إقتحام من الماضي

البارت العشرون 🍁

الكاتبة
: 𝒅𝒐𝒂𝒂 𝒉𝒂𝒔𝒔𝒂𝒏 𖤍
____

شاهين نزلت جوه خليت لأكل على طاوله سحبت جهاز قياس الضغط من المجر وصعدت فوك فتحت الباب فزت من شافتني ورفعت راسها من المخدة
ياقوت شفت جهاز ضغط دم بيده انصدمت
ياقوت : تعرف تقيس ضغط الدم؟؟؟
شاهين : هو ياهوَ الميعرفله هسه!
ياقوت ماحجيت شي مستفز ويبقه ينرفز على طول
شاهين قربت خليت جهاز الضغط على الطبلة سحبت الكرسي خليته بجانب السرير وكعدت فتحت الجهاز واباوعلها رجعت جسمها وره على الفراش
شاهين : ايدج اليسرة حجيتها وفاتح ايدي الها
ياقوت نطيته ايدي ومتوترة منه قاس الضغط
شاهين: 7/6 بعدة نازل
ياقوت محجيت شي اشوفه اخذ الجهاز وكام
شاهين : ابقي هيج عاقله اذا حتاجيتي شي دكي الباب بهدوء
ياقوت صافنه عليه هزيت راسي بمعنى اي
شاهين طلعت وقفلت الباب وراي نزلت الدرج اسمع موبايلي يرن من الاستقبال رحت عليه فتحت خط 
شاهين: ها وين وصلت
فهد : قريب دقايق واوصل  اطلعلي على الشارع العام
شاهين : يله جاي
سديت الخط منه وقفلت البيت وموبايلي بجيبي طلعت على شارع اتمشه وكفت وشعلت جكارة باوعت الساعه ب12 ضهر اجه فهد رفعت ايدي وسلمت واشرتله يفوت بسياره  للشارع الثاني تمشيت على سيارتي نزل منها ولد من المركز بيده سويج
_تفضل سيدي
شاهين : عاشت ايدك شلون وضع
_سيدي : ماكو خبر جديد
شاهين : ماشي
سيدي : اني رايح
شاهين : الله وياك
صعدت بسيارتي وحركت مشيت ليكدام ودخلت لفرع من الخلف وصلت لكيت فهد منتضر عند البوابه نزلت من سياره فتحتها دخل سيارته رجعت صعدت ودخلت سيارتي ورا  نزلت وقفلتها رحت على البوابه قفلتها رجعت اتمشه على فهد
شاهين : هلا بيك ضلع
فهد : هله باوسه وسلم عليه
دخلو الاغراض للمطبخ وكعدو ثنينهم على التخم
فهد وهو يفتح بطل العصير
: شراح تسوي هسه
شاهين : انتضر هلك... يتصل
فهد : هو صار شكد على المكالمه
شاهين ثاني يوم الصبح ماتحملت وخليتها دز بصمه الاختها
فهد: اي على طاريها صارت شغله مصار مجال احجيلك
شاهين: خير ان شالله شصار بعد
فهد: صاحبي لمسافر كمال طلع ابن خال الخاطفها انت
شاهين: شلون شلون شجابه يمها شلون هيج
فهد: هو خابرلي ولتقينا حجالي سالفه نصدمت شلون هيج طلع كرايبها
شاهين: لعد انت مجنت تدري بي
فهد: لا يخوي اني لتقيت بي من سافرت على تركيا من زمان شمدريني هي بنت عمته
شاهين: ميخالف يمعود نكدر نستفاد منه
فهد: اي طبعا نكدر هو يثق بيه كلش وسألته على التاريخ طلعو كلشي ميعرفون
شاهين: شلون يعني ميعرفون شي
فهد: غسان الجلب كلشي محاجيلهم حتى  هو يكول انصدمت من تاريخ السنه والمبلغ خيالي ويسال عمته متحجي شي
شاهين : اكيد متحجي متطي بالحيوان زوجها
فهد: او حتماال متعرف شي
شاهين: ماتصور
فهد : هي تبين وحدها هسه
شاهين : اتمنى قبل ماسوي شي اندم عليه
..
عند بيت ياقوت
رند : كاعده بالمطبخ مالي واهس شي بالي عند ياقوت
ايناس : ها ماما بعدج هنا كاعده
رند : هسه اكوم بس ماما بابا مجاب خبر على ياقوت
ايناس : سحبت كرسي وكعدت
اوف : يابنتي ماكو خبر لحد هسه ابوج هم بعده منتضر خبر منهم بس اني متأكده راح يلكاها ويرجعها ان شالله
رند : ان شالله بس ماما محجيتيلي شنو الي صار بسنه 1997وليش ياقوت هيج حجت همه خطفوها مو بس لان يطلبون فلوس مو
ايناس: بنتي لتحجين هيج عوفي هاي الامور على ابوج هو يحلها
رند نزعجت من كلام ماما شنو متحجيلي وهيج تكول
سحبت الكرسي وكمت
طلعت على غرفتي وسديت الباب هاي رابع يوم اختي مو مبينه هف باوعت الساعة
1:30pm
فتحت موبايلي دخلت على الاستوديو
ولحضات سمعت طلق قريب كولش  على بيتنا رمي مثل المطر وجام كام يتكسر كمت اصرخ ونزلت من الجربايه ودخلت جواها اسمع امي جوه تصرخ
ايناس : رند ماما رند وخري من شباك
اسمع صياحهم جوا بيدي الموبايل تصل كمال
فتحت خط
رند : الوو كمال
كمال : رند شنو صوت الرمي هذا رند وين انتي
