إقتحام من الماضي

البارت الثاني والعشرون 🍁

_مساء الخير شلونكم يارب تكونون تمام طبعا هذي الايام كولش صعبه ومكدرت اتخطى الاحداث لي دتصير بغزه وفلسطين مكدرت انزل بارت القصه بيها واغض بصر عن كل الي ديصير وكتبت ايضا نصوص عنها راح انزلهم
ان شاءلله ببارتات جديده غير هذي لخاصه بالقصه ، واما بعد ف ادعو بالرحمه والغفران لشهداء غزه ولصبر والسلوان لمن فقدو احبتهم اطفالهم ذويهم في القصف المستمر وربي يحفظ الجميع ويفرج عنهم،
واما بعد نبلش البارت: متابعة شيقه لتنسون تفاعلكم على البارت ورأيكم بكومنت ومتابعه للحساب لطفا ✨♥

بقلم🖋:
_𝒅𝒐𝒂𝒂 𝒉𝒂𝒔𝒔𝒂𝒏 𖤍

~~~~~~~~~

___
حتفظ بالورقه بجيبه ورجع دخل
ايناس : زين سويت من خابرت عليه
غسان سحب كرسي وكعد
: كتلج ماعوف الوضع
احمد : خلي اخابر على كمال وعلي اشوفهم وين
غسان : اني خابرت على كمال وكت صار الطلق
احمد : ايي شكالك
غسان : كال جاي بطريق وكتله لتجي خفت عليه ليصيرله شي
احمد زين تسوي خلي شوفهم وين ..

//في كوفي..
علي : تتوقع هسة هدأ الوضع بالبيت
كمال : اكيد ماتصور يبقون يرمون لحد هسه شوف الساعه صارت ب 3:16
علي : لعد ليش محد تصل منهم يخوي اني ممرتاح
كمال وهو ديحجي قاطعه صوت الموبايل
: شوف هاي تصل الوالد خل نشوف شيكول بله
احمد : الوو كمال
كمال : اي ياب وياك طمنا ترا كلبنا نار على البيت خوما بيكم شي
احمد : لا ابني مابينا شي اطمن اجه ضابط من المكافحه هم يلا جيب اخوك وتعالو على البيت
كمال : زين طمنتنا علي موجود يمي راح نجي هسه
احمد : ماشي ابني
سد الخط منه
علي : ايي شيكول بابا
كمال : يكول مابيهم شي وجاي ضابط من مكافحه للبيت
علي : زين يعني عمو غسان ماجذب من كال يجيب قوات خاصه
كمال : ليش تكول هيج عن غسان
علي : مادري يخوي ماحس يسوي شي احنه فاير دمنا على ياقوت اكثر منه
كمال : لا مو صح هيج تكول شوف هي بنته الجبيره واكيد يفور دمه وينقهر بس يكتمها وميحجي وحتمال جبير ديصرف ويحاول يلكاها بس ميكوللنا شي
علي : هيج كولتك يعني
كمال : اكيد علي ما هي بنته ممعقوله ميسوي شي كوم يلا عوف سوالف بالي يمهم بقه
علي : يلا خل ادفع الحساب
كمال : عوف لحساب اني ادفعه اطلع كدامي
علي : ماشي ضلع
كمال دفع الحساب وطلع على سيارته شاف علي كاعد ومشغل السياره حرك كدامه وطلع كمال طلع ورا وصلو البيت علي نزل فتح باب الكراج ورجع دخل سيارته كمال دخل ورا نزلو من سياراتهم علي مشا بتجاه باب الكراج غلقه والتفت على البيت يمشي بتجاه كمال واثار الصدمه على وجهة
علي : لك كمال شوف الجام كله مطشري
كمال : جلاب امشي ندخل بالي على الوالد
مشو ثنينهم دخلو المطبخ
كمال : حمدلله على سلامتكم بويه
علي : حمدلله على سلامه
احمد : زين اجيتو ابني
غسان : الله يسلمكم تعالو كعدو
كمال سحب كرسي وكعد يم عمته
: عمه كولي يا لله موزين عليج تبجين هيج
ايناس : ابني هو شنو الزين الي ديصير ويانه متكولي
علي : عمه لتحجين هيج فدوه العينج اهدي
ايناس : ماعرف يا ابني شهده متكولولي بنتي راحت
غسان : لتكولين هيج كتلج ارجعها يعني ارجعها
علي : عمو غسان ياريت تفهمنا ليش صار هيج وشلون
غسان : السالفه مو هينه ولا اكدر بسهوله احجيها
كمال : كول عمي، شنو سالفه ليش صار الهجوم على البيت فهمنا
غسان : يريدون نطلع منا هذا الي صار
علي بعصبيه : ليش همه شعليهم بينا شنو نطلع منا فوك ماخطفو ياقوت يهدوونا!!!
