ولي في حُبها حياه

"البارت الخامس" ..✨

"البارت الخامس" ..✨
.
.
.

جاء الليل و وليد ما جاء
ام عبدالله كانت مره خايفه على وليد : يمه سعود روح دور اخوك لا اخذ جوال ولا شيء
سعود : ابشري ننتظر شوي اذا ما جاء نطلع انا و اخواني ندور
ام عبدالله : وش يصبرني انتظر تكفى يمه روح دور عليه
سعود : لا تقولين تكفى ابشري بالي يرضيتس
ام عبدالله : الله يبارك فيك
جاء اتصال سعود من راعي البقاله
سعود : يمه ذا راعي البقاله ؟
ام عبدالله : رد يمكن شاف وليد
سعود : ابشري ،، الو هلا بابو ؟
وليد : بابو ايش انا وليد
سعود : وليد ارحب عذبت قلب امي وينك ؟
وليد : جعله بعمري عنها بس على الاقل اهرب مو تشوفني وانا مذبوح
سعود : وانت صادق
ام عبدالله : اشوف هات الجوال سحبت الجوال وهي تقول : وليد امي وينك يا امي خوفتني عليك يلا ارجع البيت !
وليد : جعله بروحي يمه بس والله كنت بموت اليوم
ام عبدالله : بسم الله عليك يا روح امك انت يلا عود
وليد : ماني براجع الى ان ابوي ينام اذا نام بجي
ام عبدالله : زين ابوك بينام الحين
وليد : خلاص اذا نام دقوا على بابو انا عنده
ام عبدالله : زين زين
وليد : يمه طلبتس طلبه تروحين تنامين انتي من الصبح قايمه
ام عبدالله : ابشر استودعتك الله
طلعت ام عبدالله و ابو عبدالله و ناموا

سعود : الو بابو عطني وليد
وليد : كم مره اقول لك انا وليد
سعود : هههههههههههههههههههه ما علينا هيّا تعال
وليد : اسمع سعود دريشه ابوي عند الحوش و اكيد بيسمع الباب و بموتني
سعود : عندي تعال من الباب الخلفي
وليد : اجل تم الحين جاي
سعود : احتريك
قفل وليد الخط
وليد : شكراً بابو بكره انا يعطي انتا ٢٠ ريال
بابو : لا انت شيل انتا رجال كويس كثير
وليد : الله يسعدك لكن حقك و بيجيك
بابو : الله يرزق انتا يا رب
وليد : امين امين وياك يلا الله يحفظك
بابو : مع السلامه
طلع وليد من البقاله ومشى لبيتهم

ريما : سعود !تكلم مين
سعود : اكلم مين يعني !
ريما : لا بس ولا شيء .. بعدين دورت وليد ولا لقيته ولا شفته اليوم
سعود : بيجي الحين
ريما : ليه هو وين كان ؟
سعود قال لها السالفه
ريما : طيب افرض مثلاً ابوي يقوم !
سعود : يوه هذي شلون راحت عن بالي !! عاد لو يقوم ابوي بيودع وليد
ريما : اجل اسمع عندي خطه
سعود : وش هي يا ام الخطط الله يستر منتس
ريما  : اجل اذلف ما بقول لك
سعود : لا لا تعالي تعالي امزح معتس علامتس !
ريما : عشان وليد ولا انت ما تستاهل
سعود : هههههههههههههههه وش عندتس يا القصيره ؟
ريما : بدينا بالغلط ؟
سعود : اخلصي وليد بيجي وانتي باقي تتناقشين
ريما : انت تطلع فوق و تعطيني اشاره عشان اطلّع وليد وانا بحتريه هنا اتفقنا ؟
سعود : خطيره تم اذا صفقت مرتين طلعيه اذا تنحنحت لا تطلعينه
ريما : اتفقنا يلا اطلع فوق
سعود : لحظه ليه مو انتي الي تطلعين
ريما : ابوي لو يشوفن يدفنن على الاقل لو شافك قول كنت اسكر الدينامو
سعود : والله انتس ذكيه اجل تم
ريما : يلا اخلص