إقتحام من الماضي

البارت الخامس 🍁

-بقلم
𝒅𝒐𝒂𝒂 𝒉𝒂𝒔𝒔𝒂𝒏 𖤍
_تضرب بنا الاقدار وتعصف حولنا اغصان الخريف فلا نعلم على اي غصن نتكئ وبين حيرة وحزن وخوف بين تلك الاغصان المتكسرة رأيته من بين الضباب امسك بيدي قائلا لاتخافي...

متابعة شيقة اعزائي القراء
...
2015/10/12//  4:15am اليوم الثاني

رند:
، احجي وياها ومحسيت اله وكعت عله ايدي مامه مامه اضرب عله وجها ماكو مامه متفتح عيونها مامه كمت اصيح يربي الطف بحالنه عفتها ع السجاده وكمت اركض جبت موبايل وتصلت عله علي ميرد يا لله شسوي رجعت لمامه اضرب عله خدها مامه حبابه كعدي مامه رجعت لزمت موبايل وتصلت عله علي.......... ميرد يربي شسوي اتصلت عله خالو

احمد :ها خالو كولي
رند :خالو تعالو بسرعه مامه تخربطت داتصل عله علي ماكو ميفتح خط
احمد :شلووون تخربطت يله راجعين بنتي هسه بطريق هذا علي يمي ديسوق يلا حاولي تكعديها
وسد الخط

رحت جبت كلونيا واخلي بايدي واحاول اكعدها وضرب عله وجهها متكعد يربي شسوي لحضات صعبه وموقف ماتمنا لاحد،
مامه مامه كعدي حبابه يربي اسمع صوت لباب اكيد هاي علي
عفت مامه وركضت على الباب فتحته ودخل علي يركض
علي : وين عمتي
رند: جوه بغرفتها
رحنه ركض وشالها خالو وعلي وكالو نطينا عبايتها لبستها عباية واخذوها لبست نعالي (تكرمون) وطلعت وياهم صاح بيه علي
:وييين رايحه
رند :وياكم علي حباب اخذني
احمد: خالو راح ناخذها لمستشفى لتخافين قفلي لباب ونتضرينا اي شي يصير خابرينا
رند: ماشي خالو بس طمنوني عنها
علي: ان شاء الله يلا قفلي الباب

