله : بقول لك نصيحه انسى الماضي و عيش في الحاضر الجديد
عمر : ناسيه من اول 
ام عبدالله : خلني ازغرط الحين
عمر وهو مبتسم : يحق لتس يا ام عبدالله هاتي وحده
و بدت تزغرط ام عبدالله و تحضن عمر و تقول : الفففف مبرووكككك يوم الهناء اشوفك معرررسسسس
عمر : بقول لابوي و اشوف رايه
ام عبدالله : يلا يلا