ولي في حُبها حياه

" البارت العاشر " ..✨

" البارت العاشر " ..✨
.
.
.
رجع سعود البيت وهو طاير من الفرحه شافه عمر
عمر : لا تقول سويتها !!
سعود : تخيل تحبني تحبني
عمر : احلفففففففف وش دراك ؟
سعود حكى له وش صاير
عمر : انتبه من ذي السوالف
سعود : اول مره
عمر بعقلانيه : (( مره الاولى تجر المره الثانيه والمره الثانيه تجر المره الي بعدها والمره الوحده تجر بعدها مرات )) انتبه اخر و اول مره تسويها الحرام ما نبيه ! ما ترضاها على خواتي لا ترضاها لبنات الناس ولا عاد تكلمها هي مو محرم لك ولا انت محرم لها ..
سعود : اكيد اكيد انا حلفت لها اخر مره تكلمني واخر مره اكلمها و نشوف بعض بالحلال .. الحمدالله بعد عنى ١٦ سنه عرفت الاجابه و اخيراً
عمر : هذا العشم يا سعود كفو وانا اخوك ولو اني زعلت من الحركة بس توعدني انها اخر مره
سعود : اي اي اكيدددد
دخل سالم : و من هي الي تكلمها ؟
سعود بإرتباك : مين يعني جارتنا ام علي اخذ صحون امي
سالم : متاكد ؟ ولا عندك سوالف الـ......
سعود بنفخه و مقاطعه لكلامه بغضب : تحقيق هو ؟ اقول ضف وجهك وطلع سعود بخوف

وفي المشب ... :

ابو عبدالله : سعود تعال
جاء سعود وهو خايف ان سالم علم عليه : سم ؟
ابو عبدالله : ابيك تروح معي السوق زواج اختك الاثنين ذا عبدالله بياخذها للسوق هي و امها وخواتها واحنا و اخوانك بنروح نجهز مع ابو جابر و علم اخوانك وانا مع سالم انتظركم في السياره
سعود : ابشر ،، قام سعود و قال لـ وليد و عمر و ركبوا السياره مع ابوهم يجهزون لزواج الرجال ...

و في السوق عند البنات ... :
سميره : تحس ذا حلو ؟ لتوته
عبدالله : ايه زين حلو و عزيز علي بدور له ثوب سنع
سميره : يلا
غيم : يمه ذا زين ؟
ام عبدالله : وش ذا مهرج انتي ؟ لا مو بزين انا بدور لتس
غيم : والله حلو بس مدري وش فيتس
ساره : بالله ذا زين ؟
غيم : ايه
ريما : يمه يمه لقيت لي واحد يطيح الطير من السماء هذا حلو صح ؟
غيم : وعععععععع هذا حتى غنم ابوي ما بتطيح اذا شافتتس لابسته بتقرا المعوذات
ام عبدالله : وغيم صادقه وش ذا ؟
ريما : خلاص يلا ندور ولو انه عاجبني
حصه : يمه سوووفيييي هذا لسيوووووففف
غيم : قصدتس جعفوري
حصه : اصصصصص وجعععععع
غيم : وانا صادقه
ريما : بطنيييييي اخخخهخخخخ يا غيم 😭😭😭

و كملوا يتسوقون ...

عند العيال ... :

سعود : يبه وش رايك في ذي الدلال ؟
ابو عبدالله : ايوه حلوههه حطها
سالم : لا يبه ما هي بزينه
عمر : والله انها زينه ولا عشان سعود قالها ؟
سالم : ومن كلمك انت ؟
وليد سحب عمر عشان ما تقب بينهم و يصرف : عمر وش رايك في ذي الفناجيل احسها تجمل
عمر و ضغطه مليييون و يسلك : ايه ايه كويسه

و تقضوا العيال و خلصوا ...
رجعت ساره وهي فرحانه مره و تحس ان الارض مو شايلتها ابداً

جاء اليوم الموعد ( زواج جابر و ساره ) بعد تجهيزات طويله
حظرت عايله ابو صالح و دخلوا العنود و شهد و ام صالح
حصه : يمهه يمههه هذي العنود ؟ زادت حلاوه ما شاء الله تهبللل تهبللللل يووهه اذكر كانت صغيره و حتى جميله يومها صغيره و زاد احلوت اكثر و اكثر !
شهقت ريما : يا جمالها ماشاء الله عليها مزيونه
غيم : وانا اقول ليش طاير فيها
حصه : ومن هو ؟
غيم : ولا شيء بروح اوزع ( وراحت توزع الحلى للمعازيم )
ريما و اخواتها كانوا يرقصون و مبسوطين