ولي في حُبها حياه

"البارت الثامن عشر"..✨

"البارت الثامن عشر"..✨
.
.
.

ام عبدالله : يلا روحوا غرفتكم ارتاحوا و غيم بتجيب لكم اغراضكم
راحوا عمر و ليلى لغرفتهم
غيم التفتت على امها : يعني ليش انا يمه ؟؟
ام عبدالله : بلا حتسي فاضي وروحي جيبيهم
غيم : لو اني مشتغله في شقق مفروشه ازين لي
ساره : الله يفشلتس و زين محد يسمعتس اسمه فندق
سميره : فندق فندق هههههههههههههههههههههههه
غيم : الي هو
راحت غيم و شاله اغراضهم و ودتها لهم

عند الرجال
ابو عبدالله : يلا يا عيال اذبحوا الذبيحه بمناسبه حمل ساره و ورجوع عمر و ليلى و اعزموا الي في الديره
و استهل المكان بفرح و بهجه
ذبحوا الذبيحه و محد جاء الا ابو صابر و ابو حمد و ابو سعد ..
و على صحن العشاء
سعود : عمر ؟ هاه كيف حالك معها
عمر : تصدق انها تحبني من يومنا صغار و كانت تدعي اني اكون من نصيبها ؟
سعود : احلففففف الله يديمكم يا رب و يجعلكم لبعض دهور
عمر : امين و يجمع الليل مع القمرا بالحلال
سعود : امين يا رب احلى دعوه على الخاطر
عمر : تعرف اني اعرف الليل كثيررر و ادعي الله كل ليله يجمعك بالقمرا
سعود : و يلوموني بعمر !!
عمر : يا حبيبي والله
جاء وليد
وليد : اسمعوا ابيكم اخر الليل في المشب
عمر : وش عندك ؟؟؟؟
وليد : بتشوف
سعود : وش ورانا خلنا نشوف وش عنده
عمر : وانت صادق ..

انتهت العزيمه بتعب و قبل ما يروحون ينامون
ليلى : ماله داعي ذي الكلافه يا خاله
ام عبدالله : ولو انتي زوجه الغالي
ليلى : الله يسعدكم
غيم : ليلى عمر يبيتس برى
ليلى : عن اذنكم
طلعت ليلى لعمر
سميره : يازينها احسها لطيفه
ام عبدالله : اي والله
سميره : شكل مكاني بياخذه احد غيري
ام عبدالله : ما فيه زيتس انتي بنيتي
سميره ابتسمت و حبت راسها

وفي الليل على وعد وليد و سعود و عمر
في غرفه ليلى و عمر
عمر : اءءء ليلى ابوي يبيني برى بروح له
ليلى : تالي الليل ؟
عمر : ايه اذا ارتفع عنده الضغط محد يسوي له غيري
ليلى : الله معك .

طلع عمر وهو مستانس كان ما يبي ليلى تدري انه بيقابل اخوانه و على طلعته شاف سعود الي كان نازل من الدرج
عمر : هيه هنا هنا
سعود : احسب اني تاخرت ،،
عمر : لا لا توني طالع
سعود : المدام تدري
عمر : لا قلت لها ابوي الضغط عنده مرتفع بروح اسوي له
سعود : هههههههه ابوك في سابع نومه
عمر : هههههههههههههههه
دخل وليد من باب الصاله
وليد : وجع انا انتظركم وانتوا تسولفون
عمر : اشششششش اقصر صوتك لا احد يسمعك هذانا جايين
سعود : يلا يلا
دخلوا المشب و قال عمر : وش عندك
وليد : بروح اجيب شيء و اجي
عمر : لا تبطي
وليد : طيب
راح وليد و جاب العود الي من زمان وده فيه بس ابوه مانعه واول ما دخل
سعود : الله يجنن من وين لك ؟؟؟
عمر : احسه حلو مرهه الله !
وليد : تذكرون الشراي الي يبي البل ؟
سعود : ايه ؟؟؟؟
وليد : سمع صوتي وانا قدام البل و اغني فقال حرام صوتك يروح كذا بعطيك عود ما احتاجه و خذه
سعود : طيب شوف يمكن عنده رشاش شيء ناخذه جنبيه اي شيء
عمر : لا كذا احنا بجيحين
سعود : اي والله 😭😭
عمر : طيب يا غبي ليه ما نطلع فوق ؟؟
وليد : والله انت الغبي اخاف لا جيت اطلعه معي ابوي يشوفه في يدي وش بيقول والله بيكسره على ظهري
عمر : اي صادق
سعود : يلا يلا غن و بنغني معك
وليد بدا يغني و يدندن بالعود و لعله مع الحماس شوي ارتفعت اصواتهم ابو عبدالله الي كان يسمع ازعاج فتح الطاقه و شاف لمبه المشب مفتوحه
: يا ملاعين الخّير .
نزل وهو معصب و فتح الباب و دخل المشب
وليد من الخرشه : تعال تعال
ابو عبدالله : ما شاء الله تبارك الله عليكم اغاني و عود و تالي الليل وش ذا و من وين لك ذا العود ؟؟؟؟؟؟؟
سعود و عمر كانوا متجمدين و ما يدرون وش يقولون
ابو عبدالله ضرب سعود و عمر بعصاته و هربوا اما وليد اخذ العود و كسره على ظهره : يا الحيوان اياني و اياك تاخذه مره ثانيه انت سامع يا السربوت
طلعوا فوق و عمر دخل الغرفه وهو يضحك
ليلى : هاه كيف عمي
عمر : ما قد نمتي لا لا بخير
ليلى : احتريك
عمر : يا بنت الحلال كان نمتي
ليلى : اجل تصبح على خير
عمر: وانتي من اهله
وتغطى و نام