إقتحام من الماضي

البارت التاسع عشر🍁

صباح الخير للكاعدين هسه ساعة pm1:15ومساء الخير للكاعدين من صبح شلونكم يارب تكونون تمام بما انو اليوم كاعدة من وقت كتبت بارت اخر حمااس يارب يعجبكم ❤❤
اترككم مع البارت
_______
متابعة شيقة
*by: 𝒅𝒐𝒂𝒂 𝒉𝒂𝒔𝒔𝒂𝒏 𖤍
_______

2015/10/14

شاهين:
طلع وقفلت البوابة ورا دخلت على الحديقه شلت العلاجات وجهاز ضغط ورحت للبيت خليتهن بمجر رجعت عليها باوعت المغذي مابقاله شوي بس ويخلص كعدت يمها وشعلت جكاره الجو حلو والكعدة مضللة بقمرية مرتبة ضل اشجار عالي شكلي فعلا راح اخذ اجازه هنا هوب شاهين تخبلت الدنيه عالكها وكاعد تدخن احجي بيني وبين نفسي وشفتها فتحت عيونها
_ طفيت الجكارة، اذا تكعد هنا تسببلي مشكله وحتمال متسوي شي مراح انتضر تسويلي مشكله لو تصرخ گمت وكفت عند المغذي باوعتلة خلص سديته من انبوبة المتصله بي ونزلت جسمي عليها لزمت ايدها فتحت لاصق اشوفها تأوهت شلت الكانونه وخليت كطنه صغيره ولاصق ثاني تباوعلي تغمض وتفتح كمت قربت منها وشلتها بعدت راسها بثقل
ياقوت بصوت خافت
: الله يخليك لتأذذيني عوفني
شاهين : اشش مامأذيج اسكتي
شلتها ودخلت البيت صعدت درج شفتها غمضت عيونها وخافت
شاهين بصوت هادئ : اهدي
وصلت الغرفه لجهزتها الها وكت نضفت البيت خليتها على السرير ورفعت جسمي كلت
: هاي اخر فرصه انطيج اياها ايديج مراح اربطهن خليج ادميه وممنوع تسوين شي غلط
ياقوت بصوت خافت ودموع نزلت على خدودها
: ماسوي ماسوي اتوسل بيك لتأذيني بشي
شاهين : خليج عاقله ونشوف
عفتها وطلعت وقفلت باب الغرفه عليها نزلت على الاستقبال باوعت الساعه صارت
9:30am
تصلت على مطعم وطلبت فطور مرتب وجاي سفري سديت الخط منه لبين ماجهز نواقص المطبخ من غاز وزيت وهل سوالف خليت راسي على التخم وغمضت..
_ياقوت:
بيني وبين نفسي شبه فاقدة اصحى وارجع اغفه باوعت بتعب ايديه مضمدات باوعت على الغرفه مربعه حايط لون ابيض سرير نوم وسط الغرفه وميز تواليت امامها بجانبه على يسار السرير كنتور خشبي قديم واكو كدامي على يميني شباك كدامه طبله صغيره خشبيه بيجيه لون وكرسي خشبي معقوله مراح اطلع منا ليش جابني هنا ياربي خلصني منه خايفه هوايه بس هل مكان مريح هل غرفه نضيفه وشكلها امان لا ياقوت لتفكرين هيج ماكو امان وانتي خاطفج هل مختل سمعت صوت عصافير بره حاولت اكوم بس منتهيه حرفيا باوعت اكو بطانيه على الفراش سحبتها وتغطيت ياربي الحمدلله من هذاك المكان
للحظه غمضت ومحبيت افكر بشي ثاني
...
شاهين فزيت على صوت موبايل يدك فتحت خط
فهد : الو شاهين اني بالسوك كلت امر عليه قبل ماجيك گولي شمحتاج
شاهين : باوع اكتبلي عندك
فهد : ماشي
شاهين : 6بطاله زيت وجاي وحليب وبهارات مطبخ شكر وملح و محتاج غاز هنا وجيب حبشكلات مطبخ كامله
فهد : الغاز جايب ثنين بسيارة وجايبلك جنطه ملابس الك وحاسوبك هم وشغلات تحتاجها
شاهين عاشت ايدك ماشي وتعال بسيارتي تلكاها بمستشفى بقت عند قصي
فهد : شوداها عند قصي
شاهين : من جبته وياي صبح بسيارتي وراد يرجع تكسي ماخليته كتله اخذها وفهد يمر عليك
فهد : زين تسوي لعد اني اخذ واحد من الولد وياي اخلي يجيبها وننتضرك على شارع حته ميندل البيت
شاهين : اي هيج اامن
فهد : يلا قريب منوصل اتصل بيك
شاهين : تمام حب
سديت الخط منه كمت للمطبخ غسلت وجهي باوعت كهرباء بعدها موجوده
طلعت على الاستقبال شفت المندوب يتصل رفعت الموبايل دليته بالعنوان وطلعت بره على الشارع مسافة شفت دراجه وكفت كتله يمك يمك
المندوب : صباح الخير
شاهين : صباح النور مو جنك متأخر زياده هاي عود انتو اقرب مطعم
