إقتحام من الماضي

البارت الثامن 🍁

بقلم 𝒅𝒐𝒂𝒂 𝒉𝒂𝒔𝒂𝒏 𖤍
ياقوت :
بعد ايده فتحت عيوني وشفته شكد قريب مني وكاعد كبالي ضخم وشعره مبعثر ومحاصرني ب الحايط خفت احجي حرف كدامه رخه ايده لي لازم ايدي بيها وكال :
◼️: خليج عاقله هيج راح افتح جهازج وراح دزين بصمه لاختج تكولين بيها خلي غسان يعوف الشرطه ويسحب بلاغ اختفائج ويرجع ال 900 مليون السحبهن من لعبه 199 7لي لعبها وغير هل حجي متحجين فاهمه
ياقوت بقيت صافنه ابويه شعليه بهذا ولعبه  شنو هاي يربي ساعدني هذا شديحجي لزمني من وجهي بقوه وكال
◼️: هيووو وين صفنتي سمعتي شداكول لو متعلمه ع الضرب انتي
ياقوت هزيت راسي ب اي ومصدومه منه وخر ايده من حلكي وفتح جهازي ودخل ع برنامج الواتس ع رقم رند شفت صورتها ع واتس نزلت دمعتي وووف يربي خله ايده ع البصمه وكال
◼️يلا كولي وديري بالج تغلطين ب كلمه
ياقوت :ماشي
الووو رند باعي خلي غسان يسحب بلاغ الشرطه ويرجع ال 900 مليون الي سحبهن من لعبه 199 7
بس كملت كلامي رسل البصمه وخر مني وطلع وهو ديقفل الباب اسمع موبايلي يدك ب ايده عرفتها رند صحت عليه
اترجاك بس احاجيها الله يخليك والله ماكولها ب مكاني والله ماحجي شي عنك الله يخليك اترجاك بس اسمع صوتها حسيته راح ودنكت وبجيت بقوه لحظات وحسيته واكف رفعت راسي
◼️اذاتغلطين بحرف اموتج
ياقوت: والله ماغلط والله
فتح خط وسبيكر
رند :الووو الوو ياقوت لج الووو احجي كلبي ميت عليج
ياقوت بصوت مبحوح
:رند شونج مامه شونها
رند: تمام تمام خايفين عليج وينج انتي
ياقوت:تمام اني لتخافين عليه  باعي رند هل مكالمه حذفيها بعدين ولتكولين لاحد عنها بس لبصمه لي دزيتها سمعيها ل خالو و لبابه
رند: ياقوت بابه مكايليه شي لان راجع من لسفر ليوم ع اساس وكمال اجه ليوم
ياقوت :سمعيها لكمال وللكل ومن يسمعوها حذفيها للمحادثه واذا كالو ليش كوليهم هيه كالت اذا متحذفوها يكتلوني خلاص
رند :باعي شون اخذتي جهازج منو اخذج وين انتي
ياقوت :ماكدر احجي شي مامه امانه عندج وسلميلي على نادين
احبج
رند: امانه نتبهي ع نفسج وصار ماحجي لاحد بس ابقي تواصلي ويايه
ياقوت ردت احجي وسد لاتصال وكال
◼️: فاجئتيني متوقعت هيج راح تصرفين
ياقوت :وضعي ميسمحلي اصرف غير تصرف
◼️: خليج هيج
وكام من عندي واخذ موبايل وراح وقفل الباب بجيت بقوه ع رند وصوتها شكد مشتاقتلها يا لله خلصني من هل مكان...
...