احمد : ابني علي اهده شوي والزم اعصابك الي بينا مكفينا
كمال : علي اهده خلي نفتهم عمي ليش يريدون نطلع مو همه طلبو فديه شصار عليها
غسان بغضب : اي طلبو الفديه وبعدهم يريدوها ويريدون اطلع منا هددوني بيكم لكيت علاكه بباب البيت بيها شعر وبيها رساله عليها دم طالبين الفلوس وطالبين اترك البيت لو يخطفوكم واني مابيه ابد اخسر واحد منكم علي : ميصير هيج مو بكيفهم هي نعوف لبيت ونطلع تحجون صدك
غسان بعصبيه ويوجه الكلام ل علي
: شوف ابوك يتحمل بعد صدمه بنتي نخطفت وبكل نفوذي وقوتي مكادر الكاها تريد تنخطف انت هم لو تنخطف رند تتحملون هل شي
احمد : كلام عمكم صح اني مابيه اتحمل افقد واحد منكم مره ثانيه
كمال : بس يابويه شلون نسافر ونعوف ياقوت هنا
غسان : اسمعوني زين لازم اامن عليكم ونوب اتحرك براحتي ماكدر اسوي شي وانتو هنا حياتكم بخطر
ايناس : كلام غسان صحيح لازم نسافر،
علي : انتو انجنيتو شلون نسافر ولبنت مخطوفه هنا
غسان بعصبيه : كتلك اني اطلعها ترا البنت بنتي يا علي شنو تخاف على بنتي اكثر مني
كمال : اهده عمي وعلي اكطع السالفه هسه لازم تسافرون واني ابقه بالبيت ماشي
غسان : لا ضلع اننت هم تسافر وياهم ماكدر اعوف احد منكم هنا مو صح رجعو هجمو مره ثانيه بله خطفوك او سوولك شي لاسامح لله نوب نصير بدل مصيبه مصيبتين
احمد : اي ابني الله يخليك اسمع كلام عمك
علي : اني ماتحمل هذا الحجي مالتكم اني رايح
احمد : وين رايح دنكولك خطر عليك تكولنا رايح
كمال : علي ابقه بالبيت مو مال تطلع هسه الوضع ميطمن
علي : هففف رايح لغرفتي
ايناس : ابني انتبهو من الكزاز
غسان : هسه راح اخابر على صاحبي يدزلي بنكلاديشيه تنضف البيت من كزاز وادز على ابو الجام هم
احمد : متقصر غسان
غسان شسالفه ابو كمال ترا بيتك بيتي وماقبل عليكم ارتاحو هسه ولمو ملابسكم بليل
احمد : زين وين راح نسافر
غسان : عندي بيت بألمانيا كامل ومجهز اخذكم بي هم ترتاحون وهم اكون مطمن عليكم
كمال : اني ماكدر اروح على المانيا شغلي بسطنبول وشقتي هم
غسان : هل فتره ابقه ويه والدك لان راح اوديكم وارجع عمود بنتي
كمال : ماشي
ايناس وهي تمسح دموعها : شلون راح اسافر واعوف بنتي هنا!
