إقتحام من الماضي

البارت الثاني 🍁

بقلم الكاتبة 𝒅𝒐𝒂𝒂 𝒉𝒂𝒔𝒔𝒂𝒏 𖤍
..
ياقوت ماعرف شكد مر وقت كعدت واني دايخه وجسمي مخدر كوه رفعت راسي اني وين صار شكد نايمه هنا يا لله شنو هل مكان درت وجهي تلفتت لزوايا مكان عباره عن غرفه بيها غراض وضلمه  واكو شباك صغير يجي منه ضوه من بره ريحه لمكان مطيبه (وخمه) ردت اتحرك نتبهت عله نفسي مربطة ايدية ورجلية بحبال والحبال مربوطه بسامير ب الحايط عزا اني وين خوف قلق الف فكره خطرت بالي بروده حسيتها بجسمي وصلت لراسي شعري مفتوح جنطتي موبايلي ماكووو اريد اسيطر ع نفسي راسي يفتر صحت بصوت مبحوح
: اكو احد هناا؟؟! ساعدوني،
اني وين يا لله رجعت صحت
: اكو احد هناا!! سمعت صوت حركه بره عليت صوتي اكثر منووو هنا وين اني منو انتو!!
ختفت لحركه وهدوء مو طبيعي اووف يا ربي ساعدني ارفع ب جسمي واتقرب ع زاويه داشوف من الشباك الوكت ليل سمعت حركه من الغراض لي كدامي اباوع بس ميبين شي شهل حاله ياربي اني وين!! ؟
//بيت ام عصام عند نادين
ساعه  9:40 pm
نادين :تقو مشايفه موبايلي مدالكا
تقى اخت نادين صغيره العمر 16:لا عمري شوفي خاف عله المكتبه
نادين: دورت ماكو ☹️
تقى تحجي وترتب بملازمها :دوري عدل نادين كل مره تكولين هيج وبعدين طلعين مخليته بمكان قريب وكدامج
نادين: مادري والله مادري بس جنت ادرس واجت بالي ياقوت كلت اخابرها بس مدالكا
تقى :حتصل عليه
نادين: يي
تقى: ديدك شوفي خاف عله سرير
نادين: ماكو لج
تقى: هيو خاف ناسيته صامت
نادين: ها يي ذكرت اني اخر مره فتحته خليته صامت بجنطه
تقى :هنيالي شوفي جنطتج قبل لتتخبلينن
نادين: هاي بيدي اي لكيته يسلمو
تقى: من يومج متيهة روحج شحجي هسه
نادين: لتحجين شي لج باعي هاي رند متصله عليه ب 17 مره وابن خالها  متصل اربع مرات وامها هم عزا 
تقى: خيررر شكوو
نادين: مادري حتصل عله ياقوت
تقى: ي تصلي بله
...... ان الرقم المطلوب مغلق حاليا يرجى المعاوده لاحقا
نادين: لج يطلع مغلق!
تقى: شنو رقمها مغلق
نادين:  حتصل مره ثانيه عليها 
.... ان الرقم المطلوب مغلق حاليا يرجى المعاوده لاحقا
نادين :شسالفه هاي ولا يوم سدت جهازها هيج وليش اهلها داكين عليه اوكفي حخابر عله رند
رند... :الوووو نادين وينج يمعوده شكد دكينه عليج
نادين :حبي ناسيه جهازي بجنطه صامت مادري بي شكو شبيج شبي صوتج
رند :نادددين اختي ماااكَو
نادين بصدمه :شنو ماكو شتحجين انتي لتخبليني
رند :والله ماكو مرجعت لبيت وخابرنه عليج لان هيه تطلع وياج دائما
نادين :لا رند ليوم مطلعنه سوه وصلتني لخطي وكالت من ارجع نحجي
رند: يعني مشفتيها صعدت بسياره الخط
نادين: لا والله لان طلعت قبلها لج مخابرتو ع سايق
رند :خابرنه وماكو هو هم خطه مغلق
نادين: عزا بعيني وين راحت
رند :مااادري مااادري يللاا اجه خالي حشوفه
نادين: ماشي حبي طمنيني اي شي يصير وياج ان شاء الله ترجع
رند ان شاء الله
//بيت ياقوت
احمد :ام ياقوت ماكو ابو عماد رحناله للبيت وملكينا
ايناس: يمه بنيتي راحت لعد وكامت تبجي وتلطم
رند وهيه يمها :يمه لدكولين هيج ان شاء لله ترجع
علي وهو يحاول يهدي ب عمته
:عمه صلي عل نبي وين تروح ان شاء الله ترجع
ايناس: وينها لعد يا يمه وين راحت مدكولي لا هيه ولا السايق
احمد :ام علي كولي يا لله انشالله نلكاها لسوين بروحج هيج موزين
للحضات ودك موبايل احمد
: لحظه لحظه سكتوو هذا ابو عماد يتصل
الووو
ابو عماد :الوو ابو كمال اني ابو عماد رجعت لبيت وكالتلي المره جاين عليه خير عمي كول
احمد :الخير يصيبك نتصل عليك ماكو مغلق جهازك اليوم شفت ياقوت رجعتها انت من الجامعه
ابو عماد :لا عمي ياقوت دزتلي رساله ب 12 ضهر وكالت عمو حرجع ويه صديقاتي لتنتضرني  لان  عدنه سفره وهنه يوصلني لتعب نفسك وخابرتها سدت جهاز بعد عفتها ليش شصاير؟؟؟!!
احمد : هاا مو لحد هسه مرجعت للبيت وضل بالنه عليها
ابو عماد: لا ليضل بالكم انشالله ترجع اي شي تحتاجو بلخدمه
احمد: انشالله ترجع اعذرنه دوخناك ويانه
ابو عماد: لا عمي شسالفه ياقوت مثل بنتي
احمد: الله يخليك يالله نترخص لعد
ابو عماد :الله يطمن بالكم الله وياك
ايناس :ها خويه بشر شكال ابو عماد
احمد: والله ياام ياقوت شكلج يكول دزتلي رساله ب 12ضهر وكالت حطلع ويه صديقاتي لتجيني ومخابرها سادة جهازها
ايناس: مكالتلي حتطلع ليوم ويه لبنات يا ربي رحمتك وين راحت بنتي
رند :خالو خابرتني نادين تكول كلنه طلعنه سوه ووصلتني لخط مالتي وكالت من ارجع لبيت اخابرج
احمد :شسالفه لعد زين خاف عدها غير صديقات غير هل بنيه
ايناس :لا يخوي ماعدها بس نادين مقربه عليها
رند :حشوف بنات قسمها عندي رقمهن ب سجل
ايناس: اي يمه شوفي