في منزل ياقوت
رند بعد محجيت ويه ياقوت بقيت ابجي واسمع كمال يكول
:رند شبيج افتحي الباب ليش البجي رند
رند:كمت بتعب وفتحت باب الغرفه شفته واكف ومعالم القلق مبينه عله وجه
كمال :  شبيج لج ليش هل بجي اني ع درج وسمع صوتج شكووو شصايرر
رند: كمال اكدر اثق بيك وحجيلك والله خايفه
كمال :لج طبعا تكدرين احجي شكو شو تعاي كعدي هنا
سحبني من ايدي وكعدني ع سريري وكال لج بس كافي هل بجي
رند: احجي وابجي كمال ياقوت دزتلي بصمه صوت بس مفهمت شنو كالت بيها كلام غريب وكالت وره ميسمعون بصمه احذفها لان هيه يكتلوها ولله خايفه عليها
كمال :يا عمري شو سمعيني لبصمه ولتخافين
رند :والله اخاف علي وخالو ياخذوها للشرطه
كمال: بنيتي لتخافين اني ماخلي احد ياخذها بس فتحي جهازج وسمعيني شكالت
رند: تمام فتحت لبصمه وسمعها صفن بوجهي كال شنو900مليون ولعبه شنو 199 7 هذا تاريخ سنه مو تاريخ عادي
رند :ادري والله بس خايفه يا لله
كمال :اشش  اهدي لتخافين
رند :شراح نسوي شون نسمعهم لبصمه بدون مياخذوها
كمال: انتي كلتي انو حجت وياج وكالتلج حذفيها وره ميسمعون بس هل كلام مو بلبصمه هاي يعني دزت بصمه ثانيه ومسحتيها لو شوون
رند يا لله شراح احجي هسه دنكت منه بخوف خايفه عليها واخاف يحجي بس ادري بي اعقل  واحد ب البيت هو كمال ورزن بتصرفاته بس مادري مادري احجي بداخلي وماعرف شسوي
كمال باوعتلها خايفه وترجف حسيت اكو نقص بكلامها وحقها تخاف لان  موضوع كله يتعلق ب اختها ووف ياياقوت وينج
تقربت منها وكتلها رند باوعيلي شوو رفعت راسها عيون حمر من لبجي وشفتها حمره والخدود ووف يبنت كلبي خايفه من عندي
:رند ثقين بيه موو
رند :يي اثق بيك
كمال: لعد ليش خايفه من عندي وتعرفين اكثر شخص هادئ اني وماسرع ب اي خطوه اخطيها
رند: كمال مو بيدي خايفه كولش عله ياقوت وماكدراحجيلك😭
كمال :اذا متحجيلي شون راح اساعدج ها ثقي بيه رند وسولفي كل لي صار وشوكت صار ولتخافين اني ياقوت اثق بيها مثل مااثق بيج وعرفها مثل ماعرفج لهل سبب يا عيني امنيي بيه وسولفيلي يلا
رند: بس توعدني يبقا بينا ومحد يدري ولا حته خالو او امي
كمال :وعيونج محد يدري احجيلي يلا
رند:(تحجي وتبجي) اوك جنت نايمه وسمعت صوت جهاز فتحته وشفت بصمه ياقوت راسا تصلت بيها وتمنيت ترد فتحت خط وحسيته خايفه كولش وكالت اني تمام وكالت مامه امانه عندي وادير بالي عليها وكالت بس تسمعيهم لبصمه حذفيها ولاتصال لتكولين لاحد عليه ترا يكتلوني كتلها وين شون اخذتي موبايلج نكطع الخط كمال خايفه عليها 😭😭
كمال: اوووف اهدي تمام تمام بس ملازم نبقه هيج رند المكالمه لازم تروح لشرطه حتى يتعقبون مكانها ويساعدوها ميصير تبقين ساكته هيج
رند سحبت موبايل من ايده وكتله:
لا كمال لا انت وعدتني متحجي ميصير سوي هيج ياقوت تتاذه وانت متدري هيه مو غبيه من كالت هيج اكيد همه مخوفيها ومحذريها لان لو محد يمها مجان حجت هيج وكالت سلميلي على نادين يا ربي ساعدنه وحفظها
كمال: شفتها تهسترت من لبجي لزمتها من ايدها
:رند باوعيلي خلاص تمام تمام بس لتبجين ماشي كافي تبجين خلاص ماحجي لاحد وعد والبصمه دزيها لجهازي واني اسمعهاا الهم خلاص كافي بجي محد راح ياذيها شفتها باوعتلي وعيونها كلها دموع
رند: ااكيد مدتحجي هيج حته تسايرني مَو
كمال: لا يعمري لا خلاص اهدي
رند: تمام بس بابه ميدري بشي لان تصلنه بي اكثر من مره مغلق
كمال: هسه اني اطلع اخابره وشوف خالتي شون صارت انتي اهدي بس ماشي
رند :ماشي
كمال..
طلعت من غرفة رند  واخذت موبايلي وطلعت عل البلكون اعرف صديق الي قديم واثق بي ثقه كامله متاكد هو وحيد لي راح يساعدني  ويحل هل مشكله
:الووو ها گلب وينك
فهد:الوووو
...
يتبع
اتمنى يعجبكم البارت ولتنسون ارائكم بتعليقات 🖤🖤