إقتحام من الماضي

البارت الخامس عشر 🍁

_
أيتغير البشر من حولنا إن وقعنا في مطب ما؟ اتتغير نضرتنا عنهم كما لو انهم لم يكونو كما عهدنا ان يكونو عليه دوما! لا اعلم، الكثير من حولي يدعو الى الغرابة المتزايدة كأني وقعت في متاهة لا مفر منها لكن الاهم والاكثر جنونا من هذا ااطلب عونا ممن قام  بأيذائي قوم حقا بالوثوق به  هذا جنون لكن هاهو القدر يعبث معي مجددآ 
_متابعة شيقة
by:
𝒅𝒐𝒂𝒂 𝒉𝒂𝒔𝒔𝒂𝒏 𖤍
.....
بيت ياقوت //

...
رند: كعدت على صوت صياح عالي سحبت موبايلي من جوا المخده الساعة 9:30   2013/10/13
اوف صار تلث ايام ياقوت مو بالبيت كمت من السرير وبعدت هذه الافكار من راسي وفتحت باب الغرفه اسمع صوت الصياح اعلى لحضه كأنو هذا صوت بابا نزلت اركض من درج شفت علي گاعد على كرسي بالمطبخ يدخن ومبين عصبي، تركته دخلت الاستقبال
الباب مفتوح بابا عصبي ويصيح على امي وخالو وكمال گاعد على اعصابه
غسان : ميصيررر هيج يا احمد يعني أمنتهم يمك تكولي ياقوت تلث ايام مخطوفه يا عيني مو حجي هذا غير تكولولي تطوني خبر
احمد : غسان كتلك الف مره البنت نخطفت من الجامعه وماكدر ابلغ الشرطه وسمعت البصمه بنفسك بعدين شكد تصلنا عليك ها وينك انت بدل متصيح هنا شوف حل يا غسان للمصيبه لي انت بيها
غسان : غير تعرف اني بسفر جنت والاجهزه طبعا مغلقه على الاقل دزولي مسج شي
ايناس : شون نرسل مسج وانت موبايلك مغلق يا عيني
كمال :  هدو اعصابكم بويه وانت عمي هذا الحجي ميفيد البنت انخطفت لازم نفكر شلون نطلعها مناك مو نصيح ونحجي بالحادث
احمد : كلام كمال صح مالازم نضيع وكت اكثر غسان لازم تصرف
غسان  : ماشي ماشي اني اشوف شلون اطلع بنتي من هل حيوانات
ايناس : بس المبلغ جبير شلون راح ندبره وين  تلكاهم وتنطي الهم
غسان : اني ادبر كلشي لشيلون هم وكمال اريد البصمه حوليها على موبايلي
كمال : ماشي عمي ، فتح موبايله وحول بصمة ياقوت الصوتيه الى رقم غسان 
كمال : هاي حولتها
غسان : گام وگال وصلت ماشي
رند، شفت بابا كام ماعرف ماردت ينتبه اليه رحت اركض لغرفتي،  دخلت وسديت الباب گعدت على سرير ماعرف شنو اسوي البيت متوتر تمنيت اروح لبابا واكوله خالو احمد ماله دخل اختي لو موجوده متقبل بهذا الكلام على خالو اوف يا ترى هي وين؟ منو لي خطفها؟ وليش؟ لازم اعرف لازم انتضر يهده الجو وانزل اسال ماما شمرت نفسي على سرير الف فكره تدور براسي خايفه على اختي هوايه ومشتاقتلها هم غمضت عيوني بقوه واني اذكر لحظات جنا سوا اذكر من جانت تدرس يمي واكولها مو عندج غرفه تكولي ماكو اطيب من دراسه هنا يم شباك هذا رفعت راسي من سرير، باوعت على شباك گمت مشيت فتحت الشباك من جانبين باوعت جوا حديقه البيت والاشجار صاعده اغصانها على شباك الغرفه اذكر صوتها باذني

