"البارت الثامن" ..✨
في الصبح
ابو عبدالله : عمر و وليد روحوا وجيبو من السطح المراكي و المخاد و العزبه الثانيه بيجيني اليوم ولد ابو جابر يقول يبينا في موضوع و ابو صابر بيجي والظهر بيروحون
وليد و عمر : ابشر
طلعوا السطح عمر شاف الدفتر وفتح اول صفحه و مكتوب
( سعود ) خباها قبل ينتبه وليد نزلوا الاغراض راح عمر للحمام شاف الورقه الي عليها القلم و الكتابات حقت سعود و الحرف وفهم ان سعود عاشق و يحب
جو الضيوف و عمر بس يخز سعود و سعود يسوي بيده زي الي يقول ( مجنون ) و عمر يضحك
دخل ابو صابر شافه سعود و صد وكمل صب للباقين
ابو صابر : كيفك يا سعود ؟
سعود التفت : بخير يا عم ( على ان سعود يكره ابو صابر ولا يواطنه بس ما يوضح وله احترامه مهما كان )
ابو صابر : ان شاء الله بزوجك بنتي
سعود بانزعاج : لا ما افكر بالزواج
ضحك ابو صابر وهو يعرف انه يحب العنود من حركاته وهو صغير
سعود جلس جمب عمر : يعني لازم ينكدني في ذا الصبح اففففف
عمر : ليه وش فيك معصب بس يمزح
سعود : ولا شيء بس اكره طاري الزواج
عمر : ايييييهههه ( و بدا يتاكد انه صدق يحب )
جابر : جيتك يا عم وانا اطلب القرب منكم و اطلب يد كريمتكم ( ساره ) عمر وعبدالله انصدموا
سعود وهو يدق يد وليد : وليد ما تحس ان سوير صغيره ؟
وليد : وانت صادق !
سكتوا و سمعوا ابوهم الي قال : الشرف لنا و موافقين انا موافق بس الباقي على ساره
جابر : على خير ان شاء الله
ابو جابر : و بينا اتصال
عبدالله انصدم من ابوه وانه بياخذ الموافقه من ساره بس قال زين الحمدالله
راحوا اخوان ساره لساره و قالوا الموضوع ساره استحت ونزلت راسها
سالم : السكوت علامه الرضا بقول لابوي
وليد : اقول اهجد و اركد على كيفك ؟ اكيد بتستحي وش مثلاً تعصب ؟
عبدالله : اسكتوا هاه سوير وش رايتس والله الرجال ما يتفوت يشتغل وهو عسكري وراتبه زين و في مدينه حلوه و صدق رجال رجال و بإذن الله بيصونتس ،، وان وافقتي نقول يوم الهنى و الف مبروك وان ما وافقتي الراي الاول و الاخير لتس ...
ساره : عادي اطلب طلب و توافقون ؟
اخوانها : ما بين ابشري بالسعد ، امري ، عيوننا لتس
ساره : الله يخليكم لي هذا زواج وانتوا تعرفون بس ابي اخذ لي اقل شيء يومين افكر و استخير
عمر : اكيد خذي راحتس من غير ما تقولين لنا
سعود : لوتبين اسبوع قدام حلالس
وليد : الراي الاول و الاخير لتس
سالم : وشوله يومين نقول لتس ما يتفوت ليش تطولينها
عبدالله : اووووووووففف سالم ترى من حقها وش تبي انت ؟
سعود : بعدين تعال انت الي بتتزوج ولا هي ؟
عمر وهو يحاول يمسك نفسه من سالم الي وده يعطيه بكس بأقوى ما عنده من زمان : اعوذ بالله من الشيطان الرجيم الله يقلعك يا ابليس
وليد بمزح : لااا تكفىىى لا تتعوذ سالم بيطير
ناظر فيه سالم بحده
وليد : وانا صادق لا تناظر !
راحوا العيال لـ ابو جابر و قالوا تبي تفكر
راحوا الضيوف بعد ما صلوا الظهر
في المطبخ :
أنت تقرأ
ولي في حُبها حياه
Randomتعريف بسيط لـ الروايه 🫶🏻 الروايه هي : عباره عن حياه بدويه نوعاً ما تدور الاحداث بين حب و معاناه ، و بين حياه قديمه لكنها في عصر حديث ، و مشاكل عائليه ، و العايله متمسكه بعاداتها و تقاليدها و تدور احداث كثيره و مشوقه في الروايه ،، الروايه من وحي ال...
