إقتحام من الماضي

البارت الثامن عشر 🍁

مساء الخير للقراء لصامتين الميتفاعلون ابد 🙂🌚 ماريد اكولكم اعتذر على هل تاخير ولا شي بس يارب الايام الجايه تكون افضل من هاي  ماطولها عليكم اعرف منتضرين لبارت سو اتمنالكم متابعه شيقه يلا نبلش...
.....
by: 𝒅𝒐𝒂𝒂 𝒉𝒂𝒔𝒔𝒂𝒏 𖤍

****
شاهين:
جريت ايدها على الارض وفتحت بطل المي ذبيته على الحبل الدم كام ينزل اشوفها غمضت بقوه وتشهك مهتميت اخذت المقص كصيت الحبل من فوك وفتحت اول طرف ملفوف على معصمها رفعته وهي صرخت
شاهين بعصبيه : بس كلت
ياقوت : يحرك والله
مهتميت لها فتحت لفات الحبل وهي طابعه على جلدها لازكه باوعتلها رافعه راسها وتصرخ بسكته عاضه شفتها تستاهل اذت نفسها بنفسها غبيه وصلت اخر لفة الدم متجمع بيها صبيت مي صرخت واغمى عليه فتحت الحبال عنها شمرتهن وفتحتهن من رجليها باوعت وكعت بالكاع شكلها هل اليله مناويه على خير
رجعت عليها رفعت راسها من الارض بيدي وطبطب على وجها
: اصحي هيو مو وكت تمثيل
ضربتها بقوه على وجها اشوفها فتحت عيونها وترجع تغمض
،
خليت ايدي جوة راسها وايد جوة رجلها وشلتها وطلعت بسرعه صحت بصوت عالي لحارس بجانب الباب
_اطفر افتح باب سياره بسرعة
_امرك سيدي
طلع كدامي يركض طلعت بسرعة وصلت عند سياره فتحلي الباب الخلفي خليتها سديت الباب وفتريت صعدت شغلت السياره
_ سيدي عندك اوامر ثانيه
شاهين : اسمعني زين تقفل المكان وتطلعون كلكم ترجعون لمركز واي شي يصير، تطوني خبر والمفاتيح سلمهن بيد فهد الصبح واذا سألك احد كوله العقيد اخذ اجازه وممعلوم شوكت يرجع
_امرك سيدي
فتح باب البناية وطلعت بالسيارة باوعت على الساعة 4:15am تصلت على فهد
شاهين : وينك ياخوي طولت
فهد : شوف الشقه الي ردت اكولك بيها مأجريها هسه والثانية رياض مكعد جماعته بيها
شاهين : بربك فهد هسه اني وين اولي بهل اليل بهل بنت فهمني
فهد : ليش متنتضر الصبح ونشوف مكان زين
شاهين : شنتضر ولك غير داسوق طلعت بيها 
فهد : ليش صاير شي مو تفقنا تنتضرني
شاهين :البنت تخربطت ماكدر ابقيها حطيتها بسيارة وطلعت
فهد : شلون شلون وهسه شراح تسوي
شاهين : راح اخذ علاج واخذ قصي امان كلش هو بس ماعرف وين احطها
فهد  : ماشي اوكف اذكرت المزرعه القديمه مال والد محد بيها ليش متروح لها
شاهين: المزرعه لي بمنطقة...  مو على اساس باعها عمي
فهد: لا ماصارت البيعة هي قديمه بس تفيد ومكانها امين روحلها واني صبح جايك
شاهين : ماشي وباوع لتروح لمقر طلعت الشباب منه وقفلو المكان عفتلك المفاتيح بيدهم 
فهد : زين تسوي لعد صبح اخذ مفاتيح منهم وامرلك
شاهين : ماشي ضلع
فهد: بالسلامه
سد الخط من عندة يباوعلها بالمراية ويسوق بغضب فتح الموبايل وتصل
شاهين : الوو
قصي :  هلا بالغايب شلونك
شاهين: موزين عوفك من الغايب وغيره كلي انت بالخفاره اليوم مو
قصي : خيرك ضلع شبيك شصاير
شاهين : مابيه مابيه بس كولي بخفاره
قصي : اي موجود
شاهين : ماشي جهزلي جنطه بيها قياس ضغط واسعافات اوليه ضمادات وباندج  ومرهم لجروح هم ومضادات ومغذي وابر توازن الضغط اذا صاعد واذا هابط
قصي : لك خوفتني شصاير خوما تصاوبت
شاهين : لا مابيه شي مو الي بس جهزهن  واطلع حمر عليك لمستشفى من باب الخلفي اخذك وياي
قصي : ماشي ماشي زين تحتاج اكل 
شاهين : لا هسه ادبر بس جيب شراشف هم وبطانيه
قصي : ماشي حجهزهن وانتضرك
شاهين سديته منه باوعت صارت 4:35 اباوع عليها بعدها مغمى عليها