ياقوت فتحت باب الغرفه ودخلت تحجي ومتجهَ على شباك الغرفه فتحته من جانبين وگالت
: لج رند رند گوومي كافي نووم
رند : اه عيوني خبله ضوا شمس بوجهي
حجتها وتغطت بالحاف
ياقوت سحبت اللحاف منها
ياقوت : گوومي گومي لج شوفي الجو يجنن
رند : اي حلو حلو اني شعليه اليوم جمعه حبابه خلي انام
ياقوت : ماكو نووم معليه كومي
رند رفعت راسي من مخده شفت ياقوت گُعدت على حافة الشباك ونتجت على الحايط
رند : لجج راح توگعين وابتلي بيج نوب انزلي
ياقوت : دتعالي بربج شوفي الجو
رند سحبت موبايل وفتحته حجيت
: عزا لج ساعه 6 مكعدتنا من صبح خبله
ياقوت : ايي المن نايمه تعالي گُعدي كبالي
رند كمت من سرير وكفت يمها
رند : لج بابا مو عندج غرفه مو بيها شباك ليش تخبليني من صبح
ياقوت : اي بس غرفتي تطل على شارع متشوفين بس فرع المنطقه والبيوت هنيالج على هذا المكان
رند رحت كعدت كبالها على حافه شباك ونتجيت على حايط
: هسه نوگع منا والله
ياقوت : منوگع منوگع عود اذا وگعنا نتكسر فد سبوع بالمستشفى
رند : وشنو عاجبتج تتكسرين بعدين شفايتلج سبوع ننام شهر بالمستشفى
ياقوت : مانام وحدي تنامين ويايه هيهيهي
رند : مخبله ههههههه هاي سوالفج

//عند ياقوت
....
فتحت عيوني بتعب رفعت راسي شفت ضوا النهار من الشباك الصغير حاولت اعدل گعدتي صرخت من وجع حسيته بأيدي يا لله باوعت ايدي نازفه دم من معصمي ولازك بالحبال عزا شنو هل حال هاي  كمت اصيح
: ساعدوني الله يخليكم اتوسل بيكم ساعدوني اصرخ وابجي ماكو احد يسمع اصيح على امل احد يسمع اعرف اكو بره حرس بس ياربي يصحه ضمير احد منهم اصيح وابجي ماكدرت اتحرك اكثر كلما تحركت جرحي ينزف دم ياربي ساعدني كمت ابجي بقوه ايديه تحركني بشكل ماعرف اوصفه مرت ساعه او اكثر واني على هل حال تعبت من البجي ودخت من الوجع الحاسه بي رفعت راسي
يا الله معقوله اموت هنا معقوله هل مختل لجابني هنا يقتلني بعدين اذا نهايتي الموت  المن انتضر ليش ميقتلني.. صعب الواحد ينتضر امر وفاته على سبب هو ميعرفه شنو   ماعرف حتى شنو سويت اله اذكرت كلامه من كال( ذنبج بنت هذا المجرم) شنو الي سوا والدي اله حتى هيج يگول زين  ليش ميروح يحاجي  ايواجهَ اني شعليه يخطفني تمنيت رند يمي تمنيت اكولها اسفه على كلشي حتى لو مااذيتها بيوم بس هاي اختي قطعه مني اوووف الحجي ميخلص وبهذا الوضع ماعرف كم ساعه مرت ابجي واباوع على وضعي فجأه نضرب باب الغرفه نفتح بقوه رفعت راسي بتعب ودموعي تجري شفته دخل خاطفي او قاتلي معصب جدا اجه يمي بسرعه و لزم فكي بقوه
◼️: شبيجج تصيحين؟؟شنو من لعبه وسخه تلعبيها هسه وتريدين اصدگ هااا؟؟؟
ياقوت اباوعله ضخم، عيونه زرك ويخزر ويحجي بنتر، يخوف غمضت بقوه وكتله بكل جنون وصوت مرتجف
ياقوت : سااعدني!
.
.
.
.
....

_يتبع

_ مساء الخير شلونكم ايها القارئون بصمت  ان شالله تمام يارب 😍 نزلت البارت اتمنى ينال اعجابكم ورأيكم لطفا  اطلعو من صمتكم هههه وادعموني بنجمه و بكومنت هل شي يسعدني.
❤❤