إقتحام من الماضي

البارت الثاني عشر 🍁

بقلم الكاتبة
: 𝒅𝒐𝒂𝒂 𝒉𝒂𝒔𝒔𝒂𝒏 𖤍

......
/ /2015/10/12
بغداد الساعة 7:05pm
في مطعم.... ( )

كمال وهو كاعد على طاولة مقابل النافذة ذهنه شارد وحس ع شخص واكف يمه رفع راسه و بتسم بعد ماشاف فهد ووكف باوسه
فهد :لك كمال هاي شصايرلك صاير تضرب صفنات اخماس بأسداس خيرك يخوي
كمال :والله يا فهد مادري شكولك سالفه صارت ودوختني تعاال اگعد خل نطلب شي وحجيلك
فهد :يي استعجلي بالطلب جوعان من وقت مخابرتني لحد هسه اني مشايف البيت
كمال: الله يساعدك
فهد: ويساعدك، اي شصاير خيرك
قاطعهم صوت النادل
: اهلا وسهلا شنو حابين تطلبون
كمال يباوع لفهد وگال
: شنو تريد
فهد: مشاوي
كمال: اوك عيني ثنين مشاوي ومقبلات وكولا
النادل: بالخدمة
كمال بقه ينتضر يروح نادل وگال
:سالفه طويله حختصرلك اياها
فهد: يي سولف يحجي وشغل جكارة...
[بعد ما كمال حجاله الاحداث لي صارت كلها]
فهد سحب نفس من جكارة وگال
:شوف يخوي مازال شرطة لحد هسه متحركت ولا اجت للبيت او راحت لجامعتها معناها ايد الخاطفين واصله وراح يضروك مينفعون لبنيه بشي شغله ثانيه لبصمه خطره ومتكدر تتحرك بشي اله تعرف شصار بالضبط بهذيج السنه والفلوس شنو قصتهن ومنين اخذهن ابو البنيه هاي التفاصيل تساعدك ولوّ موجود اني بوقت لاتصاال جان كدرنه نحدد موقعها واساعدك بس بهيج وضع كولش صعب عليها خطر
كمال: اي افهمك بس الشرطة رجعو اخويه علي وكت الي بلغ وگالوله تعال بعد مرور 24ساعه والصبح اجت البصمة
فهد: اي وشسويت
كمال: شسوي بعد كتلهم الغو البلاغ لحد منفتهم شنو السالفة يلة
فهد: اي زين تسوي لان معارضتك لكلام الخاطفين يضر مينفع
كمال: هو اني خفت عليها ضلع البنت بحسبة اختي
فهد: شوف اني گتلك ايدهم واصلة بالبداية كالو انتضرو 24ساعه وبعدين اجت البصمة منهم تكول لتدخلون شرطه
كمال: اي حجيك صح
فهد: من الاساس يعرفون كُلش زين الشرطه هيج امامهم وبيدهم الوضع
كمال: والحل ضلعي شلون ؟
فهد: لتخاف كمال ان شاء الله ترجع ونلكاها بس لازم تعرف لسالفه غير هيج متكدر تصرف لان همه مراقبين تصرفكم
كمال: مادري يخوي محد يقبل يحجي لا الوالد ولا عمتي.
فهد: لشيل هم يحجون يحجون وهاي اجه لاكل
تقدم النادل وقدملهم لاكل ع طاولة وكاال النادل :محتاجين شي ثاني
كمال: لا شكرا.. وراح النادل وفهد گال
: يلة متاكل وياية حتخلصها صفنات تنحل والله لشيل هم
كمال اخذ قطعه خبز وگال
: انت شون هيج مطمن ادري تنحل بس شلون
فهد: باوع كمال اني ضابط بالجرائم يعني مريت بسوالف صعبة واعقد من هاي ماگولك هاي سهله لا صعبة وخطرة على حياتها بس هنا لخاطفين عدهم سالفة قديمة يعني مراح يكدرون يكتلون البنية لان همه محتاجيها ف للوكت الراهن اطمن
كمال: زين واذا كتلوها بعدين
فهد: يا اخي اذا صرفت بسياسة وياهم ليش يكتلوها تفائل شوي
كمال: ان شاء الله حجيك صحيح