بعد مسافه طريق قريب المستشفى شفت سوبر ماركت مفتح طبكت قفلت سياره ونزلت دخلت: السلام عليكم
_وعليكم السلام
شاهين دخلت اخذت معلبات من الرف ذره لحم بقر وتونه وصوصج على كبه نوعين وبورك على شوربات خضار وفطر خليتهن كباله مشيت على جهة ثانيه  اخذت كهوه مثلجه 7 على تايكر وعصاير برتقال وخوخ و خبز توست واجبان وزيتون رحت يمه كتله وطيني طبقه بيض وعلبتين كلينس وصندوك مي اباوع الولد صافن
شاهين: يمعود وين صفنت 
_ها العفو بس ستغربت من الكميه الماخذها
شاهين : عادي عادي
دفعت الحساب اخذت العلاليك وطلعت فتحت صندوك سياره خليتهن خليت صندوك المي قفلتها وصعدت حركت
وصلت الباب الخلفي للمستشفى وكفت السياره وتصلت
شاهين : ها قصي وينك
قصي : جايك لحضات انتضرني
شاهين : بقيت انتضر مرت عشر دقايق طلع قصي وبيده جنطتين وكارتونه فتحت له صندوك سياره خلاهن و صعد بصدر
قصي : خوفتني ولك  شصاير وياك
شاهين شغلت سياره وحجيت
: مصاير بيه شي بس شجايب وياك مخزن مستشفى كله
قصي : لا طبعا بس شغلات تحتاجها اعرفك حتروح لمكان وحدك فهمني شكو
شاهين التفت اله وبتسم : يا اخي تهدي عصابي انت
قصي : لك دحجي شكو
شاهين : شوف وراك
قصي لتفت على الكرسي الخلفي بصدمه
: لك هاي شنو منو هل بنت
شاهين : بنت مجرم الحجيتلك عنه
قصي: اييي وشجابها يمك
شاهين : قصه طويله هسه احجيلك بطريق
قصي : زين خوما بيها شي
شاهين : لعد على شنو جبتك تصفن بوجهي غير تعالجها
قصي: خرب يومك شاهين على هل دكه هاي
شاهين : مابيها شي قوي لتخاف اعتقد ضغطها نزل مماكله من بارحه وايديها مجرحه بس احتياط جبتك
قصي : اياب وتحجيلي هسه
شاهين بعصبيه : ولك لاتخليني اطلع ضيمي بيك كتلك هسه حجيلك لا تخليني شمرك منا
قصي : ماشي ماشي عمي سكتنه احجيلي
شاهين : بعد ماحجيت له القصه كلها وصلنا على طريق المزرعه والجو فجر  باوعت الساعة 5:50am
قصي : بس شاهين مو صح يا اخي البنت مالها ذنب
شاهين : سد الموضوع لا تخليني اتندم لان كتلك
قصي : ماشي سديته زين المن هل مزرعه
شاهين يحجي ودخل الفرع
: لعمي اوكف خل افتح الباب
وكف السياره ونزل بسرعة فتح قفل الباب بسجينه وشمر السلسه فتح الباب من الجانبين ورجع صعد بسرعه دخل السياره مشى مسافة وصل امام البيت
قصي : ضلع متاكد هل مكان امان لو عمك يعرف يتخبل
شاهين : امان امان محد يوصل هنا البيت قديم والمزرعه هم
نزلو من السياره ثنينهم وفتح قفل باب البيت
باوع القصي وكاله دخل الغراض الجبتهن خل اقفل البوابه
قصي ماشي
شاهين ركضت  للبوابه وقفلتهاا بسلاسل طلعت الموبايل من جيبي راسلت فهد
: وصلنا اني وقصي من تجي مر على ابو المولده بمنطقه ورتب الوضع
فهد بالمكتب : ماشي عندك القابس الوطني مربوط بالبيت واكو مولده بحديقه الوره و اني ب 10 هيج اجيك عوفها عليه
شاهين : عشت
وصلت لسياره لكيت قصي مدخلهن اخذت اخر جنطتين وصندوك المي ودخلت لبيت خليت الغراض على ميز بجانب الباب باوعت المكان مليان تراب اول المدخل استقبال واسع موجود على الشباك مبرده ايام المبردات القديمه و على يمينه درج وخلفه مطبخ
قصي طلع من مطبخ وهو يحجي
: البيت حلو واثاثه بي نضيف  بس شلون تكعد ضلع مليان تراب ملي
شاهين : عوفه عليه روح لبنت عالجها
قصي : شلون اعالجه وين اخليها
شاهين : هي فاقده اكو كعده بلحديقه راح  افرش بطانيه بيها وخلي التحتاجه يمك
قصي : صدك تحجي
