ولي في حُبها حياه

"البارت السادس" .. ✨

"البارت السادس" .. ✨
.
.

في الصاله :
غيم : خلاص سعود ما ابي اروح
سعود : اقول بتروحين يعني بتروحين رضى سالم ولا لا ابوي اهم شيء
غيم : وعمر ؟
سعود : معليتس عندي
غيم : اكيد ؟
سعود : اكيد و يلا روحي اجهزي ،، ولا يعكر مزاجتس سويلم !
غيم ابتسمت : ابشر يلا يلا

راحت غيم لغرفتها ركض و بتطير من الفرحه ، جلست  تدور لها لبس
ريما : خفي علينا وين رايحه ؟
غيم : عند رسيل
ساره : كل ذا الحماس عشان رسيل ؟
غيم : وش عليتس خليني متحمسه
ساره : اي زين بس اذا رجعتي المواعين تنتظرتس
غيم : يوهههه وحده منكن تنظفها بدالي
ساره : انا مالي شغل
( غيم التفت على ريما )
ريما : ليش تناظريني مالي شغل حتى انا
غيم : تكفين ريمووهه
ريما : ودي بس علي تنظيف عزبه ابوي
سميره : ولا يهمتس انا انظفهم يا غيوم
غيم : احلفيييي
سميره : اي والله روحي و انبسطي
غيم : الله لا يحرمني منتس ( التفتت على اخواتها ) و قالت : مالت عليكم
الكل : ههههههههههههههههههههههههههههههههههههههههههههههههه
سعود من تحت وهو ينادي غيم : غيم يلااااا
غيم : جيتكككككك
ركبوا السياره و توجهوا الى بيت رسيل
واول ما وصلوا ، سعود : هذانا وصلنا انتبهي لنفستس
غيم بحماس : ابشر

دخلت غيم و سلمت على رسيل وشافت هدى
غيم : رسيل وش جابها ؟
رسيل : اصبري لا تروحين افهمتس
غيم : انتي تعرفين وش بيني وبينها !!!!!
رسيل مسكت يد غيم : والله العظيم ما عزمتها هي جت مع عايشه
غيم : اي زين انا ........... وقبل ما تكمل جت هدى
(( هدى هي اخت طليقه "عمر" ))
هدى : هلا غيم كيفتس ؟
غيم : زينه قبل اشوف رقعه وجهتس النحس
هدى : هديها وش فيتس ، الا صدق عمر كيفه ؟؟ هههههههههههههه
اتسعت عيون غيم بغضب : ما دريتي ؟ خطبنا له بنت اصل و فصل صاروخ ارض جو مزيونه من كثر ما عمر يبيها ملكته هذي الشهررر من كثر ما يحبون بعض ينضرب في حبهم المثل
انصدمت هدى و اتسعت عيونها بصدمه : وهيله ؟
غيم بحده : الي ما يبينا ما نبيه !
(( عمر ما كان خاطب ولا شيء بس قالت كذا عشان تقهر هدى ))
راحت غيم عند رسيل ، غيم : عزيمه هدوه موجوده فيها لا تعزميني ولا تفكرين اصلاً ( و طلعت بعصبيه )
رسيل : غيوم تكفين
ريماس : يوه الجلسه بتخرب بدون غيم

ركبت غيم السياره مع سعود
سعود : علامتس نسيتي شيء ؟ ( التفت لها وشافها تبكي ؟ )
سعود : يمه بسم الله عليتس وش فيتس ؟
غيم : رجعني البيت
سعود : ماني متحرك لين تقولين لي
غيم حكت له السالفه
سعود : يجعلها بالماحي زين الي سويتيه وليش تبكين ؟
غيم : انقهرت على عمر من حر ما فيني بكيت عمر ما يستاهل كلبه مثل هيله
سعود : انتي اهدي و روقي و ماني مارجعتس البيت الحين بعد العشاء عشان ما يشكون
غيم : تمام
سعود نّزل غيم البقاله و راحوا لجبل و كانت الليله قمرا و الاجواء حلوه حيل
وسولفوا وانبسطوا ...

عند عمر و وليد و عبدالله ...
عبدالله : يا خوي هد مو بزينه العصبيه
عمر : عبدالله والله معد لي اي قدر اتحمل اكثر و بعدين انا قدني كبير ابوي يطقني عشان سالم الي هو سبب مشاكلنا كلها
وليد : الله يلوم الي يلومك زين سويت فيه
عبدالله : انت اسكت انا اهدي فيه وانت تشيشه اكثر !
وليد : وانا صادق ..
عمر : اهخخ والله لو مو هو اخوي كان ضربته و رديت كف ابوي فيه ، بس الي قاهرني ليش ابوي ضربني و سالم ساس البلى
عبدالله : لا لا صل على النبي و اذكر الله وابوي اكيد ما طقك الا يبي ينهي النقاش
عمر : اللهم صلي وسلم عليه ،، بس النقاشات ما تنتهي بطق الكف !! و بعد ماني غلطان !
عبدالله : بس يا عمر يضل ابوك ..
عمر : اهخخخخ بس اهخخخ والله ليت اني طلعت حرتي فيه اهخخخ بس ليه ابوي اعطاني كف هذي الي قاهرني و قدام الكل و ماني غلطان !!
عبدالله : المهم امنعنا من سالم ولا عاد تسولف معه هو راعي مشاكل و ما صدق يجي بينك و بين ابوي شيء
عمر : حسبي الله عليه نكد عيشتي !!
وليد : اقول سكروا الموضوع وش رايكم نروح مطعم كذا حد ابوي ما دق ولا شيء ؟
عبدالله : فكره حلوه تم ،، بس ما عندنا مطاعم الا بخاري و بوفيه و ما عندي الا ٢٠ ريال
عمر : وانا ١٥
وليد : ولا هلله
عمر : هههههههههههههه اجل مالك شيء
وليد : انا الي اقترحت
عبدالله : ابشر يعني عندنا ٣٥ ريال تجيب ٦ كبده زياده جبن كل واحد اثنين
عمر : كلها نعمه مشينا
وليد : الحلم بخاري على الفحم الواقع كبده زياده جبن
عبدالله و عمر : هههههههههههههههههههههههههههههههههههههههه
وليد : مشينا