ولي في حُبها حياه

"البارت التاسع عشر" ..✨

"البارت التاسع عشر" ..✨
.
.

ليلى حست انه صادق و حست انها قاعده ترجعه لها و القلب يرجع ينبض لها و تحس انه من قلب قاعد يتكلم
عمر : والله العظيم اني لو احبها ما تزوجتس صح صار لنا اسبوعين بس غيرتي نظرتي للحياه و خليتيني اشوفها بشكل حلو  وكنت ادعي بالعوض الي يجبر خاطري وانتي العوض الي دعيت فيه
ليلى ضمت عمر : الله يخليك لي وانا مصدقتك و اسفه الله لا يحرمني منك
عمر الي ما صدق انها صدقته : ولا منتس
ليلى : انت اهدى الحين و بعدين نطلع
عمر : ان شاء الله ..

|||||••|||||

رجعت هيله للبيت وهي تبكي
هدى : رحتي له صح ! وش انا اقول لتس ليش تذلين نفستس
هيله : تزيدينها علي ؟؟ احبه وش اسوي !!
جت ام هيله : يا ربي فضحتيني وشلون احط عيني بعينها و بعيونهم كلهم سودتي وجهيييي !!!
هيله وهي ترفع راسها و كلها دموع : مو انا يمه مو انا !
ام هيله : اجل مين ؟؟؟؟ هاه مين ؟؟
هيله : قلبي يمه قلبي ما اقدر ما تخيل انه مع وحده غيري
ام هيله : مر على طلاقكم ٦ سنوات توس تذكرين و توس تحبينه !!!! وش الي صحى ضميرتس و بعدين مو انتي ما تحبين اهله مو انتي الي على كل ما صار شيء قلتي طلقني مو انتي الي سببتي مشاكل له ومع اهله بسببتس ؟؟؟؟ و مو انتي ......
هيله : بس يمه بس خلاص انا مو قادره انساه
ام هيله : هو تخطى هذا الحب الي حبتس فيه وهو عايش حياته الحين و عيشي حياتس وانسيه
هيله : صعب ! صعب يمه صعب !!!
ام هيله : انسيه و عيشي حياتس وتمني له حياه سعيده و حلوه
هيله : وانا ابغى حياته السعيده معي يمه هو كان يحبني وكيف نسى الحب ذا ؟؟؟؟
ام هيله و كـ اي ام تحن على بنتها ، جلست تضم هيله الي تحس بنتها مكسوره نفس ما كسرت عمر و كانت هذي دعوته
هيله : محد ضيعني غير حُبه
ام هيله : (( تذكري ان الحب يا يمه وفاء و اكتفاء مو جرح و كسر و مقفا !! ))
هيله : طيب خلصنا مني !!! و قلبي ؟؟
ام هيله : احتفظي فيه لنفستس و حب عمر ارميه برى و افتحي صفحه جديده مع نفستس
قامت هيله من حضن امها وراحت الغرفه وهي تبكي ..

وفي العصر:
رجع عمر من الحلال وهو منهك
جات غيم : هلا والله بالامير بسم الله عليك وش فيه وجهك شاحب ؟؟
عمر : ولا شيء شوفي لي طريق
غيم : لا قول
عمر بنرفزه و نفخه : غيوم شوفي لي طريق اقول لتس
غيم : هذي جزاتي ابي اتطمن عليك ، بس ابشر
دخلت غيم تشوف له الطريق
رجعت غيم لعمر وهي تقول : ادخل ادخل
عمر دخل و راح لغرفته

دخلت غيم الصاله :
غيم : ليلى عمر وجهه شاحب مره و مو عاجبني روحي شوفيه عيِّا يقول لي وش فيه
ليلى : يمه قلبي بسم الله ( ركضت له وهي خايفه دخلت ) : عمر بسم الله عليك وش فيك ؟؟
عمر : لا ولا شيء بس تعب خفيف
ليلى : بروح انادي واحد من اخوانك يوديك المستشفى وجهك ما هو بزين و مصفر !
عمر : يا بنت الحلال ماله داعي بس تعب خفيف
ليلى : انا اقول بتروح اذا رجعوا بقول لهم و بسوي لك شربه تشربها
عمر بستلطاف لخوفها عليه قال بحنيه : الله يخليتس لي
ليلى : و يخليك لي ( ابتسمت و طلعت تسوي شربه )