كمال : صلي على النبي عمه حل مؤقت هذا
احمد : كومي اختي ارتاحي بالغرفه واخذي علاجج لتبقين هيج
ايناس : ماشي خويه كايمه
كمال : اني هم صاعد شوف غرفتي شصار بيها تفلشت لا
احمد : والله عليك سوالف
كمال : لازم واحد يهونها بويه غير هيج متفض
كمت من كرسي واخذت سويج وموبايل وصعدت فوك كل بالي يم رند وصلت الغرفتها دكيت الباب
رند بعصبيه : ماريددد احد يجي عوفوني بحاليي
كمال : هاي اني رند
حجيتها وفتحت الباب ودخلت شفتها كاعده على السرير وعيون حمر ودموعها نازله على خدودها والكزاز مطشر بالكاع
كمال : ليش كاعده هنا وحدج ها
رند : كمال ماريد احجي وياهم شي
كمال : واني هم متحجين وياي
رند : لا لتكول هيج
كمال : تقربت وكعدت كبالها على السرير
ليش هل بجي شصاير ها
رند : محجولك شي مو
كمال : لا حجولي كلشي بس رايد اسمع منج
رند : ورا ماسديت خط منك بشوي و سمعت صياحهم عالي جوه نزلت شفت شفت شعر اختي على طبله كمال اختي كاصين شعرهااا
كمال : اشش اهدي اهدي منو يكول شعرها ها باعي همه اخذو الشعر للفحص وحتمال يطلع مو الها فليش تسبقين الاحداث
رند : ماما عرفته وجانت تصيح وتكول بنتي شعر بنتي هذا وهو شفته نفس لون شعر اختي
كمال : ميخالف يجوز شبه لون بس اهدي كومي غسلي وجهج وارتاحي يلا
رند : ماريد اسوي شي
كمال : وشنو حتبقين هيج
رند اي بعدين سمعت بابا شيكول يريد نسافر كلنا
كمال : اي سمعت حجولي وعلي كب وتخبل هم
رند : حقه شنو نسافر، ونعوف اختي هنا
كمال : باعيلي رند ابوج يريد يامن على حياتكم وعنده حق يعني هو مسافر بنته نخطفت شنو لي يضمن متنخطفين انتي هم اني ويا بهل خطوه لان خايف عليج شفتي لي عشنا قبل شوي تخابريني، لتجي على للبيت رمي وطلق عاجبج نعيشه مره ثانيه
رند : لا معاجبني بس شلون واختي فهمني صعبه عليه افهمني الله يخليك ماكدر اروح واعوفها
كمال : منو كال تعوفيها اني ماعوف لقضيه هاي هيج حته لو عمي غسان عنده معارف اني ماكدر ارتاح وحبقه ورا السالفه بدون علم احد لحد مارجعها
رند : بس شلون حسوي هيج وبابا ورا سالفه ونوب يريدنا نسافر
كمال : عوفيها يمي صدكيني ارجعها بس اول شي اامن عليج ونسافر واني ارجع لهنا وحدي
رند : يعني حترجع تجي
كمال : اي طبعا ارجع اجي كتلج ماعوفها هيج
رند : بس ماريد اسافر واروح
كمال : لا هل شي لازم لسلامتج وحته اني يهده بالي متريدين اطمن عليج ها
رند : لا طبعا اريد
كمال : خلاص لعد كومي غسلي وجهج يلا وارتاحي واني شوي ورجعلج
رند مسحت دموعي : تمام
كمال كمت من عندها وطلعت على غرفتي دخلت وشمرت نفسي على الفراش
اوووف شديصير حياتنا دتنكلب كلاب شويه شويه، رفعت موبايل وراسلت فهد
: هلا ضلع لازم نلتقي اليوم
فهد : هله بيك خير صاير شي
كمال : اي صارت سالفه متنحجي برسايل
فهد : ماشي نلتقي بنفس مطعم ونفس وقت
كمال : ماشي حب شوفك
فهد ان شاءلله
...
في بيت المزرعه
فهد كاعد على تخم كام وسحب سلاحه وسويج سياره وموبايل شاف شاهين غافي كدامه على تخم ثاني
فهد : شاهين شاهينو كوم اكعد
شاهين : ها شكو
فهد اني رايح لمركز ومناك رايح على البيت
شاهين : صاير شي
فهد : لا مصاير شي بس اشوف وضع وهم راسلني كمال حلتقي بي بالسبعه
شاهين : ليش شكو بعد
فهد : مادري كال صارت سالفه متنحجي على الموبايل
شاهين : اها ماشي شوف وكلي
فهد : اي دكوم قفل الباب وراي
شاهين : اشتعلو اهلك اله تروح هسه
فهد : واهلك وياي كوم كوم
شاهين : ماشي ماشي
طلع ويا فهد صعد بسيارته وحرك طلعها عند باب البيت
شاهين: اي شي يصير خبرني
فهد : اكيد
شاهين : يله بسلامه
فهد : رفع ايده وحرك سياره
شاهين قفل الباب......
.....
يتبع 🍁