إقتحام من الماضي

البارت الواحد والعشرون 🍁

by: 𝒅𝒐𝒂𝒂 𝒉𝒂𝒔𝒔𝒂𝒏 𖤍

2015/10/14
نفس اليوم 2:00pm
___
ايناس سديت الخط من بنتي اوف يا اللهي رحمتك بينا
احمد : ها طمنتي عليها
ايناس: اي يخوي طمنت
احمد : ابقي بالغرفه خاف يصير شي حطلع اشوف غسان
ايناس: جايه وياك ماكدر ابقه هيج
طلعنا  من الغرفه صوت غسان عالي ويحجي ويصيح شافنا وسد الخط وتجه عليه حتضني
غسان: مابيج شي مو
ايناس: لا عمري مابيه بس شصاير احجيلنا
غسان: تعالو اكعدو بالمطبخ هنا كزاز مطشر هواي
اتجهو لمطبخ سحبو كراسي وكعدو ايناس فتحت بطل المي وشربت
احمد : غسان ماعرفت منو سوه هيج وليش
غسان : هسه ارجعلكم بس اتاكد راحو حته اطمن علينا،
سحب سلاحه من خصره وطلع من المطبخ
فتح موبايله ورفعه
: نعم سيدي ننسحب هسه
غسان : اي عاشت ايدكم شمرو الامانه ونسحبو
امرك سيدي.