علي: اكلك خالي خلي ابو عماد يصورلنه رساله ويدزها
احمد : هو اني هم هيج افكر حرجع اخابره
الوو ابو عماد
ابو عماد: ها عمي كول
احمد: عمي بلا زحمه صورلنه لرساله لدزتها الك ياقوت
ابو عماد :اي هسه ادزها الك ع الواتساب
احمد: تسلم متقصر
للحضات ((مساء الخير عمو لتجي عليه اليوم لجامعه راح اطلع ويه صديقاتي عزمني ع الغده ومناك هنه يوصلني للبيت اخذ راحتك عمو)) 12:09pm)
علي :لا يربي وين راحت لعد
احمد :بقلق مادري والله هسه زاد خوفي عليها
رند :خالو خابرت شهد وعلياء لكيت رقمهن وكالن مطلعن سوه بس شافنها صعدت بسياره الخط وممتفقات ع عزيمه لان باجر عدهن متحان
احمد: ولكم لتخبلوني يا سياره صعدت بيها وابو عماد يكول ليوم موصلتها حسودن
علي: بويه  هدي حرجع اخابر عليها بلكت الله احصلها
..... ان الرقم الذي تطلبه مغلق حاليا يرجى وسد الخط
: خرب حكفر وينج ياقوت وينج
رند كامت تبجي وايناس نهارت
احمد: علي امشي نخبر الشرطه بلكت الله نلكاها
ايناس: اي خويه روح خبر خل يدورون عليها يمه بنيتي وين رحتي
علي: وهو يحضن عمته ويعتبرها مثل والدته لان هيه مربيته من جان صغير  يمه ابوس ايدج كافي موزين هيج سوين ان شالله نلكاها يلا بابه  نمشي باس راس عمته وطلع....

يتبع...
بارت جديد🥹❤️‍🔥 ورجعت من بعد غياب وتوقف اتمنى يعجبكم حابه اشوف أرائكم وتعليقاتكم عله البارت +شاركو لقصه لاصدقائكم وتفاعلو بيها 🥹🥹❤️‍🔥❤️‍🔥