ولي في حُبها حياه

"البارت السادس عشر" ..✨

"البارت السادس عشر" ..✨
.
.
و بعد تجهيزات
جاء زواج ( ليلى و عمر ) كان عمر متوتر
سعود : ترى مو اول زواج لك وش ذا القلق
عمر : لا ياخي احس اني خايف من الحياه الجديده
سعود : لا تخاف ولا ترتبك ابد كل شيء بيتيسر
دخل وليد : يلا الرجال جو
طلعوا وليد و سعود و عمر و استقبلوا الرجال

في بيت ابو حمد عند ( رسيل )
كانت تتجهز عشان تروح الزواج دق تلفون البيت ردت رسيل : هلا
هدى : رسيلي بجيتس
رسيل : اسفه هدى بس بروح زواج
هدى : زواج في الديره ولا ادري ؟
رسيل : مدري عنتس بس زواج عمر بن مقبل
هدى بصدمه : وشوووو !! طليق اختيييييي ؟؟؟؟
رسيل : ايه !
هدى : مع السلامه مع السلامه ( و قفلت حتى قبل ما تقول رسيل شيء )

ركضت هدى عند هيله
هدى بصراخ : هيله هيلهههههههه
هيله : خيرررر ؟؟؟
هدى : ليته خير ليتتتت
هيله : ليه وش صاير
هدى بتأتأه : اليوم اليوم
هيله : اليوم وش ؟؟؟
هدى : زواج عمر
هيله : وشوووووو !!!
هدى : الي سمعتي
هيله بحسره و بكى : كيف تزوج كييييفففففف !!!
هدى : علمي من علمتس
جت ام هيله على صراخهم الي مالي الحي
ام هيله : وش صاير وش ذا الصراخ بسم الله ؟؟؟
هيله : يمهههه يمههه عمر تزوج
ام هيله : الله يوفقه
هيله : وش اللي الله يوفقه !!
ام هيله : والله عمر كان نعمه بس انتي من انانيتس كسرتي قلبه ورفستي النعمه و حجتس كنتي تبينه لتس و تبعدينه عن اهله !!
هيله : تزيدينها علي يمه ؟؟؟
ام هيله : وانا صادقه عند ربي كان يموت في اسمتس و طاريتس و انتي الي ما قدرتي النعمه و رفستيها و بعدين مستحيل يقعد طول العمر يستناتس
هيله وهي تبكي : حسبته بيرجعني طيب هو يحبني !!
ام هيله : "كان" يحبتس كان و الحين راح والله يعوضتس بواحد ازين منه مع انه ما ظني فيه ازين من عمر ...

{{ في الزواج }}
كان الكل مبسوط لعمر وليد يصب القهوه و فهد و هادي فرحانين لولد عمهم
فهد : عقبالك يا سعود
سعود : ان شاء الله قال بينه و بين نفسه (( اهخخخخ يا العنود الكل ينتظر ذا الزواج ))
هادي : ابو عبدالعزيز
عبدالله : سم
هادي : ليش ما خليتوا الحفل كبير عمر يستاهل
عبدالله : والله يستاهل بس تعرف تو اخو ابو العروس ميت و حب يكون ابو سعد الزواج محفوف و مختصر
هادي : الله يوفقه
عبدالله : اجمعين

كملوا العرس بزفه عمر لـ ليلى
عمر بتوتر : مبروك
ليلى بخجل : الله يبارك فيك .
و في السياره
ابو سعد : انتبه لها يا وليدي و حطها بعيونك
عمر : بعيوني يا عم ولا تخاف عليها
و مشوا
عمر : ليلى وش رايتس نريّح اليوم في فندق في المدينه و بكره نمشي
ليلى و بالقوه تنطق : على هواك
عمر : اجل تم ..
عمر كان مرتبك مره وارتباكه كان واضح عليه من مسكته لدركسون ورجله الي ترجف كان عمر عالق بذكريات الماضي و يحس انه بيكرر غلطة هيله مع ليلى كان خايف و حس ان الموضوع جاء سريع سريع

وفي بيت ابو عبدالله
غيم تبكي : يعني ما بيرجع ؟؟؟
ساره : الا بيرجع اكيد
سعود : بيرجع بس يعني عشان امي ما بكت تبكين انتي
ريما : واو انت تقول ما بكت صارت تبكي بدون دموع كلها راحت لسوير الله يسامحتس كان بقيتي لـ عمر شوي
ساره : ههههههههههههه
ام عبدالله : والله انا نشفت دموعي
وليد : بسم الله عليكم
ساره : تصدقون وحشتوني مرههه
ريما : والله احنااا اكثثثرررر
غيم : ما يتقارن في شوقنا يا سوير
جت حصه بحلطمه : اووف يمه شوفي حفيدتس ذا مو راضي ينام
غيم : غني له نام يا جعفوري نام يا جعفوري صدقيني بينام اذا ما نام ما اكون انا بنت مقبل و اخت سعود
حصه : اص لا اخليتس انتي الي تنومينه
غيم : بصقع راس جعفوري ذا
حصه : اقول الا ولدي
ريما : غييممممممم عشق مناقراتس مع ام جعفر
حصه التفتت على ريما : وانتي بعد ؟؟؟
ام عبدالله : الا وش فيه ؟؟؟
حصه : مدري يصيح
غيم : ما غنت له عطيتها الوصفه بس ما طبقتها
فصخت حصه نعالها و رمتها على غيم : اوريتس يا....
وليد : راس المفك
حصه : صح عليك
سعود : هههههههههههههههههههههههههههههههههه
قطع نقاشهم صوت سيف الي كان يصيح
حصه : يلا يمه
غيم : روحي جعفوري ينتظر الاغنيه هههههههه
ام عبدالله : بس يا غيم ،،،،، وانتي تعالي معي
راحت حصه و ام عبدالله و قبل يدخلون
غيم : يا من شرا له من حلاله عله
وليد : هههههههههه كل ما زانت الجلسه صاح
ريما : اي والله هههههههههههههههه
حصه : ترى اسمعكم
غيم : امشوا امشوا قبل تهجم علينا
وليد : ههههههههههههههههههههه
حصه : خليني اخلص من سيف و اجيتس يا ام لسان
غيم : انا في وجهك يا وليد اذا ذبحتني تصدق عني
وليد وهو يضحك : لا توصين
و بعد تعب طوييييل ناموا