المندوب : اي والله اقرب مطعم احنة بس مسافه بعيده ومحد يطلب من هاي منطقه دليفري
شاهين : شكلي اول من يوصي
المندوب بابتسامه : اي تفضل الطلب وهذا الشاي باكواب حافظه للحراره
شاهين : تسلم تفضل الحساب
المندوب : شكرا
شاهين اخذت طلبيه ورجعت على البيت خليتها على طاوله فتحت الاكياس سحبت صينيه خليت كوب جاي وسندويشات البيض بالخضار وصحن جبن خليت شريطين علاج فيتامينات عامه ومقوي ومضاد التهابات صعدت فوك فتحت القفل لكيتها نايمه، يمكن هذي اول مره اشوفها نايمة براحة وامان
سديت الباب بقوة ومتقصد فَزت
ياقوت رفعت راسي شفته واكف عند الباب بكل وضوح ضخم وطويل ابيض البشره حاد ملامح عيونه زرك طوخ يخوف مكدرت احجي شي
شاهين شفتها تباوع بارتباك وخوف قربت منها خليت الاكل على طبلة وسحبت طرفها بيدي بتجاه سرير ومشيت خطوتين سحبت كرسي خليته كدام طبلة وكعدت
شاهين : مناويه تاكلين؟
ياقوت : ها ماشي بس ممكن
شاهين : شنو
ياقوت : اريد غسل دايخه ونفسي تلعب (غثيان المعدة)
شاهين : من المغذي كومي وراي وكمت وكفت
ياقوت : ها
شاهين : تمشين لو متعلمه عالسحل
ياقوت : اوك
بيني وبين نفسي هو مشايف روحه شون يخلس اقل حجايه ويكب
شاهين اباوعلها تخاف مني وكامت من سرير ورجعت كعدت عرفتها دايخه بعدها يراد اقيس ضغطها قربت منها فزت لزمت ايدها من زندها بهداوة ومشيت مشت وياي ومنزله عيونها على الكاع وكفتها كبال باب الحمام
شاهين : ادخلي
ياقوت : شكرا
دخلت الحمام مصدومه منه هذا نفسه لخاطفني لو مبدلينه لثانيتين عبالك غير واحد لا لا ياقوت لتنخدعين يبقه خبل وبأي لحضه يعصب ويضرب باوعت على الحمام حلو ابيض ومرتب زجاجي نتبهت على ايديه توجعني من احركهن ولابسة بس قميص وبطرون سترتي ماهيه يخوف هل بشر فتحت المي غسلت ايدي على كيف غسلت وجهي وركبتي و غسلت تكرمون وكملت باوعت على شعري مفتوح صارلة اربع ايام وبي تراب غسلته ردت اضفره بس مكدرت فتحت الباب شفته واكف يدخن دنكت وهو مشى كدامي مشيت ورا دخل الغرفه دخلت هو كعد على الكرسي واني على سرير فتحت كوب الجاي وشربت
، اف شمشتاقه لهل طعم
تريكت بهدوء ورتباك شي مو مريح ابد انك تاكل وشخص يراقبك كملت اكل شفت العلاج على طرف صينيه رفعته بيدي كتله
ياقوت : هذا العلاج الي!
شاهين : اي
ياقوت : ماريد اشرب شي منه
شاهين : لتخافين سندس مو سم ولا مخدرات مضادات حيويه ومقويات
ياقوت : بس ماحب الادويه لو سمحت
شاهين اباوعلها تحجي وياي ومدنكه استغفر لله ياربي
: محد طلب تحبيهن اشربيهن وسكتي لو اله اعصب وصيح
ياقوت رفعت راسي اله يغزر هفف اخذت بطل مي ردت افتحه مكدرت
شاهين : فاهيه
سحبته من ايدها وفتحته
ياقوت محاجيته شي شربت الادويه وشربت مي كام واخذ صينيه
ياقوت : ممكن تبقي بطل المي
ماحجه شي ترك البطل على الميز
شاهين : هسه اجي
طلع وقفل الباب ورا
اف يا شهل حال ياربي شعده جاي بعد شيريد مني هفف خليت راسي على المخده ماعرف ابجي على وضعي ماعرف اطمن لان جابني لهل بيت
...
شاهين نزلت جوه خليت لأكل على طاوله وسحبت جهاز قياس الضغط من المجر وصعدت فوك فتحت الباب فزت ورفعت راسها من المخدة
ياقوت شفت جهاز ضغط دم بيده انصدمت
ياقوت : تعرف تقيس ضغط الدم؟؟؟
شاهين : هو ياهوَ الميعرفله هسه!
ياقوت ماحجيت شي مستفز ويبقه ينرفز على طول
شاهين قربت خليت جهاز الضغط على الطبلة سحبت الكرسي خليته بجانب السرير وكعدت فتحت الجهاز واباوعلها رجعت جسمها وره على الفراش
شاهين : ايدج اليسرة حجيتها وفاتح ايدي الها

......
...
يتبع 🍁
شنوو رأيكم بي وبطريقة السرد اكتبولي بالتعليقات ولتنسون متابعة ونجمة هل شي يسعدني ويخليني استمر احبكم🍁♥