شاهين : اي والرب تعرفني ماكعد ببيت وسخ لو مو خاطف بنت
قصي : مو صاحي مو صاحي والله
شاهين : جيب لتحتاجه وتعال
طلعت وماخذ بيدي بطانيه وشراشف فتريت على  الحديقه الخلفيه باوعت جو بده يكشف باوعت على ساعة ايدي تقرا am6:20الحك انضف البيت وهنا ماكو ولا طير سياج عالي وصلت الكعده بنص اشجار عالية وقمرية مرتبه ارضيه خشب وديوان عليه طن تراب فرشت البطانيه والشرشف باوعت قصي يمشي ويدردم
كمت وهو جاي بتجاهي
كافي : تحجي ويه نفسك هيج خبلتك الخفارات
قصي : لا والله انت لخبلتني
شاهين : موزين يله حجيبها
قصي : ماشي
كمت وتمشيت بسرعه عليها تاخرت حيل  وضعها ميطمن بس شسوي ماكو غير طريقه طلعت على السيارة فتحت الباب وشلتها مشيت بسرعه بتجاه الحديقه وصلت يم قصي خليتها على الشراشف وقصي يجهز بالمغذي
، عفته قفلت سياره ودخلت لبيت دخلت وره المطبخ اذكر هل بيت بتفاصيله عشنا بي فتره قبل فتحت باب المخزن طلعت صوندة مي وشمرت الحذاء تكرمون على الدرج بس كون اكو مي ومانضرب بوري شكلت الصونده بمي الاساله حلو اكو بديت اغسل بالبيت من الاستقبال والمطبخ والدرج اليعجبني بعمي مغلف التخم والاثاث بنايلون فتحته كله وصعدت الطابق الفوك حلو غرفتين نوم وحمام وسطح غسلت الباقي وكملت تنضيف البيت كله تقريبا ورفعت قابس الكهرباء الاساسيه بالعراق يسموها (الوطني) شفتها اجت شغلت الثلاجه بعد مانضفتها وخليت الاكل والمعلبات بيها صعدت فوك قفلت باب سطح، قاطعني صوت قصي من طابق الارضي واني اقفل شباك غرفة من الغرف بعد ماقفلت شبابيك الحمام والطابق الارضي هم
قصي : شاهين يمعود وينك
شاهين: فوك داقفل الشبابيك هسه اجيك
قصي  : شنو ناوي تحبسها طول العمر يمك
شاهين : لع بس حاليا اي
حجيتها ونزلت من درج : احجيلي شلون وضعها
قصي : اعراض ضعف عام وضغط هابط  4/4 نطيتها مغذي ومضادات وايديها الجروح ملتهبه جدا ضمدتهن وعقمتهن مفصل ايديها متاذي اكثر من رجليهة
شاهين : اي شفت هل شي
قصي  : شاهين لتربطها بعد البنت جدا متضرره الجرح محفور على جلدها بقوه
شاهين : هو هيج
قصي : اني لازم اروح بعد
شاهين : متاكل شي عاد تريك وياي
قصي : لا ضلع مالحك شوف ساعه صارت
ب8:35am
شاهين : زين شلون تروح هنا تكسيات ماكو
اله تطلع على شارع العام
قصي: ليضل بالك راح اتمشه ماعدي شي
شاهين: عوفك من هل سالفه اخذ سيارتي
قصي: لا ضلع تحتاجها اكثر مني خليها يمك يصير ميصير لازم تضل عندك
شاهين : بوية اخذها عود فهد يجي بالعشرة اكوله يمر عليك ويجيبها ويا
قصي : متاكد
شاهين : اي حب الزم المفتاح
قصي : ماشي كلبي
باوسه وسلم عليه صعد بسياره وشغل وصل قرب لبوابه كالل
: صدك  جبتلك بطانيات ثنين وشراشف اربعه وجبت لك هيتر كهربائي هم ولبقيه علاجات وحبشكلات تحتاجها
شاهين : عاشت ايدك حب يلا بسلامه
حجاها وفتح بوابه المزرعه
قصي : بسلامه كبد
طلع وقفلت البوابه ورا دخلت على الحديقه شلت العلاجات وجهاز ضغط ورحت لبيت خليتهن بمجر رجعت عليها باوعت المغذي مابقاله شوي بس ويخلص كعدت يمها وشعلت جكاره الجو حلو والكعده مضللة بقمرية مرتبه ضل اشجار عالي شكلي فعلا راح اخذ اجازه هنا هوب شاهين تخبلت الدنيه عالكها وكاعد تدخن احجي بيني وبين نفسي وشفتها فتحت عيونها...

*****
.....
........ بارت مليان احداث تعويض عن الغياب اتمنى يعجبكم لتنسون المتابعه والنجمه وارائكم تسعدني وتخليني استمر 😍♥

.....

يتبع.....