ولي في حُبها حياه

"البارت الثالث" ..✨

" البارت الثالث " ..✨

وفي المستشفى عند حصه الي طلعت من العمليات و كل منبسط و خايف في نفس الوقت
خالد بخوف : بشري يا دكتوره شلون ولدي و زوجتي ؟
الدكتوره : ابشركم جالكم ولد صحيح متعافي و زوجتك بخير الحمدالله
ريما : و دم ؟
الدكتوره : لا معليكم هذا كان نزيف بسيط والحمدالله ما اثر
خالد و الكل : الحمدالله الحمدالله
الكل فرحان ساره تحضن امها و سالم يسلم على خالد
ريما : الله بصير خاله للمره الاولى
و خالد يشكر الله و فرحان و عبدالله بيطير من الفرحه
ابو عبدالله: الف مبروك ياخالد يتربى بعزكم
خالد : يبارك فيك يا عم بروح ابشر امي

عبدالله يدق على سميره : سميره حبيبتي
سميره : الو عبدالله طمني كيفك وينك ما ترد لا علي ولا على اخوانك !
عبدالله : ههههههههههههه يا حبيبتي انتي الله يخليتس لي بس اسمعي .........
سميره : لا اسمع ولا شيء طمني عليك خوفتني !
عبدالله : يا حبيبتي انتي لا تخافين ما فيني الا العافيه
سميره : سم وش كنت بتقول ؟
عبدالله : ابشرتس جاء لنا ولد روحي و علمي الكل وتعالوا مستشفى الوطني للولاده
سميره : الف الف مبروك
عبدالله : الله يبارك فيتس ، ولا تبطون
سميره : ابشر الحين اعلمهم
عبدالله : في حفظ الله انتبهي لنفستس وعيالي
سميره : ابشر وانتبه لنفسك مع السلامه
عبدالله : مع السلامه

سميره : غيوم غيوم
غيم : وهي نازله يمه وش فيتس !
سميره : غيم علمي اخوانتس حصه ولدت بالسلامه ،انا بروح اجهز عزيز و تمارا و اسوي شيء لحصه
غيم : الله تكفين يلا يلا الحين اعلمهم

راحت غيم غرفه اخوانها وهي تطق الباب : وليد سعود افتحوا افتحوا
وليد و سعود : وش فيتس
غيم : حصه ولدت و الحين بنمشي للمستشفى تو عبود مكلم سميره
سعود : الله مبروك يلا يلا مشينا
وليد : يلا يلا

سعود في السياره و يدق بوري :
غيم : ياخي اصبر تسوي اكل لحصه
سعود : والله اني متشقق من الفرحه
غيم : طيب وش ذنب سميره تدق بوري عشان تفرح ؟
وليد : هذا تعبير عن الفرحه
غيم : ايه ايه زين
سميره : سلام عليكم
الكل وعليكم السلام
سميره : اعتذر اخرتكم لكن كنت البس توته نعالها وانتوا بالكرامه
سعود : شدعوه ياخيتي
غيم : ترى يدق بوري يعبر عن الفرحه
سميره : اشوى خفت
غيم : اي سعودي خلنا ناخذ حلاوه من البقاله
سعود : ابشري وهو مبتسم
وليد : وش حلاوه نبي باقه ورد
غيم : هيه تراك في الديره تبي ورد روح اقرب دوار و اقطف
سعود : وهي صادقه
وليد : خلاص مر على اي بقاله ناخذ اي شيء و نحرك
سعود : وش اسم المستشفى ؟
سميره : مستشفى الوطني للولاده
سعود : اوهه يبعد حوالي ٢٠ كيلو مدري اكثر
وليد : اهم شيء نروح يلا اسرع
سعود : توكلنا على الله

وصلوا وسلموا على حصه و الطفل
ساره : الا يا خالد و حصه وش بتسمونه ؟
خالد : الراي راي امه
حصه : يعني اختار عادي ؟
خالد : لو تبين عيوني تفداس
حصه : الله يخليك لي
خالد : ويخليتس لي
حصه : اولا محشومين يا يبه و يمه و الباقين بس بختار مين يسميه !
ابو عبدالله : خذي راحتس الولد ولدتس
ام عبدالله : بالعكس يا بنيتي من حقس
الكل : من حقتس
حصه : ابي الي يسميه غيوم
انصدمت غيم : تهرجين صدز ؟
حصه : اكيد مو هذي امنيتس!
غيم : الا الله يخليتس لي احبتس يا حصيص و ضمتها
حصه : عيوني انتي احبتس اكثر والله
سعود : من قدتس يا غيم هاه وش بتسمينه ؟
غيم بس تبي تقيس النبض : لو انه بنت سميتها ( العنود )
انصدم سعود مره بس سكت كملت غيم : بس بسميه ( سيف )
غيم حطت عيونها بعيون سعود و حست وجهه مقلوب
عبدالله : يجنن والله لتس ذوق
وليد : اقعد يا الاسم
ريما : منتي بهينه !
سالم : انتي من جدتس تعطين البزر تسميه !
غيم : هاه وش فيني يعني
سالم : بزر
غيم : يا ما بزارين عندهم عقول احسن من الكبار
سالم : وش قصدتس ؟
غيم : تعرف وش اقصد ، تدرون غيروا اسمه .
ام عبدالله : لا ما نغيره و غيم تستاهل وانت لا تهرج القرار قرار حصه و خالد
حصه : هاه وش رايك يا ابو سيوف ؟
خالد : موافق و يقول لتس الاسم له نصيب لصاحبه