_
بيت ابو عصام
الساعة 12:am
نادين وهيه ع السرير كاعده وتفكر ب الي صار وياها بالجامعة رن موبايلها فتحت خط وكالت
هلا: رند شونج حبيبتي
رند :هلو عمري اسفه تصلت هيج وقت خوما نايمة وكعدتج
نادين :لا عمري گاعده كولي
رند : بس بالي بقه يمج لما حجيت وياج الصبح گتيلي حتروحين شوفين الكامرات مال الكراج وقلقتيني مرجعتي تصلتي
نادين: اي عمري اسفه مرجعت حاجيتج لان صارت شغله بالدوام صدمتني كولش وخفت احجي شي بقيت متردده
رند: ولج شصار احجي خوفتيني
نادين: والله يا عمريي مادري شكولج بس من رحنه اني وزيد وحارس بالامن حته نشوف الكاميرات لكينا التصوير محذوف وحتى الحارس كال لتدخلون هذوله ايدهم واصله بالدولة وكلشي يسوون ف ديرو بالكم
رند: ياا عزا لعد شلون نادين شلون راح الكه اختي
نادين :اهدي رند ان شاء الله نلكاها اني جان املي بهذا التصوير بس من نحذف مابيدنا بعد غير الدعاء ان شاء الله ترجع
رند: ب صوت حزين ان شاء الله حبيبتي انتي سويتي لي عليج اشكرج هواية وانتبهي لنفسج ماشي
نادين :ان شاء الله رند اكولج صدوك ماكو خبر على ياقوت من الشرطة
رند :لا كلبي ماكو اي خبر اذا صار شي جديد اتصل بيج
نادين: اي فدوه اي شي يصير خابريني
رند: دللي كلبي اني حروح هسه اشوف مامه وانتي هم ارتاحي
نادين :تمام عمري ديري بالج عله نفسج تصبحين على خير
رند: وانتي من اهله..
نادين : سديت الخط منها وبقيت افكر ب الي ديصير اوف يارب ترجع ياقوت ويلكوها الشرطه
...
عند بيت ياقوت //
_رند بعد اتصالي ب نادين خفت اكثر على ياقوت وبقيت افكر شلون نلكاها ومنو هذا لي ديسوي هيج وابويه شنو علاقته اووف لازم احجي ويه مامه ميصير ابقه هيج ساكته كمت من السرير وفتحت الباب ونزلت لغرفه امي ودگيت الباب ماكو صوت فتحته لكيتها نايمه ومماكله شي من صحن الفواكه رجعت سديت الباب وطلعت ب هدوء ل طرمة ، كعدت ب الحديقة رفعت راسي ل سمة اباوع ع النجوم واذكر ياقوت اووف ياربي رجعها ب خير وسلامه شتاقيت لها نزلت دموعي واني اذكر كعداتنا سوه وسوالفنة اذكرت من جانت تشوف القمر تكولي: هذا اني عيني اذا ضعت تلگيني فوك واني جنت اضحك عليها وأكولها شيضيعج انتي مدكوليلي اوف ياريتني ماحجيت هيج وينج يا ياقوت وينج لحظات صعب الواحد يفسرها وانت تنتضر خبر عن شخص منك عن انسان جزء من روحك تنتضر بس اتصال منه او رساله او اي شي بس لحتة توصله حسيت الكون هذا باهت جانت اختي ملونته كمت ابجي واني اذكر كل شي يتعلق بيها
...
عند ياقوت //
مابين الغافية والصاحية من التعب والجوع وايدي ثنينهن مجرحه من الحبال والغرفه داحسها بارده وهذا الحيوان طول نهار ماجاب اكل منتجية على الحايط ومغمضه عيوني اذكر امي وسوالفنه سوه اوف نزلت دموعي لما ذكرت كلامنا سوه فتحت عيوني بثقل ورفعت راسي واني اباوع على النافذه لصغيره لي بالغرفه جان مبين جزء صغير من السمه رفعت جسمي اكثر وشفت جزء من القمر ذكرت رند وكلامنه اوووف يا ربي طلعني من هل مكان منو هذا لي خاطفني شيريدون من أبوية كمت ابجي بقوه واني اذكر رند وضحكنه وسهرنه هاي ليله الثانيه اليه واني هنا يربي ساعدني واني بهل حال سمعت خطوات احد سريعةحاولت أهدأ ونزلت راسي ع الحايط وكع شعري ع جتفي ووجهي سويت نفسي نايمه نفتح لباب وحسيت ب خطوات احد اجه وسمعتة كال
.........

....
..
.
يتبع
♡فضلا وليس امرا متابعة لحسابي ونجمة⭐