غسان  سد الموبايل ومشى بتجاه باب البيت نزل جسمة وسحب قطعه كلينس من جيبه  ورفع كيس من الارض اسود اللون  ابتسم ورجع يمشي بتجاه المطبخ دخل
احمد : ها غسان طمنا
غسان عقد حواجبه: راحو الجلاب بسياراتهم وخابرت على صديق الي بقوات خاصه راح يجي وجايب ويا دعم كامل بس( و حك جبينه بايده اليسار )
ايناس : بس شنو غسان
غسان : اريد تهدون لكيت هذا الكيس مشمور بالكاع بعتبه البيت راح افتحه ومهما يكون لي بي خليكم هادئين
احمد : ليش متنتضر القوات الامنيه احسن
غسان : ماكدر ابقه انتضرهم
سحب سجين من المطبخ وفتح الكيس  اول مافتحه بين شعر مقصوص
ايناس كامت تصرخ : هذا هذا شعر بنتيييي
احمد : اهدي ايناس خل نفتهم
وغسان لتلمسه بيدك انتضر البس كفوف التنضيف
غسان : ماشي
ترك الكيس على الطاوله وسحب الكفوف من المجر لبسهن وهو يحجي
: ايناس الله يخليج اهدي اله ادفعهم الثمن
فتح باقي الكيس و رفع ورقه مطبوكه
ايناس : شنو شنو هاي لورقه
غسان : هسه تبين فتحها عليها بقع دم
بخط طباعه واضح قرأها
( الامانه رجعت لاصحابها ومتكدر تسوي شي اترك البيت وسلم الفلوس البقت  والا ناخذ الثانيه هم وحتمال نقتلهم واحد واحد الك كدام عينك)
ايناس  : راحت بنتي يا الهي راحت بنتي تصرخ وتبجي
احمد : اهدي يا اختي لله يخليج اهدي
غسان ضرب طاوله وصرخ : كلاب حقراء اله ادفعهم الثمن اني يهدووني
احمد : غسان اهده ميصير تنهارون هيج
، رند سمعت اصوات عاليه وامي تصرخ نزلت اركض بتجاه المطبخ
اشوف امي تبجي على الطبله وبابا يصيح باوعت على طبله كدامهم  كيس مفتوح بي شعر لا لا مو لي بالي هذا قربت بخطوات ثكيله
وكفت يم بابا المس شعر
رند : هذا نفس لون شعر اختي
غسان : لا لا بنتي اهدي باعيلي
رند : لا انتو تكذبون اختي اختي مو هذا شعرها
غسان : وهو لازمها من ايدها رند عوفي بنتي باعيلي
رند : بابا شباوع بابا شوووف هاي شعرها يا ربي  شنو هاي نوب
شفت ورقه بيها دم رفعتها 
غسان : جيبيها عوفيها بنتي لتقرين
رند صرخت على بابا : عوفني لزمت الورقه بقوه وبتعدت مسافه
غسان : بنتي لسوين هيج
رند : بابا شنو دتحجي 
فتحتها بسرعه وقريت صرخت عليهم
: شنو شنو الامانه ردت لاصحابها اختي ويييين بابا
ايناس وهي تبجي  : بنتي اختج راحت بعد شيرجعها
احمد :  رند خالو  اهدي هسه نفهمج على كلشي
رند : شتفهموني خالو اختي وين شنو امانه ردت شنو هل حجيي ابجي واصيح
رجعت اقراها مره ثانيه سحبها بابا مني
غسان : كافي بنتي عوفيها
شمرها على طاوله ولزم وجهي :  بنتي باعيلي
اختج ارجعها يعني ارجعها هي بنتي الجبيره ماعدي غيركم بس اول شي لازم اامن على حياتكم واسفركم برا على المانيا
رند : شنو دتحجي بابا تريد نروح ونعوف ياقوت هنا
احمد : كلام  ابوج صحيح خالو هنا خطر عليكم كلكم
غسان : مو بس على اولادي ابو كمال الخطر عليك هم مامستعد اخسر واحد منكم
احمد : اني صعب اسافر غسان  بس اخذهم اول شي امن عليهم
غسان : موصح لازم كلنا نطلع سوه
ايناس : ماكدر شدتحجون انتو يا غسان ماكدر اعوف بنتي وحدها
غسان ترك رند وقرب من ايناس بصوت عالي : شوفي شمكتوب منتضره تنقتلون كدامي هذا تهديد صريح اليه،
ايناس واني شكو تصيح عليه ماكدر اعوف بنتي مخطوفه عندهم 
غسان : لا حول لله وسحب نفس حاول يهدا نفسه
: ياعمري اسمعيني  ماتحمل اذيتكم لو يصير عليكم شي كل لاريده منكم تهدون هسه
لازم نفكر بسلامتنا وسلامه ياقوت هم
ايناس : اوف يا غسان اوف
احمد : اختي كولي يا لله لي ديكوله غسان عين العقل هل شي لحمايتج وحمايه بنتج الثانيه فكري بيها
غسان : اي ابو كمال فهمها
رند : انتو تحجون عشره بشهر اني ماطلع من البلد بدون اختي
غسان بعصبيه : رند لتحجين هيج احترمي لاكبر منج إطلعين يعني طلعين
رند ماحجيت تركتهم وصعدت لغرفتي اركض
احمد : اهده على البنت ميصير تصيح عليها هي بحاله صدمه كلنا اعصابنه تعبانه
غسان : استغفر لله واتوب اليه
قاطعهم صوت جرس الباب
غسان : اجو اكيد القوات الخاصه رايح اشوفهم
احمد : اي شوفهم
طلع غسان بره
ايناس رفعت راسها من طبله تباوع على شعر بنتها : راحت بنتي ياخويه عمري ياقوت راحت
احمد : كولي يا لله صلي على النبي انشاء الله يكدر يرجعها غسان مثل ماكال
ايناس : مادري يا خويه
احمد : شوفي ايناس غسان واصل بدوله وعنده معارف هواي ولي سوو هيج مو غربه  اني وياج نعرف كلش زين منو همه وهو بنفسه يعرفهم راح يلكاهم ويرجعها صدكي بس لازم تسافرون وتحمون نفسكم
ايناس : بس شلون اسافر وعوف ياقوت هنا يا خويه صعبه كلبي محترك على بنتي الله يخليك افهمني
احمد : وهو يحضن اخته فاهمج فاهمج بس خلي بالج لي خاطفيها بيت جدها  مراح يأذون بنتهم صدكيني
ايناس : انت هيج كولتك
احمد : اي ومتاكد هم محد يأذي بنت من دمه ولحمه
ايناس : ان شالله كلامك صح ان شالله
غسان دخل باب المطبخ
: اتفضل ابو ولاء
ابو ولاء صديق  غسان بدور ( معاون رئيس قسم مكافحه الجرائم  بغداد):
: السلام عليكم
احمد ايناس : وعليكم السلام
غسان : اعرفكم صاحبي ابو ولاء معاون رئيس قسم المكافحه حجيتله عن الاحداث عنده علم بكلشي
ابو ولاء مشى بتجاه الطاوله
: هذا الكيس لي لكيته ابو ياقوت
غسان : اي هو
ابو ولاء لبس كف ورفع الورقه فتحها
: هذا تهديد صريح وقوي مالازم تستهانون بي يا ابو ياقوت لازم تاخذ العائله كلها لغير مكان
غسان : هو هم هيج دافكر اسفرهم بره
ابو ولاء : يكون افضل
احمد : قصدك حتى اني والاولاد اكو خطر علينا؟
ابو ولاء : اي طبعا انتو عايشين سوه واكيد مراقبيكم بشكل دقيق وعدهم معلومات كامله عنكم لازم تسافرون
احمد : خلي يجون الولد واحاجيهم بهل موضوع
ابو ولاء : يكون افضل تاخذون احتياطكم بهل خصوص وبالنسبه لهذا الكيس راح اخذه للمركز واحقق بالموضوع بنفسي وان شالله ارجعلكم بأخبار زينه
احمد : نشكر منك
غسان : تسلم ماقصرت من مكالمه اجيت
ابو ولاء : ولو واجبي هذا ابو ياقوت شهل حجي ربت على كتف غسان وطلع عند باب المطبخ صاح على احد الموجودين
ابو ولاء : اخذ هذا الكيس للمركز وخلي يفحصو واول متطلع نتائج خبرني
_امرك سيدي
اخذ الكيس ووضعه بكيس بلاستيكي اخر مع الورقه وطلع
ابو ولاء : الشباب خلصو واني راجع للقسم راح اترك حمايه سياره عند باب البيت
احمد : تسلم متقصر
غسان : خليني اوصلك للباب
ابو ولاء : واجبي هذا يلا بسلامه
احمد : لله وياك
طلعو هو وغسان عند الباب
غسان : عاشت ايدك ضلع
ابو ولاء : ولو دلل اهم شي الامور طيبه
غسان : اي كلشي لوز
ابو ولاء : صدك الرقم الي طلبته هذا
غسان اخذ منه الورقه : ماشي
ابو ولاء : بسلامه
غسان : لله وياك
احتفظ  بالورقه بجيبه ورجع دخل
ايناس : زين سويت من خابرت عليه
غسان سحب كرسي وكعد
: كتلج ماعوف الوضع
احمد : خلي اخابر على كمال وعلي اشوفهم وين
غسان : اني خابرت على كمال وكت صار الطلق
احمد : ايي شكالك
غسان : كال جاي بطريق وكتله لتجي خفت عليه ليصيرله شي
احمد زين تسوي خلي شوفهم وين
....

يتبع🍁
صباح الخير  شلونكم ان شالله تمام بارت جديد مليان احداث لتنسون المتابعه والنجمه وكومنتاتكم هل شي يسعدني ❤️‍🔥♥