ولي في حُبها حياه

"البارت السادس و العشرون" ..✨

"البارت السادس و العشرون" ..✨
.
.

وعند العنود .. بدت تكتب و دموعها غطت على الكتاب و تبكي و تحس قلبها يتهشم

انا اعز انسانه حدتني على اختيارين
وانا ابيك ما ابي اخسرك و لا يوم انساك

عقلي مع امي الي علي والله ما تهون
و قلبي يا سعود الي معك و متعلق فيك

قلبي يحترق وانت فيه وهم يقولون
موافقه تروحون لدربه و معه يسريك ؟؟

وانا ادعس على قلبي وقلبي يّون ونين
وانا والله خايفه على قلبك الي بيدي دعسته لك

وبدت تبكي و توّن ونين قوي و تصارخ ..

وفي الحوش عند ابو عبدالله .. جمع العيال و كالعاده بس يبيهم معه و يتقهون و يجلسون ،
ابو عبدالله : اسمع يا سعود انت امسحها من راسك نهائي ولا تفكر اصلاً فيها
سعود ما رد و اكتفى بهز راسه
و كملوا الجلسه في الحوش و سعود ابداً مو معهم و يحس انه مغدور من كل الجهات و المصيبه الاكبر انه ما يقدر ينساها من حُبها الي استوطن قلبه ولا يقدر يبعدها عن باله و يفكر في حل يرضيه

عند البنات
حصه : تهقون سعود يتجاوز حاجز حُبه ؟
غيم : انا احس لا لانه واضح انه يحبها من قلب يقول عمر انه يكتب عنها شعر و خواطر و كل شيء و بنا مستقبله معها
ساره : الله يعينه الصراحه .
ريما الي كانت تطل من طاقه الصاله : تعالوا شوفوا كيف سرحان وهادي واضح انه تعبان يا حبيبي يا سعود مسكين والله ما يستاهل الي يصير له ابد
قاموا البنات على الطاقه و يشوفون سعود ..
حصه : الله يفكه من ذا الحب الي اتعبه
ساره : والله يكسر الخاطر اول مره اشوفه كذا

و بعد مرور شهر من الحادثه .... من بعد التعب و الحزن و الشوق و الحنين الي اتعب سعود و العنود

دخلت ام صالح على العنود
ام صالح : العنود قومي سوينا الغداء تعالي كلي معنا
العنود : مالي نفس و ما ابي
ام صالح : وش الي مالي نفس اقول قومي شوفي بشرتتس كيف صارت وشوفي جسمتس كيف نحف و وجهتس كيف صار قومي كلي لتس لقمه
العنود : وليه مو الي فيه انا بسببتس ؟؟؟؟ ولا مين الي حرمني من الحلال !!! ولا مين الي خلاني اشوف الدنيا مظلمه في وجهي !! ومن الي كسر قلبي و حطم روحي و هشمها!! ولا مين طفى نور الحياه ، و مين الي خلاني اشوف الحياه اسود و ابيض بدل الورديه ؟؟ ليه وكل هذا على سبب حرام اذكره و حرام يطلع من ام كبيره و عاشت في هذي الدنيا سنين طويله حرام والله حرام ..
ام صالح حست من بعد كلامها بتانيب ضمير و توه يصحى ضميرها الميت ضميرها الي خلاها تدعس على قلب بنتها غصب عن كل شيء وكيف انها قدرت تحطم زهره في العمر هذا
راحت لبنتها وضمتها و تحس انها تضم هيكل عظمي من نحفها
ام صالح : يمه سامحيني تكفين ما كنت بعقلي
العنود : على وش بالضبط ؟ عن قلبي ولا عني ولا عن سعود ولا عن.......
ام صالح : تكفين خلاص تكفين
ابو صالح : منيره وينتس
ام صالح : جايه جايه
طلعت من الغرفه و توها تفكر كيف انها هدمت قلب شخصين يبون بعض بالحلال