رند: قفلت لباب ومن خوفي على مامه مشيت خطوتين وكعدت بكراج نتجيت على سيارة خالو وكعدت ابجي منا اختي ومنا امي ياربي ساعدني ماعندي احد غير امي وختي ياربي لحضات مرت ماحسيت ع الوقت وبقيت ابجي شفت الجو بدة يطلع ضوه الصبح وسمعت باب الكراج نفتح اكيد كمال اجه بس هو عنده مفاتيح البيت وباب الكراج يربي شحجيله هسه مابيه حته اكوم واني اسمع صوته نزل من سيارته وشكله حس بيه كاعده هنا
كمال :منو هنا
يحجي ومتوجه ع سيارة احمد
ولتفت شاف رند كاعده ومنتجيه ع سياره وتبجي
كمال :رند شسوين هناا منو وياج مو داحاجيج شو كومي اوكفي
رند: كمال همزين اجيت
كمال: اوكفي بابه ليش هل بجي منو وياج شو تعاي هسه يطلع احد يشوفج هيج تعالي
رند كمت وكفت واني ابجي وحجي:
ماكوو ااحد كمال محد بالبيت مامه اخذها خالو لمستشفى هو وعلي
كمال :شووون ليش شبيها عمتي لج بس كافي تبجين وتعاي فهميني وحده وحده زين ياقوت وينها هل خبله ليش عايفتج هنا
رند :هوذكر ياقوت واني نهاريت بلبجي مثل نفاخه وتريد بس تنفجر حضنته حيل وكمت ابجي
كمال: لجج رند شبيج بنيتي كافي بجي بس تعالي نفوت للبيت وحجيلي كولشي
رند: دخلني للبيت وهو حاضني ودخلنه لمطبخ واني بعدني حاضنته وبجي بعدين نتبهت ع نفسي ابتعدت عنه ومسحت دموعي وخجلت من نفسي يا ربي كالي وهو لازمني من كتفي
:تعالي كعدي هنا
وجر كرسي كعدت عليه وجابلي كلاص مي وكال
: شربي مي وحجيلي عله كيفج من بدايه لحد ماجيت شصار بغيابي
رند: مااريد اشرب شيي
كمال بنبره حاده :رند كتلج شربي مي يله بنيتي
رند شربت مي وحجيتله
: ليوم اقصد ع لبارحه ياقوت مرجعت لبيت ومختفيه ولحد هسه منعرف شي عنها وخابرنه ابو لخط وكال دزتله رساله كالتله لتجي حطلع ويه صديقاتي بس هيه ماعدها صديقات وماعدها احد غير نادين صديقتها وخابرتها وكالت شافتها وهيه طالعه من كراج وبنات الخط يكولن مرجعت ويانه ومامه نهارت وتخربطت واخذها خالو قبل متجي بدقايق
كمال: بصدمه شلووون شلووون واني ليش محد نطاني خبر
رند :خالو كال انت جاي بسيارتك وانت تسوق ومخبرك حته لسوق بسرعه وسوي حادث
كمال: زين ياقوت ماعدها صديقه غير هاي مخابرتي سالتي
رند: لا ماعدها والله بس هاي
كمال: وابو عماد شون هيج ميروحلها حته لو رايحه ويه صديقاتها
رند: مادري كمال مادري خايفه عليها كولش ممطمنه
كمال :كافي رند لتكولين هيج ان شاء الله نلكاها وين تروح قابل
خلي اشوف ابوي وشوف امج شون صارت ورجعلج
رند :لاكمال تصل هنا والله بالي عله مامه
كمال :ماشي بس اهدي انتي
طلعت موبايلي وتصلت عله ابويه
احمد :الو ها كمال وين انت
كمال :بابه اني رجعت لبيت وحجت لي رند كل لي صار وينكم هسه خالتي شونها عمي غسان يدري لو لا
احمد :بويه غسان تصلت بي اكثر من مره مغلق جهازه ومنعرف وينه بس هو قبل كم يوم من خابرته كال هل اسبوع جاي لبغداد وشوف احمد خالتك وضعها هسه مستقر بس دكتور كال هاي بدايه جلطه دماغيه ابد لتكول ل رند ترا لبنيه تنهار وتفقد عله امها
كمال :هاا ماشي بويه لشيل هم زين شوكت يطلعوها من مستشفى
احمد :الدكتور كال بس تصحى ويستقر وضعها تكدر تطلعها من مستشفى
كمال: زين وين انتو بيا مستشفى
احمد :مستشفى اليرموك لتجي وعينك عله رند بس تصير زينه نطلعها ونرجع
كمال: وياقوت شون؟؟
احمد: بعد شويه ادز علي للمركز مال شرطه يقدم بلاغ ب اختفائها و ان شاء الله نلكاها
كمال: ماشي بويه ان شاء الله
احمد: يله بويه مثل ماوصيتك
كمال :ماشي ياب لشيل هم الله وياك وسد لاتصال
رند :ها كمال شكال خالو شونه مامه
كمال :مابيه شي شويه ضغطها صعد بس ترتاح ويتعدل ضغط يرجعون
رند: اوف الف الحمدلله
كمال: رند انتي من البارحه منايمه وشوفي ساعه صارت 7صبح امشي نامي ساعه وارتاحي خاف تجي خالتي تحتاجج شي
رند :بس وياقوت شون انام وهيه ماكو؟!
كمال: عمري قابل ياقوت تقبل هيج تبقين كاعده ومنايمه هاا يله امشي نامي كعدتج هاي مسوي شي بس تعبج
رند :ماشي حروح انام بس يجون كعدني
كمال :ماشي نوم العافيه
...
ياقوت مادري شكد مر وقت واني غافيه وسمعت صوت لباب نفتح.....

يتبع.. 🖤