الساعة 8:30pm
من نفس اليوم 2015/10/13
عند ياقوت //
احس بصداع ودوخه قويه غفيت وفزيت عدة مرات واحس حلقي جف عطشانه الغرفه بارده اباوع ايديه ماكدر احركها ابد تحركني رفعت نفسي شوي باوعت من شباك الجو ضلام خافت هاي صار ليل واني هنا ومماكله شي من البارحة ياالهي الطف بحالي شنو راح يصير بية اصيح بصوت مبحوك
: اكو احد هنا الله يخليكم ساعدوني
اصيح وماكو فائده هفف غمضت بتعب
اسمع صوت رند براسي وهي تشاقه ويايه وتحجي
قبل سنه، بغداد، الشارع..
رند : يلا ياقوت بقى بس نشتري كم تنورة من المول
ياقوت تمشي وراها
: لج انتضري لحضه عفتي الغراض بيدي وتمشين بسرعه فوكاها
رند رجعت عليها وصلت يمها
: اسفه حبي انطيني هذني اشيلهن عنج
ياقوت : تفضلي شيلي هذني بس الكيسين
رند ندارت على محل بجانبها ونتبهت على قلادة عبر الزجاج
: ياقوت باعي باعي خلي نشتري هاي لكلاده هم حبابة
ياقوت : بس قصيرة حيل تضيع ويه القمصان الشتريناهن
رند : باليز عجبتني
ياقوت : لج ناعمه هاي والله زين تعالي خلي ندخل المحل بلكي نلگى زنجيل اطول
رند : بس وتنورات لأريدها خاف نتاخر اكثر
ياقوت تحجي وتوجهت على محل الذهب
: تعالي عود نخابر على سايق بابا نكوله يتأخر علينا اذا كولش تأخرنا
رند : لج فديت يلا ندخل لعد
ياقوت بضحكه : هسه فديت مو هههه يلا تعالي
دخلن لمحل ثنينهن
ياقوت ورند : السلام عليكم
صاحب المحل : وعليكم السلام اهلا وسهلا تفضلي بنتي
ياقوت نزلت لأكياس بلأرض هي و رند
: زاد فضلك عمو شكد سعر هاي لگلادة المعروضة
صاحب محل
: هاي بنتي (اخذ القلادة نزلها تركها على المعرض الزجاج) ذهب اماراتي احسبها الج 250 الف
ياقوت : عمو هي حلوة بس ماعندك زنجيل اطول شوي
صاحب المحل : لا عمو هذا آخر واحد باقي من نوعه عندي هاي نوعيه اذا تحبين
، التفت الرجل وسحب من الرف مجموعة سلاسل ذهب طويله ومختلفة النقش
رند بصوت ناصي : لا أول واحد احله حبيته
ياقوت : تمام، لا عمو انطيني الگلادة نفسها
صاحب المحل : ماشي عمو
وزنها سحب علبه من اسفل الرف لونها اسود فتحها ورتب القلاده بيها مع الوصل وجهزها بكيس هدايا مرتب تفضلي بنتي تلبسيها بالعافية
ياقوت : تفضل عمو الفلوس شكرا
اخذت الكيس وضعته بجنطة وحملت باقي لاكياس هي ورند...
، فزيت من هذه الذكرى على صوت الباب ينفتح رفعت راسي بتعب شفته نفسه دخل بهدوء رجعت نزلت راسي قرب مني نزل جسمه فتح ضوه الموبايل على ايدي واني مدنكه سمعت صوت موبايله يرن گام بسرعه تركني وطلع قفل الباب.
◼️: مو وكتك ابد تتصل شتريد
_: سيدي الثعلب عرف بيك وأرسل واحد من جلابه يستفسر عنك
◼️: اي وبعدين بي حظ خلي يواجهني هل مجرم
: سيدي ماعتقد يواجهك
◼️: غصبا ماعليه يواجهني واسمع فهد اجه اليوم
: لا سيدي مامر على المركز
◼️: ماشي اذا شفته كوله يريدك بالمكان القديم
: امرك سيدي
سد الموبايل مشا مسافه وطلع من البنايه مشى علىطريق حجري ضخم البنية لابس بنطلون اسود وتيشرت اسود وشايل سلاحه بخصره سحب من جيبه باكيت جكاير وشعل قداحة سحب نفس
بصوت حاد :
متفاجئين مني مو حقكم اني متفاجئ من نفسي شلون سويت هيج اعرفكم اكو من يكول ماعنده گلب خاطفها وشامرها واكو من يكول لعكس بس قبل لتحكمون اسمعو قصتي
أنت تقرأ
إقتحام من الماضي
غموض / إثارةهي ليست من قصص الفصليه وليست قصة بين العشائر العراقية المعروفه انها مختلفة جدا بين فتاة مدللة من أبٍ سياسي غني ورجل يثأر لمقتل ابيه وعمهِ ويقوم ب اخذ ثأرهِ ممن قتلو ابيه ودمرو حياته ستقع ضحية لما حدث الفتاة ياقوت ماذا ستفعل ومن يكون هذا الرجل مزيج ب...