كمال : لتجي على البيت اخاف عليك الله يخليك لتجي
رند : لتخبليني شنو مااجي تخبلتي اني بطريق اصلا جاي
رند : لا كمال لتجي مابيه حيل تصاوب طلق مثل لمطر مافهمت ليش
كمال وكفت سياره ع جانب لشارع
: بنتي لتخبليني شلون هيج زين انتي وين ليش محد يمج
رند : اني بغرفتي دخلت جوه جربايه من صار لطلق
كمال : عفيه زين تسوين وعمتي وابوي وغسان وين
رند : كلهم جوه اسمع صياحهم ماكو شي زينين
باعي : اتحملي مسافه طريق راح اخابر على شرطه واجي احتمال همه نفسهم لخطفو ياقوت انتضريني
رند : ماشي ماشي بس انتبه لله يخليك
كمال : ماشي
رند سديت الخط منه وتصلت على امي
ايناس : ماما صار ساعه اصيح وينج انتي
رند: ماما اني جوه جربايه رمي على شباك الغرفه اخاف اطلع راح ابقه هنا لحد ميخلص انتو احمو نفسكم
ايناس : اني بغرفتي بنتي ماعليه شي انتبهي لنفسج امي لطلعين من يتوقف لرمي انزلي بسرعه
رند : ماشي ماما زين بابا وخالو يمج
ايناس اي امي خالج يمي وابوج جوه الدرج يخابر على حرس جماعته راح يجون
رند : ماشي ماما
سديت الخط منها واني ادعي يهدأ الوضع هذا ياربي الطف بينا شنو ديصير ليش هيج مكافي خطفو اختي
...
كمال اسوق بسرعه بتجاه مركز الشرطه وقفني اتصال غسان
غسان : الوو كمال وينك
كمال : اني بطريق عمي راح امر على مركز شرطه سووها بله ملح
غسان : لا كمال لسوي شي ولتجي على البيت خاف يرمون عليك انتضر خبر مني اني سحبت قوات خاصه جايه بالطريق
كمال : بس شلون يا عمي ماسوي شي
غسان : كتلك انتضر لتفور دمي
كمال : ماشي ماشي
سديت الخط منه وكفت السياره على الرصيف شهل وضع الزفت هذا
تصلت على علي
علي : الو ها كمال
كمال : وين انت علي
علي : يم جماعتي ببيتهم معزوم على غده ليش صاير، شي
كمال : خليك  يمهم ماشي ولترجع لبيت لحد ماتصل عليك
علي ليش شكو كمال خوفتني
كمال لبيت محاوط بمسلحين ويرمون عليه خابرني غسان كالي لترجع لحد ماهدي وضع كلت اطمن عليك
علي شلون زين وعمتي وابوي ورند خوما صار عليهم شي
كمال لا ماعليهم شي طمننت عليهم
علي شوف اني راح اجيك وين انت ماكدر اصبر هيج
كمال ماشي تعال لكوفي...  هسه مفتح اني رايح له
علي تمام جايك
كمال سديت الخط منه وحركت سياره وطلعت
..
عند علي سديت الخط منه وكمت اخذت سويج
طاهر : ها علي وين مو حيجي لغده
ايمن :علي شصاير شو وجهك نكلب
علي عذروني شباب غير مره اتغده وياكم صار ضرف لازم اطلع هسه
امجد : لك احجي شكو لتخلي بالنا يمك
علي ان شالله ماكو شي اني مافهمت شصاير بس افتهم من اخوي افهمكم الوضع
ايمن: تريد نجي وياك
علي : لا خليكم حب تسلم باوستهم وطلعت شغلت سياره وحركت الوضع بالبيت ميطمن وعمي غسان ماشوف منه حركه بس نصبر ونشوف..
__
بيت ياقوت
رند : خلص الرمي وهدا اتصلت امي بيه فتحت خط  الو ماما
ايناس  : باعي الطلق خلص بس لطلعين انتضري يروحون يلا
رند : ماشي ماما ليضل بالج
ايناس : شلون ميضل باالي بنتي شهل حال لي احنه بيها
رند : الله كريم ماما هسه يهدا الوضع وانزل
ايناس ماشي راح اشوف ابوج
رند: تمام
..
ايناس سديت الخط من بنتي اوف يا اللهي رحمتك بينا
احمد : ها طمنتي عليها
ايناس: اي يخوي طمنت
احمد: ابقي بلغرفه خاف يصير شي حطلع اشوف غسان
ايناس: جايه وياك ماكدر ابقه هيج
طلعنا  من الغرفه صوت غسان عالي ويحجي ويصيح شافنا وسد الخط وتجه عليه حتضني
غسان: مابيج شي مو
ايناس: لا عمري مابيه بس شصاير احجيلنا
غسان: تعالو اكعدو بالمطبخ هنا كزاز مطشر هواي
اتجهو لمطبخ سحبو كراسي وكعدو ايناس فتحت بطل المي وشربت
احمد: غسان ماعرفت منو سوه هيج وليش
غسان: هسه ارجعلكم بس اتاكد راحو حته اطمن علينا،
سحب سلاحه من خصره وطلع من المطبخ
فتح موبايله ورفعه
: نعم سيدي ننسحب هسه
غسان اي عاشت ايدكم شمرو الامانه ونسحبو
امرك سيدي....

..........
يتبع 🍁
بارت حماس لتنسون ارائكم بكومنت ومتابعه وتصويت هل شي يسعدني